Land z Öschtrych

Us der alemannische Wikipedia, der freie Dialäkt-Enzyklopedy
(Witergleitet vun Bundesland (Österreich))
d Charta vo da nün Bundesländer z Öschtrych

Es Land oder Bundesland isch en Gliidstaat vom bundesstaatlich organisierta Öschtrych. S Bundes-Verfassigsgsetz vo Öschtrych und au d Verfassige vo da ainzelna Bundesländer bruuchand hoptsächlich da Begriff Land a Stell vo Bundesland. I da Umgangssprooch und i da Präss wörd je noch Situazion aber beeds bruucht.

Organisazion[ändere | Quälltäxt bearbeite]

D Länder send Gebietskörperschafte, also rächtlich oageständagi Gebilde. Jedas Land hät a Landesverfassig, wo d Rächtsgrundlag vom Land isch, a Landesregierig, wo d Gsetz usfüert und d Verwaltig loatet, und an Landtag, wo d Gsetz bschlüüsst und d Regierig und d Verwaltig überwacht. Oagni Landesgricht hand di öschtrychische Länder aber – andersch as di tütsche Länder – nüd (mit der Uusnaam vom Landesverwaltigsgricht), wil d Gricht a raini Bundessach send.

Gschicht[ändere | Quälltäxt bearbeite]

Füf vo da nün Länder z Öschtrych send scho im Mittelalter entstanda: Nideröschtrych, Kärnta, Staiermark, Tirol und Salzburg. Oberöschtrych isch unter em Joseph II. 1783/84 sälbständig wora. S Vorarlbärg isch a Zit lang en Landestoal vo Tirol gsi, 1861 aber oagaständig wora. S Burgaland, wo früener an Toal vo Ungarn gsi isch, isch 1921 dazua ko. 1922 isch schlussendlich d Stadt Wien vo Nideröschtrych abtrännt und zum a oagna Bundesland erhoba wora.

Weblink[ändere | Quälltäxt bearbeite]

 Commons: Bundesländer z Öschtrych – Sammlig vo Multimediadateie