Klaus (Vorarlberg)
| Kluus | ||
|---|---|---|
 |
|
|
| Basisdate | ||
| Staat: | Östriich | |
| Bundesland: | Vorarlberg | |
| Politische Bezirk: | Feldkirch | |
| Kfz-Kennzeiche: | FK | |
| Fläche: | 5,24 km² | |
| Koordinate | 47° 19′ N, 9° 39′ O47.3086111111119.6466666666667507Koordinate: 47° 18′ 31″ N, 9° 38′ 48″ O | |
| Höchi: | 507 m ü. A. | |
| Iiwohner: | 3.102 (31. März 2012) | |
| Bevölkerigsdichti: | 591,98 Iiw. pro km² | |
| Poschtleitzahl: | 6833 | |
| Vorwahl: | 05523 | |
| Gmoandskennziffer: | 8 04 09 | |
| NUTS-Region | AT342 | |
| Adress vo dr Gmoandsverwaltig: |
Anna Henslerstraße 15 6833 Kluus |
|
| Website: | ||
| Politik | ||
| Burgermoaschter: | Werner Müller (ÖVP) | |
| Gmoandsvertrettig: (2010) (24 Mitgliider) |
||
| Lage der Gemeinde Kluus im Bezirk Feldkirch | ||
 |
||
| (Quelle: Gemeindedaten bei Statistik Austria) | ||
| Dialäkt: Vorarlbärgisch |
Kluus (hochdütsch Klaus) isch a Gmoand in Öschtriich z'Vorarlberg im Bezirk Fealdkirch mit 3.087 Iiwohner.
Inhaltsverzeichnis |
Geografii[ändere]
Dia Ortschaft isch a Erholigsdorf und liet in anara Bucht am reachta Rand vom Rhiital mit am günschtiga Klima. Do, a dr Häng vo da „Hoha Kugl“ (1645 m), würd scho sit langem Wii abaut.
Kluus liet uf anara Seehöhe vo ebba 450 m im Zentrum und ebba 510 m bi da Kircha und hot a Fläche vo 524,46 Hektar, vo dera 263,24 Hektar Wald sind. Nochburgmoanda sind Fraxra, Wiiler, Röötis, Kobla und Götzis.
Vom Gipfl vo da Hoha Kugl hot ma an Rundblick vo da Gletscher i dar Silvretta bis zum Bodasee. Däs gits zwor uf vielna Schwizer und öschtriichischa Ussichtspunkt, abr sealta scho uf so na geringa Höhe.
Gschicht[ändere]
890 isch da Nama s'erscht Mol urkundli as „ad Calcaires“ odr „Kalchern“ erwähnt wora, däs erinnarat a dia Kalköfa wos dozmol gia hot. Im Mittlalter hot Kluus zemmat mit Zwüschawasser, Viktorschberg, Röötis, Wiiler und Fraxra zu da Sulzer Großgmoand khört. D'Lüt hond vo Veahzucht, Ackrwürtschaft und sit am 12. Johrhundert all meh vom Wiiabau gleabt. Im 18. Johrhundert hot ma im Rhiital mim Abau vo Grumpara und Türgga (Mais) agfanga. Am Afang vom 20. Johrhundert hot sich dia Gmoand vom Winzerdorf zu nam mögiga Urloubsort entwicklat; sie liet uf anara Terassa wo ge Süda offa isch und hot vo döt her überdurchschnittli viel Sunnastunda.
Würtschaft[ändere]
Im Früahjohr würd da Ort vo da Obschtbomm-Kultura prägt, wo denn i dar Blüte stond. D'Iiwohner honds gschafft, dass Kluus bi na paar nationala und internationala Bewerb für Bluamaschmuck und guate Umwealt mehrere Priis übrkoh hot. As git einige Lehrweag, wo d'Flora und d'Forschtwürtschaft erklärend.
Politik[ändere]
D'Gmoandsvertreatig beschtoht us 24 Mitglider. Noch da Gmoandsvertreatigswahl vo 2010 hot davo d'ÖVP 21 und dia Grüana 3 Sitz. Bürgermoaschtr isch da Werner Müller.
Gmoandspartnerschafta[ändere]
- Donnerskirchen im Burgenland
Würtschaft und Infrastruktur[ändere]
Im Johr 2003 hots im Ort 70 Firmana vo da gwerblicha Würtschaft mit 1.065 Beschäftigta und 55 Lehrling gia, alls zemmat hots 1.222 lohnstüerpflichtige Erwerbstätige gia.
Verkehr[ändere]
Dia Landesstroß L50 durchquert Kluus vo Nord noch Süd, vo döt goht dia L62 zum Halbaschluß ad Rhiital/Walgauautobahn A14. Kluus hot o a Haltestell vo da ÖBB a dr Vorarlbergbahn Richtig Breagaz und Bludaz.
Bildig[ändere]
Im Ort git as (Stand Jänner 2003) 471 Schüaler, wo a Volks- odr Hauptschual bsuachend. Dia Hauptschual würd zemmat vo da drü Gmoanda Fraxra, Kluus und Wiiler gnützt. Z'Kluus git as o an Kindergarta.
Netzverwies[ändere]
Allmänd (Commons): Klaus – Sammlig vo witere Multimediadateie
| Dä Artikel basiert uff ere fräie Übbersetzig vu dere Version vum Artikel „Klaus_(Vorarlberg)“ vu de dütsche Wikipedia.
E Liste vu de Autore un Versione isch do z finde. |
