Umweltschutz

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dr Wald, eusi grüeni Lunge

Umwältschutz isch e zämefassende Begriff für alles wo unterno wird zum Schutz und zum Erhalt vomene usglichene Ökosischtem.

S Zyl[ändere | Quälltäxt bearbeite]

Im Umwältschutz sis Zyl isch, s Klima z stabilisiere und die globali Erwermig z brämse, um euse Nookomme e läbenswärti, intakti Nowält z erhalte. Umwältschtörendi Yflüss und Beyträchtige, wie zum Byschpil Umwältverschmutzig, Lärm, Flecheversigelig und Flecheverbruch sölle gschtoppt und ydämmt, das heisst möglichscht vermyde wärde.

D Läbensqualitet und Gsundheit vom Mönsch und sim Umfäld (dr Wält um yn umme) söll möglichscht erhalte oder sogar verbessert wärde. Dorum muess au d Natur won eus umgit gschützt wärde. Natur- und Umwältschutz hei dorum meischtens s gliche Zyl, sälte gits Zylkonflikt.

S Bewusstsy[ändere | Quälltäxt bearbeite]

Vo 1960 a het me gmerkt, dass die mönschliche und induschtrielle Dätigkeite e schlechti Uswirkig chönne ha uf d Natur und uf d Umwält. Bsunders eusi verdreckte Bäch und Flüss und natürlich s grosse Fischschtärbe im Ry nach em Brand in ere chemische Fabrik in dr Schwyzerhalle hei es Umdänke brocht. Au s Ozonloch oder d Chemykataschtrofene z Seveso in Italie oder im indische Bhopal hei nodänklig gmacht. Umwält kennt keini Gränze, uf all Fäll keini vom Mönsch zogene. Dorum het me agfange das Problem an internazionale Umwältkonferänzene z diskutiere. Im Kyoto Protokoll hei sich d Induschtrynazione Mängebegränzige und zytlichi Frischte gsetzt um d Produkzion und dr Usschtoss vo Stoffe z verringere, wo d Umwält zerstöre.

Wo s Bewusstsy feelt[ändere | Quälltäxt bearbeite]

Usschdoss vo de Gas CO2, NO, Methan und CFC. Nume bi Methan und de CFC isch e Verchliinerig vom Usschdoss z vermälde

Ville arme Schwelle- und Entwickligsländer feele d Mittel zu effektive Umwältschutzmassname. S billige, aber höchschtgiftige DDT wird dorum witerhy grossflechig zur Bekämpfig vo de Insekte ygsetzt. Globali Uflage wie si im Kyoto-Protokoll verlangt wärde, wärde vo dene Länder meist nit aagno, mit dr Begründig dass nit sy, sondern d Induschtrynazione zum gröschte Teil für d Umwältschäde verantwortlich syge. Bis zum Juli 2010 hai 191 Staate s Kyoto-Protokoll underschriibe und ratifiziert, d USA, wo pro Chopf dr gröscht CO2-Usschdoss het, het erst underschriibe aber nit ratifiziert. [1] D Uswirkige vom Protokoll si aber minimal bliibe.

Die verschidene Umwältproblem[ändere | Quälltäxt bearbeite]

D Umwältproblem, uf die dr Umwältschutz reagiere muess leue sich in verschideni Kriterie yteile zum Byspil nach de betroffene Umwältberych

  • Bode
  • Wasser
  • Luft
  • Ökosyschtem

oder au rüümlich

  • lokal (z.B. Luftverschmutzig in Balligszentre)
  • gränzüberschryttend (z.B. Verschmutzig vo Flüss wo dur meereri Länder fliesse)
  • global (z.B. Belaschtig vo dr Atmosfäre, s Ozonloch, dr Trybhuuseffekt)
  • internazional (z.B. Chrieg, Luftvercheer)

D Energy[ändere | Quälltäxt bearbeite]

Dr Hunger vom Mensch nach Energy isch s Hauptübel, wo d Umwält belaschtet und ihrer Zerschtörig Vorschueb leischtet. E vermerti Nutzig vo de verschidene erneuerbare Energye chönnti Abhilf schaffe. Es stekt no einiges in Wind, Wasserläuf, Ebbe und Fluet und im Energyliferant Nummer eis, d Sunne, wo dr Menschheit überall choschtelos es fascht unerschöpflichs Reserwuar vo erneuerbarer Chraft zur Verfüegig stellt. Au in sogenannte Abfäll schlummert seer vill Energy, wo me chönnti usehole.

D Zuekunft[ändere | Quälltäxt bearbeite]

Dr gröscht Usschtoss vo CO2 chunnt zur Zit vo de westliche Industrinazione im nordamerikanische Kontinänt und Europa. Mit ere schnäll wachsende Wirtschaft in vile Länder in Asie, wachst aber au dört d Umwältbelaschtig und s Bewusstsy für d Problematik isch no gringer as in de hochindustrialisierte Nazione, wo dr Energyverbruch (Strom, Heiz- und Trybschtoff) drotz aller Kritik immer no zuenimmt.

Noowys[ändere | Quälltäxt bearbeite]

Fuessnote[ändere | Quälltäxt bearbeite]

  1. Kyoto Protocol: Status of Ratification (PDF). United Nations Framework Convention on Climate Change (14. Januar 2009). Abgrüeft am 6. Mai 2009.

Weblink[ändere | Quälltäxt bearbeite]

Lueg au[ändere | Quälltäxt bearbeite]

Technik-Katastrophe