Martin Grüner

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Martin Grüner (2007)

Dr Martin Grüner (* 19. Juli 1929 z Stuegert; † 4. Februar 2018 z Bonn) isch e dytsche Bolitiker (FDP) gsii. Är isch vu 1972 bis 1987 Barlemäntarische Staatssekreteer bim Bundesminischter fir Wirtschaft un vu 1987 bis 1991 bim Bundesminischter fir Umwält, Naturschutz un Reaktorsicherhait gsii.

Uusbildig un Beruef[ändere | Quälltäxt bearbeite]

Noch em Abitur 1949 z Schramberg het dr Grüner Rächtswissenschaft z Dibenga un z Hamburg studiert. S Studium het er agschlosse mit em erschte un 1959 mit em zwaite juristische Staatsexame. Derno het er bis 1968 as Syndikus un Gschäftsfierer im Verband der Schwarzwälder Uhren-Industrie e. V. z Schwenninge gschafft. Anne 1961 isch er as Rächtsaawalt zuegloo wore. Vu 1968 bis 1972 isch dr Grüner Hauptgschäftsfierer vum Verbandes der Deutschen Uhren-Industrie gsii.

Bartei[ändere | Quälltäxt bearbeite]

Syter anne 1950 isch dr Grüner Mitglid vu dr FDP gsii; in sye Studiezyt z Dibenga het er di Liberal Hochschuelgruppe glaitet. Vu 1963 bis 1967 un vu 1969 bis 1988 het er em FDP-Landesvorstand z Bade-Wirttebärg aaghert. Mitglid vum FDP-Bundesvorstand] isch er vu 1976 bis 1990 gsii.

Abgordnete[ändere | Quälltäxt bearbeite]

dr Martin Grüner (1976)

Vu 1964 bis 1972 het d Grüner em Gmaitrot vu sym Haimetort Schramberg aaghert.

Är isch vu 1969 bis 1994 Mitglid vum Dytsche Bundesdag un derrt vu 1969 bis 1972 bildigsbolitische Sprächer vu dr FDP-Bundesdagsfraktion gsii. Derzue isch er Mitglid im sozialbolitischen Uusschuss un im Haushaltsuusschuss vum Bundesdag gsii.

Dr Martin Grüner isch alliwyl iber d Landeslischt Bade-Wirttebärg vu dr FDP in dr Bundesdag yyzoge.

Effetligi Ämter[ändere | Quälltäxt bearbeite]

Am 15. Dezämber 1972 isch dr Grüner as Barlemäntarische Staatssekreteer bim Bundesminischter fir Wirtschaft in di vum Bundeschanzler Willy Brandt gfiert Bundesregierig gruefe wore. In däm Amt het er au dr Kabinett vum Helmut Schmidt aaghert, bis er noch em Bruch vu dr sozial-liberale Koalition am 17. Septämber 1982 zerscht us em Amt uusgschiden isch.

No dr Wahl vum Helmut Kohl zum Bundeschanzler isch dr Grüner scho am 4. Oktober 1982 wider zum Barlemäntarische Staatssekreteer bim Bundesminischter fir Wirtschaft wore. Vu 1974 bis 1987 isch er au Koordinator vu dr Bundesregierig fir di dytsch Luft- un Ruumfahrt. No dr Bundesdagswahl 1987 isch er am 12. Merz 1987 in dr glyche Funktion zum Bundesminischter fir Umwält, Naturschutz un Reaktorsicherhait gwächslet. No dr Bundesdagswahl 1990 isch er derno am 18. Jänner 1991 us em Amt gschide, isch aber bis 1994 Mitglid vum Dytsche Bundesdag blibe. Im 12. Dytsche Bundesdag isch dr Martin Grüner Mitglid vum Finanzuusschuss un Vorsitzer vu dr Arbetsgruppe „Finanze un Styyre“ vu dr FDP-Fraktion gsii un au Mitglid vum Uuswärtigen Uusschuss.

In dr 12. Legislaturperiod isch er au Mitglid vu Enquetekummission „Vorsorge zum Schutz der Erdatmosphäre“ vum Dytsche Bundesdag gsii.

Ehrige[ändere | Quälltäxt bearbeite]

  • 1975: Verdienschtchryz 1. Klasse vu dr Bundesrepublik Dytschland
  • 1978: Groß Verdienschtchryz vu dr Bundesrepublik Dytschland[1]
  • 2009: Groß Verdienstkreuz mit Stärn un Schulterband vum Verdienschtorde vu dr Bundesrepublik Dytschland

Weblink[ändere | Quälltäxt bearbeite]

 Commons: Martin Grüner – Sammlig vo Multimediadateie

Fueßnote[ändere | Quälltäxt bearbeite]

  1. Bekanntgabe von Verleihungen des Verdienstordens der Bundesrepublik Deutschland. In: Bundesanzeiger. Jg. 30, Nr. 172, 13. September 1978.
Information icon.svg Dä Artikel basiert uff ere fräie Übersetzig vu dere Version vum Artikel „Martin_Grüner“ vu de dütsche Wikipedia.

E Liste vu de Autore un Versione isch do z finde.