Mykenischi Kultur

Us der alemannische Wikipedia, der freie Dialäkt-Enzyklopedy
e mykenisches Fresko

Mykenischi Kultur bizaichnet die letschti Periode vom Helladikum i de spoote Bronzezitt vo öppe 1600 bis 1050 v. Chr. De Name laitet sich vom Ort Mykene uf de Peloponnes ab, wo ann vo de wichtigste Fundort vo dere Kultur isch. D Mykener hend Mykenisch gredt, e früeni Form vom Griechische.

Di mykenischi Kultur gelt as die ältischti Hochkultur ufem europäische Festland, im Gegesatz zo de ältere Minoische Kultur uf de Insle Kreta. Di minoischi Kultur het e starche Iifluss uf di mykenischi Kultur ghaa.

Verbraltet isch die Mykenischi Kultur uf de Peloponnes und i Mittelgriecheland, spööter hett si uf Kreta di minoischi Kultur verdrängt. Di wichtigste Zentre sind d Argolis, Messenie und Boiotie gsii.