Zürcher Oberland

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Pfäffikersee, Chänte bi Wetzike und de Bachtel

S Züri-Oberland isch de südöschtlich Täil vom Kanton Züri und bestaat us de Bezirk Uschter, Pfäfike und Hiiwiil.

Es hät zwee See-e, de Gryffesee und de Pfäffikersee. D Glatt flüüsst duur de Gryffesee, de grööscht Fluss vom Züri-Oberland isch aber d Tööss. Im Oschte sind hööchi Bëërg, so de Bachtel, s Hörndli und s Schnebelhorn.

S grööscht Ort isch Uschter, wo nach Züri und Winterthur di drittgrööscht Schtadt vom Kanton isch. Schtëërnebëërg isch di hööchstgläge Gmäind vom Kanton Züri. Im Züri-Oberland liit au d Chybuurg, und bi Pfäffike isch s Röömerkaschtell Iirgehuuse. Z Aatel isch s bekannt Dinosauriermuseum.

Literatur[ändere | Quälltäxt bearbeite]

  • Hans-Peter Bärtschi: Der Industrielehrpfad Zürcher Oberland. 128 Seiten, mit 80 Fotos, Objekt- und Situationsskizzen sowie Plänen. ISBN 3-85981-163-0
  • Peter Surbeck: Die Inschriften an Bauernhäuser im Zürcher Oberland, Angrenzende Gebiete (2004) Verlag USTER-Info GmbH ISBN 3-908678-20-X

Weblink[ändere | Quälltäxt bearbeite]

 Allmänd (Commons): Zürcher Oberland – Sammlig vo witere Multimediadateie