Wikipedia Diskussion:Regionale Artikel

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Allgemeins[Quälltäxt bearbeite]

Kategorie: Wirtschaft und Technik, Literatur un Schriftsteller?

Mir fählt Wisseschaft un Philosophi as e eigeni Kategori.

Und dert ini ghöre u.a. dr Hegel, dr Heidegger, dr Einstein aber au dr Johannes Kepler, wo in dere Uflischtig fählt. Dr Erasmus vu Rotterdam fallt mir noch uf Ahib i, wil säller z'Basel glährt het. Bim Kepler isch usserdem dr Stumpe falsch: Gschicht un Politik?

--W-j-s 17:29, 18. Mär. 2009 (MEZ)

Bi dääre Kategorisierig haan i mer nyd groos derbyy dänggd, ich haa s aifach ibernùù vù de:Portal:Baden-Württemberg. Aber ich mach do glyy e Kategoryy "Wisseschaft un Philosophi" dryy, guedi Idee.--Holder 17:45, 18. Mär. 2009 (MEZ)
Da isch e gueti Idee. I ha d Liste emole öberfloge und e paar Frooge und Feststelige und Aaregige:
Mit Klettgäu mainsch vermuetli s Chleggi. Wa mainsch mit Nordend? Schiint e Hügeli im Schaffusische zsii. Uf jedefall nöd wichtig, wie au anderi Berge. Nume well sie die zeehöchste Spitze sind, macht da si no lang nöd relevant. Wa zällt isch de Charakter, nöd d Hööchi; relevant und allgimain bikannt sind: Dufourspitze, Matterhorn, Eiger, Mönch, Jungfrau, Pilatus, Rigi und Säntis, da sind die, womer grad spontan iifalet. Denn mitem Sprachatlas des Schweizerdeutschen mainsch Du velicht de SDS?
De Rätisch Limes isch do Limes enthalte. Aber de Artikel isch laider nöd guet.
Bim Allgimaine wäär e Link uf s Portal:Alemanne und Portal:Alemannisch guet, well i dene Portal au e paar bruuni Link dine sind, för Artikel, wo bitter nötig wääret.--al-Qamar 19:12, 18. Mär. 2009 (MEZ)
Ich haa doo, wùn i nid vyyl Aanig haa (z. B. bi dr Schwyz ...) us dr Portal ùf dr de:wp Artikel zämeglääse. Bi dr Bäärg haan i in däm Fal aifach di zee hegschde gnùù, z. B. Nordend. Ich bii aber danggbaar iber jeede, wù die Lischde verbessered, s isch wie gsaid nùme ne Aafang. --Holder 19:20, 18. Mär. 2009 (MEZ)
Wenn jetz d Zaal ganz gnau tuusig si mue, so waissi nömm, öbs no stimmt: us Limmat/Linth hani zwee Artikle gmacht und vo de zwee Neckar hani ann glöscht. Bide Frooge wäri froo, wenn si Du verlinke chönntsch, falls mini Vermuetige stimet (Chleggi, SDS), bi de Berge sölet no anderi sich näbis öberlege. Aber Nordend hani bis jetz no nie ghört - aber zum Glück gits d Wikipedia. ;-) Denn müest mer sich öberlege, öbs umbedingt de Schwiizer Jura si söll, en Artikel öber de Jura (Gebirge) gits scho, s gliich gelt för de Limes. --al-Qamar 19:38, 18. Mär. 2009 (MEZ)
D Zaal chamer au schbeeder nomool aabase. Chleggi ùn SDS sin jez verlinkt. --Holder 21:05, 18. Mär. 2009 (MEZ)
zue de Bärge: Nordend und Zumsteinspitze sind mir unbekannt, Signalkuppe und Liskamm praktisch unbekannt. Die andere sin bekannt oder hani zmindescht schomoll ghöört. Ich find d'Ufflischtig vom al-Qamar (in Verbindig mit dinere Lischte abzüglich die gnennte vier) guet, wurd si aber no um folgendi ergänze: Brienzer Rothorn, Churfirsten, Les Diablerets, Piz Bernina, Napf, Chasseral. Gäbti no vili mee, aber es dunggt mi, dass sin no bekannti --Dr Umschattig red mit mir 22:57, 18. Mär. 2009 (MEZ)

Burg Obermaggenberg[Quälltäxt bearbeite]

Ich ha mer de Artikel uf de dütsche Wikipedia aaglueget un feschtgschtellt, dass de Artikel sich eigentlich me uf s Geschlecht vo de Maggebägere bezieht wi uf d Burg sälber. Ich bi bi dere Ruine au scho gsi un mein mich z erinnere, dass ma eigentlich zimlich wneig über die Burg weiss. De dütsch Wikipediaartikel isch au es Zeichen dodefür. Ich ha de Artikel doderwäge Maggebärger gnennt. Burg Obermaggenberg chönnt ma also bi de Artikel striiche u Maggebärger unter Gschicht iiordne. --Brian 23:02, 18. Mär. 2009 (MEZ)

Schwiiz[Quälltäxt bearbeite]

I han emole de Geografiitail gänderet, bsunders bi de Berge. Vorene sinds 41 Iiträg gsii, jetz sinds 40 (weni mi nöd verzellt ha). De Aargau und de Thurgau sind mer nöd ganz klaar. As Kantöö sinds jo scho uufglistet, as historischi Landschafte müestets aber eener in Gschichtstail abe. Dai feelt no d Groofschaft Toggeburg, wo de halb Kantoo Sanggale, s halb Bündnerland und halb Vorarlberg bsesse het, aso e recht grosse Mocke. Aber machemer zerscht emole deeGeografiitail döre. Wer het no Ideene wamer do ändere chönnt? --al-Qamar 17:42, 23. Apr. 2009 (MESZ)

Thurgau ùn Aargau sin do ine glanded, wel d Gau z Dydschland hide eender as geografischi Landschafde gsää wääre, aber des isch in dr Schwyz nadyrli andersch, do haan i nid groos driber noodänggd (die ledschd Uussaag gilded bi faschd alem, wù do ùfglischded isch ...). Fir mii wääre im Iibrige bi dr Schwyz no Wùnschkandidate: Züritüütsch, Bärndütsch, Wallisertiitsch, Baaseldytsch, Simon Ammann, Lara Gut, Bligg, Polo Hofer, Krokus usw. aber do isch mer schnäl bi "1000 Artikel iber d Schwyz" ... --Holder 18:05, 23. Apr. 2009 (MESZ)
D Chlöster sind völlig öberdotiert. Aber weli as die wichtigste sind ... Sanggale, Aisidle ... Di anzelne Tielekt wör nöd i die Liste tue, Schwyzertütsch wör länge und natürli Walsertütsch. --al-Qamar 19:20, 24. Apr. 2009 (MESZ)
D Chlöschter steere mi au. Wiiso du die einzelne Dialäkt nid wotsch ynetue, umgekehrt aber uff dr sep. Erwäänig vom Walserdüütsch bestoosch, verstoo-n-i nid. --Dr Umschattig red mit mir 20:11, 24. Apr. 2009 (MESZ)
As es vyyl z z vyyl Chleeschder ùn Bùùrge din hed, haan i jo scho ùf em Stammtisch gschriibe ghaa. Walsertiitsch hed s in dr Lischd scho bi "Allgmein", wel s Walserdialäkt au z Italie ùn z Eeschdryych gid. --Holder 15:14, 25. Apr. 2009 (MESZ)
Im Grund gnoo, isch mer da mit de Tielekt gllich, sich unme en Idee, well s vermuetli schwirig isch, di recht Uuswaal z treffe, weli Tielekt jetz i die Liste uufgnoo werde sölet (Glarnertütsch, Zugertütsch, Emmitatlertütsch?). S Walsertütsch ninnt aber bistimmt e Sunderstellig ii. D Iiornig vom Walsertütsch, wie si de Holder gmacht het isch in Oornig. Vo de (eemolige) Chlöster (& Chile) chömed mer z Sii: Sanggale, Rhiinau, Muri, Allerhailige, s Fraumöischter, Aisidle, Engelberg wo sicher drii ghööred. Denn velicht no föf mee. Bi de Burge (+ Schlösser) werd d Uuswaal vermuetli no schwerer, sicher d Habsburg und d Kyburg, Chillon, Hallwil, Sargans, ... Si söttet e historisch bzw. touristischi (öberregionali) Relevanz haa und no hüt guet erhalte sii. --al-Qamar 12:07, 28. Apr. 2009 (MESZ)
Vo wäge Sonderstellig vom Walliserdütsch bin i mir nid eso sicher. We ds Walliserdütschen ufgnoh wird, de söt doch zmindst o Züridütsch u Bärndütsch ufgnoh wärden als die Dialäkt mit der grösten Usstrahligs'chraft. -- machᵗᵃˡᵏ 15:59, 1. Mai 2009 (MESZ)

Wikipedia:Gegevorschlag Schwiiz[Quälltäxt bearbeite]

Sali Al-qamar,

zerscht emol: Dankschön für dy Ysatz! Ich find dy Vorschlag im Große und Ganze güet, e baar züesätzligi Sache dät ich aber no uffzälle:

  • @Medie: Do fehle no d'20 Minute; lut DE wird die in de Schwiz am meiste gläse.
  • @Wirtschaft: Wenn dr d'Migros uffzällsch, no halt ich's für sinnvoll, au de Coop uffzzälle (usser wenn du absichtlig numme jewyls di gröschte Undernämme us re Branche uffzällsch).
  • @Verchehr: de:Stadler Rail wär no nänneswärt; immerhy isch's international bekannt. Villicht au no de de:Zürcher Verkehrsverbund.
  • @Geografy: Du zällsch d'Bärner, Glarner, See- und Walliser Alpe uff - do fehlt no de Artikel über d'Alpe (au wenn d'Alpe nit numme d'Schwiz bedräffe, dät ich si erwähne).
  • @Bildig: Villicht hä mr irgendwänn emol Artikel über di einzelne Stufe vom Schwizer Schüelsystem (Primar-, Sekundar-, Real- und Kantonsschüel); öbber, wo die Site zum Süeche ysetzt, dürft dodra indressiert ßy.
  • @Sproch: Mer sott no di einzelne Amtssproche uffzälle, also Dütsch, Französisch, Idaliänisch und (bsunders, wyl's jo numme in de Schwiz gschwätzt wird) Rätoromanisch. Ich dät au no di einzelne regionale alemannische Dialäkt und Regionalsproche (mit Regionalsproche mein ich s Franc-comtois und no e baar anderi), wo in de Schwiz gschwätzt werre; säll isch aber Asichtssach.

Ich weiß scho, dass es di meiste vo denne Artikel no gar nit git, aber des cha mer jo au als Asporn bruche, si no z schrybe! :-) Grieß --Strommops ð 19:01, 30. Apr. 2009 (MESZ)

PS: Du schribsch Wie wiit as s Welschland und s Tessin berücksichtigt werde söll, cha au diskutiert werde - ich find, dass mer si glych behandle sotte wie di andere Kantön; es goht jo um d'Schwiz und nit numme um s alemannischsprochig Gebiet. --Strommops ð 19:12, 30. Apr. 2009 (MESZ)

Bi däm Projäkt "Wikipedia:Regionale Artikel" good s ùm 1000 Artikel iber d Alemannia, in däm Fal nid algmain ùm d Schwyz, sùndern ùm di alemannischschbroochig Schwyz, wäge däm haan i s Welschland ùn s Tessin ùn au s Rätoromanisch nid din ghaa, ùn ich deed si au nid dryynee, nadyyrli ghèère si aber in e Portal:Schwyz. D "Alpe" sin im Iibrige scho bi dr 50 Artikle Allgmein, wel au s Allgai ùn Vorarlberg Aadail an dr Alpe hän. --Holder 20:23, 30. Apr. 2009 (MESZ)
PS: Zue dr Froog, as es die maischde Artikel noonig gid: bi däm Projäkt good s ùm di 1000 wichdigschde Artikel, ùùabhängig dervù eb s si scho gid i. Ggs. zue me Portal, wù mer eender Artikel ùflischded, wù s scho hed ...

mini Überleggige[Quälltäxt bearbeite]

Ich wurd alles, wo nid Dütschschwiiz isch, usekeie, will Portal: Alemannischi Region und nid Portal:Schwiiz. Das betrifft Stedt, Kantön (!), Geografi (!) etc. Zue de einzelne Kapitel:

  • Stedt: nume D-CH Top 30 vo de:Liste_der_Städte_in_der_Schweiz plus alli Hauptstedt/Hauptort, wo nid unter die Top30 falle (gitt wenni richtig zellt han, exakt 30)
  • Kantön: ohni GE, VD, NE, JU, TI
  • Politik: ohni CSP, EDU (vill z'chlai)
  • Medie: Bitte nid nume Züri-Medie, also no Basler Zytig, Mittellandzytig, Bund (und/oder Berner Zytig), Neui Luzärner Zytig (mittlerwile au e Verbund), ev. Südoschtwiiz. Plus 20min.
  • Verkehr: +A1, +A2 (oder e Übersichtsartikel Autobahne i dr Schwiiz), + Swiss (ev. - Swissair), + NEAT, + BLS, + RM (Regionalverkehr Mittelland), ev. + MGB (Matterhorn-Gotthardbahn), ev + MOB (Montreux-Oberland-Bernois).
  • Geografi: - Chasseral, - Les Diablerets, - Doubs ev. - Gämpfersee (alles i dr Romandie). + Weissenstein (höchste Jurabärg in D-CH, glaubs ämmel), + Birs (wichtigschte Fluss nördlig vom Jura)
  • Gschicht/Burge/Schlösser isch nid so mis Gebiet, i find die rigorosi Striichig aber guet. I wurd aber no uffnee "Schweiz im 2. Weltkrieg". Bi dr neuere Gschicht miesst mes au moll no genauer aluege, KKW Kaiseraugscht isch nid schlächt, aber wär ehnder Atomstreit Schweiz oder so, denn wurdi no d Jugendunrue (1968, Globuskrawall) drzue nee, wie au d Ficheaffäre
  • Bildig: + Uni Lozärn
  • Literatur: besser nume Autore, denn also - Heidi. Dr Urs Widmer lieber in Chlammere, Gränzfall
  • Musik: Mr sötte uns überlegge, ob mr do nume Lüt wänn nee, wo uf schwiizerdütsch oder dütsch singe (falls si singe). Dunggt mi besser (analog em Usschluss vo dr Romandie/Tessin). Falls au änglisch singendi dine loo, wäre no d Les Sauterelles z'erwääne. Dr Gölä ehnder dinnloo. Denn sött me us dr Volksmusik (volkstüml. Schlager und Ländler) no es paar Interprete ynenee. I kenn mi do nid so us, aber dr Carlo Brunner schiint sehr berüehmt zsy. Wenn mr zweni Artikel hän, ka me do au no usbaue.
  • Sproch: Aleman. Dialäkt dinnloo, +Niideralemannisch (Basler und Bündner Dialäkt)
  • Sport: Do gitts no mee: Schwizer Fuessballnati, ev. Yshockeynati, denn Fuessballclubs: Ich dängg z'erscht natürli an FC Basel (wäg de internationale Erfolg, em Gäld, em Renomme), aber do chönnt me denn - historisch - au dr FCZ, GC und YB drzue nee. Denn gitts us em Skifahre es paar ganz ganz Grossi wie dr Pirmin Zurbrigge und s Vreni Schneider etc. Do gäbs jedefalls no mängge

Mit de Striichige und de Usklammerige bini susch yverstande, au mit de Amerkige vom Strommops (mit Usnaam vo dr Romandiefroog). Falls es zwenig Näme hett, fändi scho no mee ;) --Dr Umschattig red mit mir 21:17, 30. Apr. 2009 (MESZ)

@Umschattiger: Ich find dini Überlegige sowit güet, dät aber d'Autobahne eweglo. Villicht irr i mich, aber ich ha s Gfiehl, dass chum öbber e Artikel über d'A1, A2 usw. lyst. --Strommops ð 22:36, 30. Apr. 2009 (MESZ)
i ha jo au d Ysebaane lieber, aber d Nationalstroosse sin scho e wichtige Bestandteil vom Verkehr. Und wenns Lüt git, wo Artikel zu jedere glaine Privatbahn läse, wiso setts nid Lüt gee, wo eppis über Autobahne wänn läse? Die dütsch WP hett ämmel Artikel: de:Autobahn (Schweiz) zur Übersicht und denn für jedi einzelni, de:A1 (Schweiz), de:A2 (Schweiz) etc. Aber wie gseit, ich wehr mi nid, wenn die fääle. Fänds eifach wäg dr Fairness besser. --Dr Umschattig red mit mir 22:54, 30. Apr. 2009 (MESZ)
Bi dr Schded haa ich bi alne Regione (Dydschland, Schwyz, Franggryych, Eeschdryych) die Schded gnùù ghaa, wù iber 20 000 Yywooner hän, ooni drùf z luege, eb si bekand sin oder nid. --Holder 08:07, 1. Mai 2009 (MESZ)
das deckt sich zuefelligerwys mit mim Vorschlag vo de Top30, eifach mit em Unterschiid, dass bi mir no alli Kantonshauptstedt/ort drbi wäre --Dr Umschattig red mit mir 13:01, 1. Mai 2009 (MESZ)
Vilde Dank för die riichhaltigi Aaregige, so macht s Schaffe Spass :-) I werd nöchst Wuche witter dra schaffe und denn ono mini Gidanke mittaile. --al-Qamar 14:15, 7. Mai 2009 (MESZ)

s goot witter[Quälltäxt bearbeite]

So, i han emole d Liste noch de Aaregige döregmacht und möcht no mini Gidanke aabringe.

  • I haa s maist vo oine Aaregige birücksichtigt, aber nöd ganz alls. Aso bitte nomol gnau aaluege, wenn näber von oi e Thema het, woner würkli dine haa möcht.
  • 20 Minuten möchti lieber ewegloo, dos kai typisch Schwiizer Produkt isch, au wenn aageblich die Zittig i de Schwiiz de grösst Erfolg hett (die wööred lieber di alemannisch WP lese, da bildet mee ;-)
  • D Idde vom Strommops mite Schuelstufene hani nöd uufgnoo, aber guet wäär woll en Artikel Bildungssystem der Schweiz
  • Heidi möchti gern dineloo, wells zum Glischee vo de Schwiiz ghört.
  • Swiss/Swissair, i bi för ais vo baidne und zwoor eener för Swissair, do hangemer draa und d Swiss ghört jo scho lang zu de Lufthansa :-( -- und ääh, wie haisst de Flughafe Chloote jetz, Eunuch (sprich Juunägg)???
  • De Gölä hani emole i Chlammere gsetzt; mer schiint as er mee Schlagzile macht weg sinene befremdliche Üssrige, nöd weg sinere Musig.
  • Generell bi de Musig waiss i onöd so recht: Jodel, Zäuerle, Trio Eugster, Schwiizer Volkstanz vellicht? Wer kennt sich i de Schwiizer Musigszene uus (Ländler & Pop), i bi do e totali Niete und i mag aigetli - um erlii z sii - au kai Schwiizerinterprete ...
  • Bi de Sportler chönnti ono vill ufliste, i wöör nume die nee, wo no aktiv sind. Au do chani nöd mithelfe, i tuurn lieber selber umenand; macht mee Spass und isch vill vill gsünder :-)
  • Öbrigens hani de Name "Schwyz" vom Holder i "Schwiiz" ggänderet, um vom Kantoo Schwyz z underschaide - e chliine Willkürakt vo mer 8-P
--al-Qamar 20:10, 12. Mai 2009 (MESZ)
Also, des laufd jo perfäkt, jez mien mer nùme no die ganze Artikel schryybe ...
Ich haa no e baar chlaineri Aamèèrgige: mir fääld no, wie vùm W-j-s scho voorgschlaa, dr Erasmus von Rotterdam. D Idee vùm Abschnid "Allgmein" isch im Iibrige graad, Themene ùfzlischde, wù fir mee wie ai Region wichdig sin, wääge däm deed i bi dr Schwyz nid au no "Hochalemannisch", "Höchstalemannisch" ùn dr "Westfälisch Fride" dryynee. Ùn au Begrif wie "Iiszitt" - "Gletscher" - "Moräne" - "Findling" - "Lawine" - "Alpwirtschaft" - "Senn" - "Staibock" - "Gämschi" - "Mungg/Murmeli" - "Staiadler" - "Orlihaa" - "Lärche" - "Arve" - "Alperösli" - "Edelwiiss" - "Föö" ghèère derno aigedli nid zue dr Schwyz, wel s die au no in andere alemannische Regione gid, ùn wùrùm Iir Schwyzer sogar d "Zähringer" fir Èich reklamiere, wù d Burg Zähringe bi Fryyburg im Bryysgau lyd, ùn d "Habsburger" ùn dr Hermann Hesse (wù in bal alne alemannische Regione derhaim gsii isch), des froog i mi au ... ;-( --Holder 21:39, 12. Mai 2009 (MESZ)
D Zähringer und d Habsburger sind verbannt, de Erasmus wilchoome ghaisse. Aber wiso Eer Tütsche de Pazifist Hermann Hesse för oi wönd - woner doch wäred oine beede Chrieg en ständig abegmacht hend und nöd gnueg hend chöne säge, as er unerwünscht sai, verstooni nöd (so nochem Motto: Er isch scho recht, aslang er schwigt). Er het - nöd uuunäänlich zum Ersamus - di maist Zitt i de Schwiiz gwürkt und o de Schwiizer Pass ghaa etc. und sini Büecher - wo nu so vo Schwiizer Ort inspiriert sind - sind bi üüs o nie verbotte gsii ... Jenu im Grund gnoo isch er jo en Alemann gsii ... Vellicht sött mer d Aazaal vo de gmainsame Artikel erhöche und d Aazaal vo de Schwiiz und vo Tütschland verchlinnere, um je zee? --al-Qamar 12:56, 13. Mai 2009 (MESZ)
Ich haa dr Hermann Hesse in di dydsch Lischd dryydue ghaa, wel er z Calw ùf d Wäld chùù isch ùn wel in däm Momänd dänggd haa, as er di maischd Zyd derno im Tessin gläbd hed, also ùserhalb vù dr Alemannia ;-) Wän aine e Kandidat isch fir e Allgmein-Kapitel derno dr Hesse. --Holder 13:07, 13. Mai 2009 (MESZ) PS: Wämer nùme die as Dydschi zueleen, wù zwische 1933-1945 vù dr offizälle Politik (z. B. vùm Öschtricher Adolf Hitler) gäärn gsää woore sin, no hed s in dääre Zyd gar kaini dydsche Schriftsteller, Moler oder Musiker gee ... de Noosatz chunnt au vom Holder, wo natüürli recht het --al-Qamar 17:27, 15. Mai 2009 (MESZ)

So noch e paar Ändrige (noi ine: Bildigssystem Schwiiz; deför Hoch- & Höchstalemannisch und de Westfälisch Fride use) sinds 308 + (20) = 328 Artikel. Wemmer d Chlemmere ewegglönd und no zwai Sache wüsset, sinds 330. Aber wenn die 17 Alpethemene und de Hermann Hesse in allgimaine Tail chömed, wääreds 310 Artikel. I dem Fall müesst aber de Allgimani Artikel um 20 erhööt werde, d.h. Tütschland und d Schwiiz müessted je 10 abgee und me brüüchted denn för d Schwiz no 10 Themene. I wäär deför, asmer nochem Wuchenend de Gegevorschlag öberkopieret, wenn s kai grösseri Unstimmigkaite mee gitt. Chlinneri Sache chamer jo immer no diskutiere. --al-Qamar 17:27, 15. Mai 2009 (MESZ)

Korrekture[Quälltäxt bearbeite]

Ich haa jeze baar Schdichwèèrder us em Abschnid "Schwyz" ins "Allgmein" verschoobe, derzue d Zaale korrigierd (Allgmein: 50 > 70, Dydschland: 330 > 320, Schwyz: 330 > 320) ùn bi Dydschlabnd zee Schdichwèèrder uusegnùù. --Holder 08:38, 12. Jun. 2009 (MESZ)

Lothringe[Quälltäxt bearbeite]

Zue Lothringe: Wàrt emol Holder! Ich hàb dii zwei nit numme ing´setzt, wil`s e Teil vun Frànkrich mét de gmeinsàm Regionalsprooch "Ditsch" ésch, sundern wil de Begriffe "Elsassisch" un "Lothringer Platt" normalrwiss sowiso schwar ze trenne sin (zmeischt numme geogràphisch), un um so meh `s Elsassisch schwar inzegranze ésch. Elsassisch, ass e Form vun de alemannische Dialekte (vrstànde), endet (schiint`s) nit à de Departementsgrenze (diss ésch jo öi logisch) - ´m Elsass wurd àlso (linguistisch) streng gnumme öi Pfälzisch un Saarplatt gredt, àwwr én de Moselle öi Elsassisch - en kleini Randstriffe vum Bitscherlànd un (wohrschins) àm Dabo. So steht`s öi, wenn-i`s richti vrstànde hàb, èn de fràzeesch WP. De Kàrte vum Matze odr sunschtigi feschte Quelle hàw-i àwwr noch nit verifizéert - un de Lit do öi no nit gnöi uff`s Müül gheert ;-).--Stephele 14:56, 9. Mär. 2010 (MEZ)

Ich haa nit gwisst ass es z Lothringe 2 Ortschafte git, wu mer Alemannisch schwätzt. D Abgränzig isch im Ibrige ganz klar un eidytig: d Gränze zwische Alemannisch un Rhyyfränkisch (wu s Lothringisch derzue ghert) isch do, wu d Appel/Apfel-Gränze dure goht. Im nerdlige Elsass wird noch em Elsässische Spochatlas im Ibrige kei Pfälzisch gschwätzt sundern "Südfränkisch", wel mer au z Wisseburi/Waisseburch "Pfanne" sait un nit "Panne" wie in dr "Palz". D Abgränzig vu Lothtringisch zu Pfälzisch goht derno iber d Diphthongierig Huus/Haus. Noch em Sprochatlas un au noch em Elsässische Werterbuch git s kei einzig Dorf im nerdlige Elsass, wu mer "Panne" un "Haus" sait un dodemit e pälzische Dialäkt schwätzt.
Aber nomol zruck zue Lothringe: die Projäktsyte "Regionali Artikel" isch uusdrickg nume fir Theme us dr alemannische Regione, nit fir s Elsass un scho gar nit fir anderi dytschspochigi Regione z Frankrych, au z. b. nit fir rätoromanischi Theme us dr Schwyz. Un wämer sich iberlait, welles di wichtigschte 220 Artikel rund um di alemannische Regione z Frnkryych sin, no ghert do "Lothringe" no myre Meinig nit derzue. Mir hän in däre Projäktsyte au nit "Deutschland", "Bayern" oder "Österreich" ufgfiert, au wänn s do iberall greßeri alemannischi Regione git wie z Lothringe. Ich deet do dr Schwärpunkt bi dr Diskussion im Ibrige ender druf lege, wel jetz wirkli di wichtigschte Theme us em Elsass sin, die bishärig Ufzellig isch ender zuefellig un het wahrschyns zvil Chleschter un zvil Chilche. --Holder 15:34, 9. Mär. 2010 (MEZ)
Àlso: f´r minr Edit beruef-i mi uff de zwei Derfr un vun d´Sproochgrenz Alemànnisch-Fränkisch hàw-i jà gàr nit grèdt (ob se - f´r sich -klàr ésch). `S geht uem de Fröj, ob`s synonym mét de "Elsassisch-Lothringisch-Granz" ésch (ésch´s nit). Wen-i jetz`s Nordelsassisch (én linguistisch Amateurtum) wédr ass Pfälzisch "dischkriminiirt" hàb, ésch diss numme e Bispiil vun denne Unsüfrkeite én de Definitione. Àlso, wenn de Àrtikelzahl vun dä Lischt +/- begranzt ésch, gued! Àwwr de Welche sin jo öi drin (wil se ém-e sunsch alemànnische Ruum, e Granzgebiit läwe) - un die kumme öi nit "uusse" (nüss).!--Stephele 15:55, 9. Mär. 2010 (MEZ)
Isch mer gar nit ufgfalle, han i jetz uusegnuu, ghert nit uf die Syte!!! --Holder 16:24, 9. Mär. 2010 (MEZ)
Heh! Jetz heer emol uff! Diss èsch Elsass un àlso "Allemanniä"! Ich màch schunsch e Mouvemang "M´r welle unsri Welsche b´hàlte" uff! ;-)--Stephele 16:33, 9. Mär. 2010 (MEZ)
Ebe nit ;-) S Elsass isch ebe nit iberall alemannischsprochig, bi däre Syte goht s nume um die Regione, wu alemannisch Dialäkt gschwätzt wäre, ebe nit um s Elsass oder d Schwyz usw. un Welche isch per definitionen ebe nit Alemannisch! Des heißt jo nit, ass des nit alles wichtigi Artikel sin un ass die in eme Portal:Elsass ganz prominänt un wichtig wäre, aber des isch e Projäktsyte fir alemanischsprochigi Regione, wie gsait au s Rätoromanisch isch uusgschlosse (e verglyychbare Fall)! Aber mach doch eifach e Mouvemang fir e Portal:Elsass uff ;-)! --Holder 16:39, 9. Mär. 2010 (MEZ)
Bon, àlso - vrdàmmi! Mais maintenang je boude! (Jetz brücht m´r e Bildle vum Obelix bim Schmolle...) ;-( --Stephele 16:46, 9. Mär. 2010 (MEZ)

Ou jo! E Portal Elsass wäär guet, da chönnte mer guet bruuch! D Kategorie:Elsass isch scho recht vole, e Portal:Elsass chönnt di Artikel öbersichtlicher und attraktiver darstele. --al-Qamar 16:48, 9. Mär. 2010 (MEZ)

Myy Portal Bade-Wirttebärg, wun i scho lang emol aagfange haa, isch jetz offiziäll! Dr erscht Schritt, jetz fähle no d Portal Elsass, Schwyz, Vorarlberg, Bayrisch-Schwabe, Liechtestei ... zmindescht fir di bode erschte hämer glaub gnue inträssanti Artikel. --Holder 17:30, 9. Mär. 2010 (MEZ)

Berühmte Sprecher[Quälltäxt bearbeite]

Sott mr nett au Leut en Artikel widme, dui des schwäbische und d'andre Dialekt no wirklich spreched? Han d'bai erschmal an Dodokay odr der Herald Schmidt gedenkt. (nöd signierte Bytrag vo de IP: 95.112.26.96, 11:08, 25. Sep. 2013)

Ganz unabhängig vu dr Artikel, wu in däre Lischt ufgfiert sin, sotte mer uf jede Fall Artikel haa zum Dodokay un zum Harald Schmidt. Du chasch die Artikel gärn schrybe, nur zue! --Holder (Diskussion) 13:59, 25. Sep. 2013 (MESZ)

Meh àls 220 in F[Quälltäxt bearbeite]

Ich bén meh durich Zuefall wédr iwwr de Rubrik gheit un mr ésch uffgfalle, was alls do fahlt fr`s Elsass. Ich hàb emol e pààr Kàpitel uffgefillt - àwwr nit uffgepàsst, ass`s àm End wédr 1000 sotte sin! So sott mr emol wirkli e pàar Kleeschtr un Beri striche!--Stephele (Diskussion) 01:54, 9. Okt. 2014 (MESZ)

Jo, has zellt - es sind mee. I wür mir aber nöd aamasse, do aafange z striiche. Da söll, wänns nötig wär, öper us em Elsass mache.
Übrigens; wa bedüted bi de Artikel, wänn si i Chlammere gsetzt sind? Gruess --Schofför (Diskussion) 10:20, 17. Okt. 2014 (MESZ)
S sott insgsamt scho bi 1000 Artikel blybe. Ich haa jetz emol e baar Chilche un Chleschter uusegnuu un derzue au die ganze Dierarte, wu s halt nit nume im Elsass git. --Holder (Diskussion) 10:52, 4. Jul. 2015 (MESZ)