Schiffkatalog vo de Ilias

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

De Schiffkatalog (altgriechνεῶν κατάλογος, neōn katalogos) isch e Tail vom 2. Buech vo de Ilias, wo de Homer gschribe hett. Do drii werd wered d Heelde und d Stedt vo de Achäer uufzellt, wo im Troianische Chrieg tailgnoo hend und o d Aazaal vo de Schiff werd uufglistet, wo sich im Hafe vo Aulis troffe hend, bivor si uf Troia gseglet sind. Dromm de Name.

Uufbau[ändere | Quälltäxt bearbeite]

De Schiffkatalog isch geographisch gornnet und fangt mi Boiotie aa, goot öber d Insle Euboia und Athen uf d Peloponnes und den uf Nordgriecheland mit Thessalie. Vo de Insle wered Kreta, Rhodos und di Ionische Insle gnennt, mit Ithaka, de Haimet vom Odysseus.

Historischi und geographischi Biwertig[ändere | Quälltäxt bearbeite]

Früenner isch hüüffig agnoo wore, as die Liste di politischi Situation us de Zitt vom Troianische Chrieg agee hett und me hett versuecht di gnennte Stedt mit Orte z identifiziere, wo mykenischi Rest gfunde wore sind, well noch de Agoobe vo de antike Schriftsteller de Troianischi Chrieg um s Joor 1200 v. Chr. stattgfunde hett, wa vili ebefalls as e historisch korrekts Daatum aagluegt hend. D Gegner vo dere These hend eender dodeför plädiert, ass de Schiffkatalog mee di geograafische Verhältnis zo de Zitt vom Homer oder echli früener bischriibi. Aber o daa passt nöd, denn im Katalog chömed Ortschafte vor, wo sös nöd gnennt wered. Scho i de Antiki hend sich di Gleerte dröber uusgloo, wo weli Stadt gnau ligi, denn es isch för e Stadt e hööchs Prestiisch gsii, wenn si i de Ilias gnennt woren isch. Und för da hend sich die Neme grad guet gaignet.

De Homer het gueti Chentniss vo de griechische Geographii ghaa, da zaigt sich i siim ganze Werch. Aber er hett di reaali Geographii mitere mythische Geographii vermischt. Im Schiffkatalog sind offebaar frai erfundnigi Näme iigsetzt wore, wenn s Versmääss und de Uufbau vomVers da verlangt hend. Drum isch de Schiffkatalog im groosse und ganze zwoor e früeni Geographii vo Griecheland, aber mengisch mue d Historizitäät vomene Name uufgee oder aazwiiflet were. D Füerer und Könige wo im Schiffkatalog gnennt wered, stamed ali us de Heldesaag und sind uf e ka Fall historisch.

De Kataloog[ändere | Quälltäxt bearbeite]

Volch oder Landschaft Vers Aazaal Schiff Aafüerer Stedt (Berg, Flüss, Hailigtümer)
Boioter 494–510 50 Peneleos, Leïtos, Arkesilaos, Klonios, Prothoënor Hyrie, Aulis, Schoinos, Skolos, Eteonos, Thespeia, Graia, Mykalessos, Harma, Eilesion, Erythrai, Eleon, Hyle, Peteon, Okalea, Medeon, Kopai, Eutresis, Thisbe, Koroneia, Haliartos, Plataia, Glisas, Hypothebai, Onchestos mit Poseidontempel, Arne, Mideia, Nisa, Anthedon
Minyer 511–516 30 Askalaphos, Ialmenos Aspledon, Orchomenos
Phoker 517–526 40 Schedios, Epistrophos Kyparissos, Python, Krissa, Daulis, Panopeus, Anemoreia, Hyampolis, Fluss Kephisos, Lilaia.
Lokrer 527–535 40 Aias de Chlii Kynos, Opoeis, Kalliaros, Bessa, Skarphe, Augeiai, Tarphe, Thronion, am Fluss Boagrios.
Abanter uf Euboia 536–545 40 Elephenor Chalkis, Eiretria, Histiaia, Kerinthos, Dion, Karystos, Styra
Athener 546–556 50 Menestheus Athen
Salamis 557–558 12 Aias de Grooss Salamis
Achäer und Argiver 559–568 80 Diomedes, Sthenelos, Euryalos Argos, Tiryns, Hermione, Asine, Troizen, Eïones, Epidauros, Aigina, Mases
Achäer 569–580 100 Agamemnon Mykene, Korinth, Kleonai, Orneiai, Araithyrea, Sikyon, Hyperesia, Gonoëssa, Pellene, Aigion, Aigialos, Helike
Lakedaimon 581–590 60 Menelaos Pharis, Sparta, Messe, Bryseiai, Augeiai, Amyklai, Helos, Laas, Oitylos
Pylier 591–602 90 Nestor Gerenios Pylos, Arene, Thryon am Fluss Alpheios, Aipy, Kyparisseeis, Amphigeneia, Pteleon, Helos, Dorion
Arkader vo Arkadie 603–614 60 Agapenor Berg Kyllene, s Grab vom Aipytos, Pheneos, Orchomenos, Rhipe, Stratie, Enispe, Tegea, Mantinea, Stymphalos, Parrhasia
Epeier 615–624 40 Amphimachos, Thalpios, Diores, Polyxeinos Bouprasion, Elis, Hyrmine, Myrsinos, Fels Oleine, Aleision
«Insle gegenöber vo Elis» 625–630 40 Meges Dulichion, Echinen
Kephallener 631–637 12 Odysseus Ithaka, Bergwald Neriton, Krokyleia, Aigilips, Zakynthos, Samos und Tail vom Festland gegenöber
Aitoler 638–644 40 Thoas Pleuron, Olenos, Pylene, Chalkis, Kalydon
Kreter uf Kreta 645–652 80 Idomeneus, Meriones Knosos, Gortyn, Lyktos, Miletos, Lykastos, Phaistos, Rhytion
Rhodier uf Rhodos 653–670 9 Tlepolemos Lindos, Ielysos, Kameiros
  671–675 3 Nireus Syme
  676–680 30 Pheidippos, Antiphos Nisyros, Krapathos, Kasos, Kos, Kalydnai
Myrmidone und Hellene 681–694 50 Achilleus Argos, Alos, Alope, Trechis, Phthia, Hellas
  695–710 40 Protesilaos, Podarkes Phylake, Pyrasos, Hain vo de Demeter, Iton, Antron, Pteleos
  711–715 11 Eumelos Pherai, Boibe, Glaphyrai, Iaolkos
  716–728 7 Philoktetes, Medon Methone, Thaumakia, Meliboia, Olizon
  729–733 30 Podaleirios, Machaon Trikka, Ithome, Oichalia
  734–737 40 Eurypylos Ormenion, Quelle Hypereia, Asterion, Berg Titanos
Lapithe 738–747 40 Polypoites, Leonteus Argissa, Gyrtone, Orthe, Elone, Oloosson
Perrhaiber 748–755 22 Guneus Kyphos, Dodona, Fluss Titaresios
Magneter 756–759 40 Prothoos Fluss Peneios und Berg Pelion

Literatur[ändere | Quälltäxt bearbeite]

  • Günther Jachmann: Der homerische Schiffskatalog und die Ilias; Springer Fachmedien Wiesbaden (1958). ISBN 978-3-322-98023-6
  • Edzard Visser: Homers Katalog der Schiffe.