Pharis
Pharis oder Pharai (altgriech. Φᾶρις, Φαραί) isch en antike Ort z Lakonie gsii. Er werd bim hüttige Vaphio gsuecht, wo e mykenisches Zentrum gstanden isch, öppe zee Kilometer süüdlich vom antike Sparta und zwee Kilometer östlich vom Hailigtum Amyklai ewegg, em Ostuufer vom Eurotas.
Im Schiffkatalog vom Homer werd Pharis as e Stadt uufglistet, wo em Menelaos ghört hett. De Ephoros hett gschribe, as Pharis noch de Iiwanderig vo de Dorer und de Heraklide de Ort vom spartanische Schatzhuus gsii sai, wa im Widerspruch zo de Aagoob stoot, as de spartanischi König Teleklos Pharai underworffe hebi. Die Aagoobe sind aber ali nöd bsunders historisch. Da gelt o för de nächtlichi Öberfall vom messenische Fraihaitsheld Aristomenes wäred de Messenische Chrieg. Im zwaite Joorhundert n. Chr. isch Pharai numeno e Ruine gsii.
Literatur
[ändere | Quälltäxt bearbeite]- Yves Lafond: Pharis. In: Der Neue Pauly (DNP). Band 9, Metzler, Stuttgart 2000, ISBN 3-476-01479-7, Sp. 740.