Venetien

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Venezie
Wappe vo der Region Venezie Flagge vo der Region Venezie
Basisdate
Hauptstadt: Venedig
Provinze: 7
Flechi: 18.391 km² (8.)
Iiwohner: 4.915.123 (31. Dezämber 2015)
Bevölkerigsdichti: 267 Iiwohner/km²
Website: www.regione.veneto.it
ISO 3166-2: IT-34
Presidänt: Luca Zaia (LN)
Charte
Charte vo Italien, Venezie useghobe

Venezie (italiänisch: Veneto) isch e Regioon vo Italie.

Geografischi Laag[ändere | Quälltäxt bearbeite]

D Region liit z Norditalie und gränzt im Oste a Friaul-Julisch Venezie, im Nordweste a Trentino-Südtirol, im Weste a d Lombardei und im Süde a d Emilia-Romagna. De Nordzipfel vo Venezie gränzt a Östriich.

D Dolomite i de Alpe sind die nördlichsti Landschaft vo Venezie. Denn chömed d Voralpe, e Hügellandschaft, d Poäbeni, d Gägend am Ostufer vom Gardasee und bsunders au die 150 Kilometer langi Adriaküste. Sie isch für d Lagune rund um Venedig berüehmt.

Gschicht[ändere | Quälltäxt bearbeite]

Venezie het währed Jahrhunderte als Festlandbsitz zur Republik Venedig ghört. Die historischi Fahne mit em Markusleu erinneret hüt no a die Ziit.

1797 isch de gröscht Teil vom Gebiet nach em Friede vo Campo Formio zu Östriich cho. 1805 het Östriich z Austerlitz gäge Napoleon verloore. So isch Venezie em Königriich Italie zuegschlage worde. Im Wiener Kongräss 1815 isch es under em Königriich Lombardo-Venezie wieder zu Östriich cho.

1866 isch Venezie dur die östriichische Niederlag gäge Preusse em Königriich Italie aaglideret worde. Nach em Erste Wältchrieg sind ladinischsprachigi Gmeinde i de Dolomite, under anderem Cortina d'Ampezzo, vo Östriich zu Italie gwächslet.

1963 het sich bi Longarone e grossi Katastrophe ereignet, wo e Bärgsturz de Vajont-Stausee zum Überlaufe brunge het und e Fluet füüf Dörfer zerstört het. Um die 2000 Mänsche sind debii gstorbe.

2012 het de Regionalrat sich für s Sälbstbestimmigsrächt für Venezie usgsproche. Au i de Bevölkerig sind Autonomie- und Sezessionsbesträbige wiit verbreitet.

Weblink[ändere | Quälltäxt bearbeite]

 Commons: Venezie – Sammlig vo Multimediadateie


45.73333333333311.85Koordinaten: 46° N, 12° O

Information icon.svg Dä Artikel basiert uff ere fräie Übersetzig vum Artikel „Venetien“ vu de dütsche Wikipedia.

E Liste vu de Autore un Versione isch do z finde.