Wikipedia:Ich brauche Hilfe/Archiv 2021

Hiir chasch Froge stelle, wo mir gärn beantworte!

E neui Frog stelle

Tipps:

• Bi Froge zumene bstimmte Artikel e [[Link]] yfüege.
• Immer mit viir Tilde («~~~~») unterschrybe. Dodurch wird automatisch e Unterschrift mit Zit un Datum aazeigt.

Lueg au: Erschti Schritt, Hilf, Mindeschtaafordrige vumene Artikel

---

Archiv

2004/2005 - 2006 - 2007 - 2008 - 2009 - 2010 - 2011 - 2012 - 2013 - 2014 - 2015 - 2016 - 2017 - 2018 - 2019 - 2020 - 2021

---

Läsigi Artikle

Cha irgendöpper vo euch Wikipedianer sech mal d Vorlag vo de Läsige Artikle aluege? Da stimmt öppis nid mit de Parameter. We der Artikel dermit Uszeichnet wird, wird d Kategorie Lesenswerter Artikel ygfüegt. Insgesamt sy 72 Artikel i däre Kategorie ygreit. Die Kategorie existiert aber nid. I ha versuecht der Parameter z flicke, aber das het uf di mit dere Vorlag uszeichnete Artikel kei Yfluss gha. I has du wider zrüggsetzt. I gloube wil d Artikle nid i der Kategorie Läsige Artikel abgleit wärde steit der Zähler immer no uf 0. Gruess--MerengeManu - Byträg für ds Portal Bible 01:39, 8. Feb. 2021 (MEZ)

Isch jetz gflickt, des isch mer bim Aktualisiere vu dr Vorlag bassiert. Dy Korrektur isch im Ibrige schon rächt gsii, s bruucht als nume ne Zytlang, bis sonigi Änderige an Vorlage im Syschtem aachuu sin. --Holder (Diskussion) 07:17, 8. Feb. 2021 (MEZ)

Moselfränkische Wikipedia

Hallo! Ich habe versucht herauszufinden, ob man in der luxemburgischsprachigen Wikipedia auch in anderen moselfränkischen Varietäten schrieben darf. Außerdem habe ich versucht zu erfahren, ob einen Antrag auf eine gesamtmoselfränkische Wikipedia-Ausgabe gab oder gibt. Leider habe ich von Mitwirkenden der luxemburgischen Wikipedia bisher nichts gehört. Weiß jemand von Euch etwas dazu? --Son-of-my-comfort (Diskussion) 14:06, 27. Feb. 2021 (MEZ)

Template:Interlinear

Het öber zuefällig e Aanig, wiemmer d Vorlage en:Template:Interlinear chönnti in di alemannischi Wikipedia importiere (oder e Vorlag, wo öbis äänligs cha)? Die Vorlage ùff de änglische Wikipedia sin inzwüsche eso verschachtlet, dassi do nümmi druss chùmm...--Terfili (Diskussion) 23:44, 27. Mär. 2021 (MEZ)

Sali Terfili, was cha die Vorlag denn? Du chasch si natyrli aifach zue uns durekopiere un luege, eb si funktioniert. --Holder (Diskussion) 14:23, 28. Mär. 2021 (MESZ)

@Holder:, mer cha demit Sätz in verschiidne Sprooche eso formatiere, dass jedi Glosse gnau ùnter de Entsprächig isch. z.B en:Khmer_language#Grammar. Ich würd si jo gern kopiere, aber i find jo nit emool de Quellteggscht vo derre Vorlag...--Terfili (Diskussion) 15:32, 28. Mär. 2021 (MESZ)

Wänn im Quälltäxt vun ere Vorlag invoke stoht, no verwyst die uf e Lua-Modul, in däm Fall uf en:Module:Interlinear, des mueß mer derno au mit kopiere. --Holder (Diskussion) 15:39, 28. Mär. 2021 (MESZ)

Ok, no probieri des emool ùn hoff, dass des nit au no ùff 10 wyteri Sache verwyyst ;-) --Terfili (Diskussion) 15:41, 28. Mär. 2021 (MESZ)

Jetz schynt die Vorlag z laufe :) Miesst mer jetz die ganze Modul eigetli übersetze, oder wird des sowiiso niene aazeigt? --Terfili (Diskussion) 16:44, 28. Mär. 2021 (MESZ)

Do muesch luege, normalerwys bruucht mer des nit ibersetze, aber s git Modul, wu ainzelni Werter drus in dr Artikel aazaigt wäre. --Holder (Diskussion) 18:08, 28. Mär. 2021 (MESZ)

Artiku Statistik

Hallo ig ha güd gse das mä bi dä Artiku ä Statistik cha aluägä. Ds geit bi dä hochdütschä Artiku aber nid. Wieso isch ds so?--Olidi (Diskussion) 01:05, 28. Mär. 2021 (MEZ)

Sali Olidi. Uf dr dytschsprochige Wikipedia mueß mer des sälber aktiviere. Du chasch aifach uf dr dewiki d Syte de:Benutzer:Olidi/common.js nei aalege un dert die Zyylede dryysetze:

importScript('Benutzer:Schnark/js/artikel-statistik.js'); //[[Benutzer:Schnark/js/artikel-statistik.js]]

No sott s dert au funktioniere (s cha aber imfall syy, ass des e baar Minute bruucht, bis es erschynt).

Grueß --Holder (Diskussion) 14:21, 28. Mär. 2021 (MESZ)

Ok Dankä!--Olidi (Diskussion) 17:19, 28. Mär. 2021 (MESZ)

Ha gaar nöd gwüsst, Holder, dass du die Statischtik grad allgimäin ygfüert häsch. :-) Prima! Die isch nämli würkli gäbig. --Freiguet (Diskussion) 18:11, 29. Mär. 2021 (MESZ)

Sali Freiguet, nit grad, isch scho bal zwai Johr här, lueg do. Grueß --Holder (Diskussion) 18:55, 29. Mär. 2021 (MESZ)

«grad» isch modaal gmäint gsy, nöd zytlich … Was es nöd ales für Missverständnis cha gèè …   --Freiguet (Diskussion) 19:05, 29. Mär. 2021 (MESZ)

Ammann bruucht: Bitte Version löscha

Seawas mitanand,
wär as vielleicht möglich, dass an Ammann mol d Bearbeitiga vo deam Bnutzer aluagt und viellicht ou glei versionslöscht? Nid, dass i nid übr solche deppata Sprüch lacha künnt, abr nötigarwis müand se ou nid gad idr Versionsgschicht vo minra Benutzersitta ufschinna. Der glich Benutzer isch übrigens gad geschtern vo mir uf dr de.Wikipedia weags nam Edit kurzfrischtig gsperrt worra und heat hüt ou no uf minra englischsprochiga Diskussionssitta vandaliert. Danke scho mol im Vorrus. Beschte Grüaß, Plani (Diskussion) 18:26, 27. Sep. 2021 (MESZ)

... und as goht all wittr, solang do nid mol eappar eappas tuat. Wär an Ammann bittschö so nett mol mine Diskussionssitta zum schütza? LG, Plani (Diskussion) 20:46, 27. Sep. 2021 (MESZ)

Sali Plani, Versione sin glescht. Grueß --Holder (Diskussion) 08:35, 28. Sep. 2021 (MESZ)

Merci Holder. Nachdeams hüt glei wittergoht, wärs viellicht guat, wenn ma mine Bnutzersitta und d Bnutzerdiskussionssitta halb-schütza künnt. Danke, Plani (Diskussion) 15:36, 28. Sep. 2021 (MESZ)

Relevanzkriterie?

Gsehn i das richtig, i dere Wikipedia gits kei Relevanzkriterie? Oder hani die eifach nid gfunde? Danke für d'Antwort. --Hadi (Diskussion) 15:08, 14. Okt. 2021 (MESZ)

Uusformulierte Relevanzkriteerie gits nööd. Es chan öpper syni Dissertazioon über en alemanischi Mundaart schrybe und nachane s Läbe lang «nu» as Leerer schaffe – so öpper isch dänn für s Alemanisch und drum au für die Wikipedia relewant, wä-mer im Artikel au echli uf syni Forschig ygaat. Impliziti Relewanzkriteerie gits aber scho, es gilt de Satz «Er [der Artikel] sott vo allgemeinem Inträssi sii». Aso äifach soo en Artikel über myn Brüeder zämestiflen us em Grund, wil ich en nett finde, wèèr jetz nöd im Sinn vo dère Wikipedia. – Emaal luege, was na anderi daa säged … --Freiguet (Diskussion) 15:22, 14. Okt. 2021 (MESZ)

Fehlermäldig bi neue Bytraag

Hallo zämme, ich hann en neue Bytrag gschribe ("Sizilianischi Fuessballmanschaft"), wenn ich aber uf "Veröffentlichen" klick krieg ich die folgendi Fählermäldig "Dini Änderig isch als schädlich iigstueft worde". An was liegt das? nit signierte Bydrag vum AnlageEKS

Sali Benutzer:AnlageEKS, des lyt an irgendeme globale automatische Filter, ich verstand aber nit, wäge was. Versuechs mol, indäm du dr Artikel stuckwys, z. B. ohni Infoboyx oder Satz fir Satz spychere duesch. Grueß --Holder (Diskussion) 17:57, 2. Dez. 2021 (MEZ)

Ok, ich versuechs emol e so. Merci viel mol. AnlageEKS (Diskussion) 14:34, 8. Dez. 2021 (MEZ)