Rivella
Rivella isch es cholesüürehaltigs, alkoholfryys Erfrüschigsgetränk mit 35 Prozänt Milchserum, wo i de Schwiiz härgschtellt wird.
d Firma
[ändere | Quälltäxt bearbeite]S Getränk wird vo de Rivella AG z Rootrischt im Kanton Aargau abgfüllt. D Firma isch bis hüt im Eigetum vo de Familie vom Gründer Robert Barth.
De Name Rivella leitet sich us em Tessiner Ortsname Riva San Vitale und em italiänische Wort rivelazione „Offebarig“ ab.[1]
Rezäptur
[ändere | Quälltäxt bearbeite]D Inhaltsstoff vom Rivella Rot sind:
- Wasser
- Schotte («Milchserum»; £35 Prozänt)[2]
- Zucker
- Cholesüüri
- Süürigsmittel (L(+)-Milchsüüri)
- Karamellisiärte Zucker
- Natürlichi Arome
| Ernährigsinfo (pro 100 ml) | ||||||
|---|---|---|---|---|---|---|
| Sorte | Härschtelligsjahr | Energii | Fett | Cholehüdraat | Äiwiss | Salz |
| Rivella Rot | syt 1952 | 37 kcal | 0 g | 9 g | 0 g | 0,03 g |
| Rivella Blau | syt 1959 | 7 kcal | 0 g | 1,5 g | 0 g | 0,03 g |
| Rivella Grüentee | syt 1999 | 22 kcal | 0 g | 5 g | 0 g | 0,02 g |
| Rivella Refresh | syt 2018 | 21 kcal | 0 g | 5,2 g | 0 g | 0,02 g |
| Rivella Grapefruit | syt 2021 | 19 kcal | 0 g | 4,7 g | 0 g | 0,02 g |
| Rivella Schwizer Minze | syt 2021 | 19 kcal | 0 g | 4,7 g | 0 g | 0,02 g |
| Us em Vercheer zogeni Sorte | ||||||
| Sorte | Härschtelligsjahr | Energii | Fett | Cholehüdraat | Äiwiss | Salz |
| Rivella Geel[3] | 2008–2011 | 13 kcal | 0 g | 3,1 g | 0 g | 0,02 g |
| Rivella Pfirsich[4] | 2014–2016 | 35 kcal | 0 g | 8,4 g | 0 g | 0,03 g |
| Rivella Mango Tropical[5] | 2016–2018 | 35 kcal | 0 g | 8,4 g | 0 g | 0,03 g |
| Rivella Rhebarber[6] | 2014–2019 | 35 kcal | 0 g | 8,4 g | 0 g | 0,03 g |
| Rivella Holderblüete[7] | 2019–2021 | 35 kcal | 0 g | 8,4 g | 0 g | 0,03 g |
| Quälle: Ernährigsinfo Rivella | ||||||
Verbreitig
[ändere | Quälltäxt bearbeite]S Rivella isch i dr Schwiiz so wyt bekant, as me mängmol seit, es sig fasch es Nationalgetränk im Land.[8] Im Jahr 2013 isch de Märtaateil vo de Rivella AG ufem Schwiizer Erfrischungsgetränkemärt bi 15,3 Prozänt glühe.[9] Rivella chunnt hinder Coca Cola uf Platz 2.
Im Fürschtetum Liechteschtei, i de Niderlande und z Luxeburg chunt me Rivella scho syt lengerer Zyt über. Rivella Light isch 1958 als Diabetes-Getränk i de Niderlande lanciert worde, es Jahr schpöter (1959) isch es als Rivella Blau uf de Schwiizer Märt cho. D Niderlande sind hüt de gröschti Usslandmärt für Rivella. De Vertrieb z Dütschland probiert me z entwickle. Rivella chunt mer au i de Gränzregione vo Frankrych und Öschtrych über.
De Märtuftritt im Ussland underscheidet sich vo dem i de Schwiiz. I de 1960er und 1970er-Jahr isch Rivella z Dütschland under em Markename Larell aabotte worde, zum wettbewärblichi Konflikt mit de dütsche Limonademarke Libella vermyde. Spöter isch de Name aber au det i Rivella gänderet worde.
Gschicht
[ändere | Quälltäxt bearbeite]Schotte isch es proteinhaltigs Näbeprodukt vo de Chääshärschtellig und es isch au scho i de Originalrezeptur vo Fanta bruucht worde. De Robert Barth bzw. sy Brüeder hend 1950 d Rezäptur für es Molke-Tafelgetränk erworbe. Druus isch Rivella entstande. Zerscht isch d Produktion z Schtääfe, denn z Uschter gsi. 1952 isch d Rivella AG gründet worde und Rivella Rot isch uf em Getränkemärt ygfüehrt worde. Vier Jahr nach de Gründig isch mer vo Uschter uf Rootrischt choo.
Ab 1958 isch mit Rivella Blau 1958 eis vo de erschte Liechtgetränk ygfüehrt worde. 1977 het Rivella e Wärbepartnerschaft mit de Schwiizer Skinati aagfange. Rivella Grüen isch 1999 als dritti Sorte i s Sortimänt ufgnuu worde.
E «Relaunch» vo de Gsamtmarke Rivella hets 2007 ggäh, mit eme nüüe Erschynigsbild und nüügschtaltete Fläsche. De Gründer Robert Barth isch am 29. März 2007 im Alter vo 85 Jahre z Rootrischt gschtorbe. S Undernäme isch immer no im Bsitz vo synere Familie. De gröschti Schwiizer Detailhändler, d Migros, isch 2008 vo de voranige Eigemarke Mivella uf d Markeprodukt vo Rivella umgstige. Mivella isch im Uftrag vo de Migros äbefalls vo Rivella härgschtellt worde.[10] D Marke Rivella CLIQ, Pfirsich und Rhabarber sind 2014 uf de Getränkemärt cho. Im Jahr 2016 hets wider e Relaunch mit nüüem Design und Logo ggäh.
Weblink
[ändere | Quälltäxt bearbeite]
Commons: Rivella – Sammlig vo Multimediadateie- www.rivella.ch
- Rivella i de Datebank vom Kulinarische Erb vo de Schwiz
- Website
Einzelnachwys
[ändere | Quälltäxt bearbeite]- ↑ Neue Zürcher Zeitung. Archiviert vom Original am 4. März 2012; abgruefen am 23. August 2017., Zeitungsartikel vom 1.
- ↑ http://www.rivella.de/#rivella/das_erfrischungsgetraenk
- ↑ Rivella Gelb. In: Rivella AG. 2008. Archiviert vom Original am 7. März 2009. Abgrüeft am 15. März 2018.
- ↑ Rivella Pfirsich. In: Rivella AG. 2016. Archiviert vom Original am 4. April 2016. Abgrüeft am 15. März 2018.
- ↑ Rivella Mango Tropical. In: Rivella AG. 2017. Archiviert vom Original am 1. März 2017. Abgrüeft am 15. März 2018.
- ↑ Rivella Rhabarber. In: Rivella AG. 2017. Archiviert vom Original am 1. März 2017. Abgrüeft am 29. November 2021.
- ↑ Rivella Holunderblüte. In: Rivella AG. 2019. Archiviert vom Original am 18. November 2019. Abgrüeft am 29. November 2021.
- ↑ Das modifizierte Nationalgetränk im Test Tages-Anzeiger, Artikel vom 16.
- ↑ Kennzahlen Rivella-Gruppe 2010. Archiviert vom Original am 20. Juni 2016; abgruefen am 23. August 2017.
- ↑ http://www.migros.ch/DE/Ueber_die_Migros/Medien/Aktuelle_Meldungen/Seiten/NewsFull.aspx? Archivlink (Memento vom 7. März 2009 im Internet Archive)
|
Dä Artikel basiert uff ere fräie Übersetzig vum Artikel „Rivella“ vu de dütsche Wikipedia. E Liste vu de Autore un Versione isch do z finde. |