Getzis

Gemeindeverwaltung von Getzis
Getzis
	Götzis (Österreich) Götzis
Basisdate
Staat:	Östriich
Bundesland:	Vorarlberg
Politische Bezirk:	Feldkirch
Kfz-Kennzeiche:	FK
Fläche:	14,62 km²
Koordinate:	47° 20′ N, 9° 38′ OKoordinate: 47° 19′ 59″ N, 9° 38′ 0″ O
Höchi:	448 m ü. A.
Iiwohner:	12.041 (1. Jän. 2023)
Bevölkerigsdichti:	823,6 Iiw. pro km²
Poschtleitzahl:	6840
Vorwahl:	05523
Gmoandskennziffer:	8 04 08
NUTS-Region	AT342
Adress vo dr ; Gmoandsverwaltig:	Bahnhofstraße 15; 6840 Getzis
Website:	www.goetzis.at
Politik
Burgermoaschter:	Christian Loacker
Gmoandsvertrettig: (2015) ; (30 Mitgliider)	15 ÖVP,; 8 Grüne,; 4 FPÖ, ; 3 SPÖ
	Lag vo dr Marktgemeinde Getzis im Bezirk Feldkirch
	Lage der Gemeinde Götzis im Bezirk Feldkirch (anklickbare Karte)
	; Getzis vom Kummaberg us
	(Quelle: Gmoanddate bi Statistik Austria)

Dialäkt: Vorarlbärgisch

Getzis (hochdütsch Götzis) isch a Marktgmoand mit 12.041 Iiwohner i dr Kummaberg-Region im Bezirk Fealdkirch z Vorarlberg, Öschtriich.

Geografi

Dr Kern vo dr Gmoand Getzis lit im Vorarlberger Rhital uf 448 Meter Höhe. Dr tüfschte Punkt vo dr Gmoand lit uf 410 m i dr Talsohla und dr högscht uf 1.645 m uf dr Hoha Kugl. Vo dr ganza Fläche sind im Johr 1996 33,4 % Landwirtschaftsfläch, 44,6 % Wald, 0,4 % Alpa, 14,1 % Sidlungsfläche und 7,4 % sunschtige Fläche gsi.^[1]

Getzis grenzt a sechs andre Vorarlberger Gmoanda (im Uhrzoagersinn vo Nord noch Wescht): Ems isch di uanzig wo im Bezirk Dorabira lit; alle andra, nämli Fraxra, Kluus, Kobla, Mäder und Alta ligend wia Getzis im Bezirk Fealdkirch.

Gschicht

Getzis isch im rätischa Reichsurbar s erschtmol as Cazeses gnennt wora. Um 1000 n. Chr. isch um dia alt Kircha an klenna Dorfkern entstanda. 1375 isch dia Grofschaft Fealdkirch vrkoft wora und Getzis mit deam i dr Bsitz vo dr Habsburger koh. Am 15. Mai 1694 isch Getzis a Marktgmoand wora.

Am 1. Jänner 1801 hot ma Getzis und Alta politisch trennt, und Getzis isch so a uagaständige Gmoand wora. Im Erschta Wealtkriag (1914–1918) hond ebba 800 Mä vo Getzis in Kriag müassa, 152 sind gfalla oder sind i dr Johr druf a dr Folga gstorba. 233 Getzner hond im Zweita Wealtkriag (1939–1945) s Leaba loh.

Iiwohner

Quella: Statistik Austria: Bevölkerung seit 1869 für Gemeinden. STATcube

Johr	1869	1880	1890	1900	1910	1923	1934	1939
Iiwohner	2.534	2.701	2.982	3.370	4.013	3.773	4.052	4.171
Johr	1951	1961	1971	1981	1991	2001	2011	2021
Iiwohner	5.435	7.034	8.292	8.735	9.512	10.095	10.757	11.768

Politik

D Gmoandsvertreatig hot 30 Mitglider. Noch dr Wahl 2010 hot d ÖVP 17, dia Grüana 6, d SPÖ 5 und d FPÖ 2 Mandat.

Bürgermoaschtr isch sit 2014 dr Christian Loacker.

Kultur und Sacha zum Aluaga

Alte Pfarrkircha Hl. Ulrich: 1340 baut
Neue Pfarrkircha Hl. Ulrich: 1865 baut
Filialkircha Hl. Arbogast: s erschtmol 1473 gnennt
Meschacher Wolfgangskircha
Eligiuskapealla am Fuaß vo dr Burg Neu-Montfort
Mariakapealla z Untrgetznerberg
Mariakapealla z Obrgetznerberg
Kapealla am Kobl
Burgruina Neu-Montfort: Däs Wohrzoacha vo Getzis hot ma zwüscha 1311 und 1319 baut. Dia Burg isch bim Appazeallrkriag vom Bund ob dem See bsetzt wora und isch so oane vo weniga Burga, wo vo dr Appazeallr nit zerstört wora isch.^[2]
Sonderbergschlössle: um 1561 vom Chorherr Dr. Friedrich Sandholzer baut wora

Junker-Jonas Schlössle: 1584 vom Lienhart Jonas von Buch und Udelberg baut wora, zwüscha 2001 und 2004 hergricht und für Leasiga, Kammrkonzert, Usstelliga und anders gnützt
Kulturbühna Am Bach: I dera Kulturbühna, wo ma 2000 eröffnat hot, hond bis 600 Lüt Platz. Si würd für Konzert, Theater, Leasiga, Operetta, Vorträg und viil anders gnützt.

Sport

Mehrkampf-Meeting Getzis: All Johr isch däs bekannte Meeting vo da beschta Zeha- und Siebakämpfer vo dr Wealt im Möslestadion z Getzis.
Ringa: Dr KSV Getzis hot ebba 150 Mitglider und isch oanr vo dr gröschta Vereine z Getzis. S Mitglied Nikola Hartmann hot scho füf Wealt- und Europatitel.
Rennrodla: Dr RC-Schwab isch oana vo dr erfolgriichschta Rennrodl-Klubs vo Öschtriich uf dr Naturbahn. Vrschidene Europa- und Staatsmoaschtr sind us deam Klub koh.
Volleyball: Scho 1977 hot ma dr VC Getzis gründet, oaner vo dr älteschta Volleyball-Vereine z Vorarlberg. Ebba 100 Mitglider spilend i dr vrschidena Alters- und Leistungsgruppa.
Mim Schwimmbad i dr Riebe hot Getzis o a öffentlichs Freibad.

Würtschaft und Infrastruktur

Im Johr 2004 hots z Getzis ebba 450 Firmana mit ebba 3.600 Bschäftigta gia. Dia gröschta und bekannteschta mit Stammsitz z Getzis sind Mepla-Alfit, Sola Messwerkzeuge und Huber Tricot. Wichtig isch o dr Vorarlberger Würtschaftspark (VWP) und däs Betriebsgebiet Hopbach.

Getzis würd vo mehrna Landesstroßa durchquert, hot an Halbaschluß ad A14 (Rheintal/Walgauautobahn) und an ÖBB-Bahnhof a dr Vorarlbergbahn Richtung Breagaz und Bludaz. Scho sit langem gits an Ortsbus, wo ma im Johr 2008 zum Ortsbus amKumma usbaut hot. Hüt vrbindet er mit füf Linia Getzis, Alta und Mäder.

Bildig

Getzis hot sieba Kindergärta, vier Volksschuala, a Sonderpädagogischs Zentrum und a Musikmittlschual, wo dia gröscht Mittlschual z Vorarlberg isch. Mim BORG Getzis hots o a Allgmoanbildende Höhere Schual im Ort. Sit 1990 gits im Vorarlberger Würtschaftspark a Schual für Sozialbetreuigsbruaf, dia Kathi-Lampert-Schual.

Dialekt

Dr Dialekt vo Getzis khört zum Bodeseealemannisch.

Persönlichkeita

Jakob Jonas (um 1500–1588), Philolog, Reachtswissaschaftlr, Politiker und Diplomat
Johann Josef Mittelberger (1879-1963), Politiker
Franz Ortner (* 1922), Journalist
Elmar Oberhauser (* 1947), Journalist, ORF-Mitarbeiter
Alfried Längle (* 1951), Arzt, Psycholog, Psychotherapeut
Robert Schneider (* 1961), Schriftstellr
Hans Nägele Journalist
Nikola Hartmann-Dünser (* 1975), Sportlerin
Gabi Fleisch (* 1959), Kabarettistin, Schauspielerin und Kolummnistin

Literatur

Zeitsprünge. 35 Jahre Mehrkampf-Meeting Götzis, Zurgams Kommunikationsagentur (Hrsg.), Bucher Verlag, Hohenems 2009, ISBN 978-3-902679-23-9.

Weblink

Commons: Getzis – Sammlig vo Multimediadateie

www.goetzis.at

Uanzlnochwiis

↑ Amt der Vorarlberger Landesregierung (Hrsg): Strukturdaten Vorarlberg. Bregenz 1996
↑ Neu-Montfort Archivlink (Memento vom 5. Mai 2009 im Internet Archive)

Dä Artikel basiert uff ere fräie Übersetzig vu dere Version vum Artikel „Götzis“ vu de dütsche Wikipedia. E Liste vu de Autore un Versione isch do z finde.

[1] Amt der Vorarlberger Landesregierung (Hrsg): Strukturdaten Vorarlberg. Bregenz 1996

[2] Neu-Montfort Archivlink (Memento vom 5. Mai 2009 im Internet Archive)

[1]

[2]