Vorarlbergisch
| Dialäkt: Vorarlbärgisch |
Vorarlbärgisch, ou Vorarlbärgerisch, isch an alemannischer Dialäkt wo zum Bodeseealemannische grechnet wird, und wo ou naa mit dem Schwytzerdütscha in dr Oschtschwiz verwandt isch. Dia Vorarlbärger Dialekt händ o vor allem a andres Singsang und a woachere Ussprooch.
Fa d Sprachwissaschaftler wird s Vorarlbärgisch nüd zum Oberallemannischa zählt, sondern wia oo die Dialekt am dütscha Bodaseeufer zum Niideralemannischa. Dazua kummt no, daß dia Dialekt zum Toal an starka Walserdütscha Iifluss händ. Ma ka säga, dass im untera Rhytal, ab Götzis abwärts gegat da Bodasee, ender Niiderallemannisch gredt würd, witter dom, äppa Götzis ufwärts, würds widr meh Hochalemannisch, mit gwüssa Eigaarta. So üsserat si all no dr Untrschiid zwüschat am Unterland und am Obrland. Historisch gseha isch des o Gränz zwüschat am alta Bistum Chur und am alta Bistum Konschtanz, dia alt Gränz zwüschat am Vorarlbergr Obr-und Unterland. So weachslat s vum Breagazerischa "ghet" zum Dorabirarischa "ghia" zum Obrländr "kha", eppa bis Fraschtatz und Nenzig redt ma aso. So hoaßts z Breagaz "i hon ghet", z Rankl seet ma "i ha kha", i dr Mehrzahl "mir hond kha", eppa aso hoaßts o uf dr Schwiizer Sita vum Rhytal und im Liachtaschtoanerische. Im Walgau ischas wiadr a kle andrsch: "i woaß" würd denn zu "i weiß" und "i ha" würd zu "i hon".
Inhaltsverzeichnis |
Dia verschiidene Dialekt [ändere]
Dia am schwerschta verständlicha Dialäkt sind dia fa Luschtnou, dia vom Breagazer Would und dia vom Muntafu. Uffällig sind die fu Doarabiara und dia im Walgau.
Wälderisch [ändere]
Dr Dialekt im Breagazer Would hoaßt Wälderisch, isch zimli viilfältig und kaa in drü groaße Gruppana ingtoalt weara:
- Vorderwälderisch: ähnelt stark dem Allgairisch
- Mittelwälderisch: isch am schwerschta verständlich und isch an boda alter alemannischer Dialekt mit Walserischlag.
- Hinterwälderisch: ähnelt im groaßa und Ganza dem Mittelwälderischa, hätt allerdings vor allem in der Ussprach viil Eigenheita
Luschnouer Dialekt [ändere]
Dr Dialekt vu Luschnou isch an gaanz altertümelige alemannischer Dialekt, wu vom Oschtschwitzerdütsch beeinflusst isch. Er wird allerdings fa immer weniger Lütt gsprocha.
Muntafunerisch [ändere]
S Muntafunerisch wird im Muntafu gsprocha und isch durchs Walserdütsch und dem benachbarta Dialekt im Tiroler Oberland beeinflusst. Im Muntafunerische sind o noch etlini Wart am Läba, wo us dr Zit sen, wo ma im Tal no Rätoromanisch gschwätzt hot.
s Walserdütsch im Klenna Walsertal [ändere]
S Walserdütsch wird vor allem no im Klenna Walsertal, am Arlberg in da Gemeinda Lech und Warth und im Groaßa Walsertal gsprocha. S Walserdütsch isch allerdings durch die große Zuawanderung stark bedrängt und wird fa immer weniger Lütt gsprocha.
Vorarlberger Mundartlieder [ändere]
In em alemannische Liederbuch werret fir Bregenz es Lied As reangalat, es schneialat und fir Lustenau es Lied Mädle, magscht an Emser Buob und fir es Große Walsertal es Lied Gang rüef dia Chüehle gnennt.[1]
Lueg ou [ändere]
Quell [ändere]
- ↑ Vorarlberg. Historische Mundartlieder. In: Uli Führe und Stefan Pflaum: Woni sing un stand. Ein grenzüberschreitendes alemannisches Liederbuch. G. Braun Buchverlag, Karlsruhe 2012. ISBN 978-3-7650-8620-5. S. 187-196.
Weblink [ändere]
- red ghörig! Unterhaltsame ifürig ins Vorarlbärgerische
