Emmen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Disambig.svg Dä Artikel behandlet Ämme im Kanton Lozärn. För anderi Bedütige vo Ämme oder hochdütsch Emmen lueg do


Ämme
Wappe vo Ämme
Basisdate
Staat: Schwiiz
Kanton: Lozärn (LU)
Wahlchreis: Hochdorfw
BFS-Nr.: 1024i1f3f4
Poschtleitzahl: 6020+6032
UN/LOCODE: CH EMM (Emmen)

CH EBC (Emmenbrücke)

Koordinate: 665417 / 21441247.0774998.300003427Koordinaten: 47° 4′ 39″ N, 8° 18′ 0″ O; CH1903: 665417 / 214412
Höchi: 427 m ü. M.
Flächi: 20.37 km²
Iiwohner: i28'701 (31. Dezämber 2012)[1]
Website: www.emmen.ch
Karte
Karte von Ämme
www

Ämme, amtlech Emmen, esch e Iiwohnergmeind im Amt Hofdere vom Kanton Lozärn ide Schwiiz.

Geografii[ändere | Quälltäxt bearbeite]

D'Gmeind esch e Vorort vode Stadt Lozärn. Si liid zwösche (vo Wescht noch Oscht) Lozärn im Südweschte und Süde, Äbike im Süde, Bueri im Oste, Eschebach ond Rotheborg im Norde ond Neuechöuch im Nordweschte.

Ämme bestohd us de beide Ortsteil Ämme-Dorf ond Ämmebrogg. Ämme-Dorf liid im Rüüsstal - Ämmebrogg zomene grosse Teil enere wällige Hochäbeni, nome die ondere Quartier send au im Rüüsstal. Ämme-Dorf bestohd us de Teil (Ober-)Dorf und Onderdorf. Zum Ortsteil Ämme, wo de historischi Sedligsschwärponkt esch, ghöred no de Wiiler Rottertswil (452 m.ü.M.;2,6 km nördlech vom Dorf) , Waltwil (421 m.ü.M.;3 km nordöschtlech) ond Waldibrogg (422 m.ü.M.;3,9 km nordöschtlech) - ond s'Induschtriegebiet Ämmefäld/Hasli/Buholz zwÖsche Ämme-Dorf ond Waltwil. Wägem Flogplatz esch d'Äbeni Ämmefäld/Haslifäld, osser de Induschtriezone, ned bebout. Zwösche Buholz ond de Rüüss liid es grössers Waldgebiet – de Oberi Schiltwald – ond zwösche Waldibrogg und de Rüüss de Onderi Schiltwald. Dör d'induschtriell Aasedlig send im Ortsteil Ämmebrogg die erschte grössere Wohngebiet entstande. Hötzotags hed Ämmebrogg de Ortsteil Ämme i Sache Iiwohner wiit hender sech gloh ond breitet sech emmer no us ond schlöckt früecheri landwertschaftlechi Zonene. Vor allem ide Gebiet weschtlech vo Gerliswil send am Südhang neui Wohnsedlige entstande, wo emmer no grösser wärdid (Erle, Neuhof). Die Chlii Ämme, wo im Gebiet vo Ibach vo lenggs id Rüüss möndet, beldet d'Gränze zwösched em Lettauer Ortsteil Rüüsssbüel ond Ämmebrogg. S'einzige grössere Waldgebiet im Ortsteil Ämmebrogg esch de Riffigwald. De ganz Nordweschte vo de Gmeind esch ländlech prägt met huufe Hüüsergroppe ond Einzelhöf. Dör das Gebiet fliesst vo Weschte noch Oschte de (Hellbüehler-) Rotbach, wo es paar Kilometer lang d'Nordgränze zwösche Ämme und Rotheborg beldet. Vode ganze Gmeindsflächi vo öber 20 km² wärdid 46,6% landwertschaftlech gnötzt. Osserdem heds Wald ond Ghölz of 18,2% vode Ortschaft ond e Drettel esch Sedligsflächi, wo no emmer am wachse esch.

Weblenks[ändere | Quälltäxt bearbeite]

 Allmänd (Commons): Emmen – Sammlig vo witere Multimediadateie

Einzelnachweise[ändere | Quälltäxt bearbeite]

  1. Statistik Schweiz – STAT-TAB: Ständige und Nichtständige Wohnbevölkerung nach Region, Geschlecht, Nationalität und Alter (Ständige Wohnbevölkerung)