Hämikon

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Hämikon
Wappe vo Hämikon
Basisdate
Staat: Schwiiz
Kanton: Lozärn (LU)
Wahlchreis: Hochdorfw
Gmeind: Hitzkirchi2
Poschtleitzahl: 6289
Koordinate: 663474 / 23233447.2388838.276941680Koordinaten: 47° 14′ 20″ N, 8° 16′ 37″ O; CH1903: 663474 / 232334
Höchi: 680 m ü. M.
Flächi: 4.62 km²
Iiwohner: 474 (31. Dezember 2007)
Charte
Charte vo Hämikon
ww

Hämike esch bes Ändi 2008 e eigeständigi Gmeind gsii. Sethär ghört Hämike als Ortsteil zo de Gmeind Hetzchöuch, wo am 01. Januar 2009 met 6 andere Gmeinde fusioniert hed.

Gschecht[ändere | Quälltäxt bearbeite]

Hämike hed e bewegti Gschecht hender sech und het im Lauf vo de Gschecht mehrmols de Kanton gwächslet. Hämike werd scho 950 s erscht mol underem Name Hammingchova, wo Hof des Hamin bedütet, erwähnt. Es hed denzmol ide Fraumünsterabtei Zöri ghört. Nochhär hed Hämike ide Herre vo Länzborg ond sett 1264 de Habsborger ghört. Nochdems bes 1415 zom habsborgerische Amt Risee ghört hed, esch Hämike a d Stadt Lozärn cho und vo 1425 bes 1798 heds zo de Freie Ämter ghört. Denn esch Hämike bes 1803 e Teil vom Kanton Bade gsi. Setthär ghört Hämike weder zo Lozärn.

Geografii[ändere | Quälltäxt bearbeite]

Buurestöckli Hämiker-Bärg.

Hämike liit ufem Lendebärg im lozärner Teil vom Seetal. Zom Ortsteil ghöred s Dorf sälber uf 690 m.ö.M. und au d Exklave Hämiker-Bärg, wo öbbe 2 Kilometer osserhalb vom Dorf uf 823 m.ö.M liit.

Vo de Sedligsflächi vo 462 ha wärded 67,1% landwertschaftlech gnötzt. Wald und Ghöuz möched 27,3% vom Ortsteil uus, 5,6% wärded als Sedligsflächi gnötzt. Vor de Fusion hed Hämike a Aesch, Autmis, Hetzchöuch, Müswange, Schonge ond Solz gränzt.


Bevölkerig[ändere | Quälltäxt bearbeite]

Bevölkerigsentwecklig

D'Iiwohnerzahl esch bes 1850 emmer gstege. Bes is Johr 1960 esch de d Bevölkerig um fascht d Hälfti (-49.5%) zrogggange. Ide 1980er und 1990er Johr heds denn e starke Wachstumsschub gäh, setthär esch sie öbbe glich blobe. De Höchststand vo 1850 esch aber nie meh erreicht worde.

Sproche

D Bevölkerig z Hämike redt e hochalemannischi Mondart. Bi de letschte Volkszählig im Johr 2000 hend 97,52% Düütsch gredt, wobi ned noch Dialäkt onderschede worde esch. 60,8% hend aagää, dass si im Alltag numme Dialäkt rede, 14,9% Hochdütsch ond Dialäkt, 4,2% numme Hochdütsch ond de Rescht anderi Sproche oder Dütsch ond e anderi Sproch[1]. Je 0,90% hend Albanisch ond Portugisisch aus Alltagssproch aagäh.

Konfessione

Ursprönglech esch die ganzi Bevölkerig römisch-katholisch gsi. Dör Zuewanderig und Ustrett us de Chele send im Johr 2000 70.95% römisch-katholischi ond 14,86% evangelisch-reformierti Chreschte gsi. 7,21% send Konfessionslosi und 2,50% Muslime.

Vercher[ändere | Quälltäxt bearbeite]

Hämike esch a de Buslinie Hetzchöuch - Müswange. Vo det hed me z Hetzchöuch Aschloss a d Seetalbahn. Hämike esch ade Hauptstross vo Hetzchöuch uf Muri AG, wobis kei diräkte öffentleche Verchehr uf Muri ged.

Fuessnote[ändere | Quälltäxt bearbeite]

  1. Bundesamt für Statistik BFS (n.d.a).Wohnbevölkerung nach Umgangssprache zu Hause und im Erwerbsleben und nach Gemeinden, 1990-2000.

Weblinks[ändere | Quälltäxt bearbeite]