Minyer

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Minyer (altgriechΜινύαι, Minýai) sind en antiks Volch z Griecheland gsii, wo a verschidnige Orte glebt hett und um si hend sich Saage bildet, wo echli verworre sind. De Stammvatter vo de Minyer isch de Minyas gsii und o dem sii Stammbomm isch verworre.

Minyer vo Orchomenos[ändere | Quälltäxt bearbeite]

Em sterchste verbunde sind d Minyer mit de Stadt Orchomenos, wo im westliche Boiotie glegen isch. Da hett de Biname Minyeios ghaa, ums vom arkadische Orchomenos zunderschaide. D Minyer vo Orchomenos und de binochbuurte Stadt Aspledon sind under de Füerig vom Askalaphos und em Ialmenos mit 30 Schiff in Troianische Chrieg zoge. No i de historische Zitt hend um Orchomenos ume Minyer glebt.

Minyer as Noofaare vo de Argonaute[ändere | Quälltäxt bearbeite]

Nebet dem Volch um Orchomenos ume, sind ono d Argonaute Minyer gnennt wopre, nochdem si sich uf de Insle Lemnos niderloo hend. Bivoor si uf dere Insle glandet sind, hend d Lemnierinne ali eri Mane umbroocht ghaa. D Argonaute hend denn mit dene Fraue Söö zügt. Wo spööter d Pelasger d Minyer vo de Insle Lemnos vertribe hend, sind die uf Sparta gfloche. Si hend aber grad Chrach öberchoo. En Tail isch denn mitem Theras uf d Insle Thera gfaare. De ander Tail het sich z Triphylie i de westliche Peloponnes niderloo.

Zo de Minyer, wo uf Thera cho sind, hend o d Noofaare vom Euphemos ghört und vo dene stamed d Battiade ab, s historische Gschlecht vo de König vo de Stadt Kyrene.

Sustigs[ändere | Quälltäxt bearbeite]

Noch de Minyer isch i de Archäologi di Minyschi Keramik us de Bronzezitt binammst.

Literatur[ändere | Quälltäxt bearbeite]

  • Paul Dräger: Minyer. In: Der Neue Pauly (DNP). Band 8, Metzler, Stuttgart 2000, ISBN 3-476-01478-9, Sp. 249.
  • Edward Tripp: Reclams Lexikon der Antike Philipp Reclam jun. Stuttgart (1991), 5. Uuflaag. Lemma: Minyer, S. 350.