Liddes

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Liddes
Wappe vo Liddes
Basisdate
Staat: Schwiiz
Kanton: Wallis (VS)
Bezirk: Entremontw
BFS-Nr.: 6033i1f3f4
Poschtleitzahl: 1945
Koordinate: 580391 / 9344745.99237.185581346Koordinaten: 45° 59′ 32″ N, 7° 11′ 8″ O; CH1903: 580391 / 93447
Höchi: 1'346 m ü. M.
Flächi: 60.2 km²
Iiwohner: 767 (31. Dezämber 2017)[1]
Website: www.liddes.ch
Liddes

Liddes

Charte
Lac de SalanfeLac d’ÉmossonLac Supérieur de FullyLac des VauxLac de CleusonLac de Grand DésertLac de LouvieLac des DixLac de MauvoisinLac des ToulesLac de ChampexLago di Place MoulinItalieFrankriichBezirk ContheyBezirk EringBezirk MartinachBezirk MontheyBezirk Saint-MauriceBezirk SittenBagnesBourg-Saint-PierreLiddesOrsièresSembrancherVollègesCharte vo Liddes
Iber des Bild
w

Liddes isch e Munizipalgmeind (politischi Gmeind) im Kantoon Wallis i dr Schwiiz und ligt im Bezirk Entremont.

Geografii[ändere | Quälltäxt bearbeite]

D Gmeind ligt im Taal vo dr Dranse d'Entremont a dr Hauptstrooss 21, wo vo Martinach zum Grosse Sankt Bärnhardsbärg ufe goot. Wiiter unden im Taal Entremont isch d Gmeind Orsières, wiiter oben isch Sankt Petersburg.

Usser em Dorf Liddes-Ville ghöre zur Gmeind no d Bärgbuuredörfer Chandonne,[2] Dranse, Rive-Haute, Fontaine-Dessous, Fontaine-Dessus, Les Moulins, Vichères, Fornex, Chez-Petit und Palasuit.

Ännet em Bärg Mont Brulé, em Fuesswäg übere Pass Col de Mille noo, goot dr Gmeindbann über d Wasserscheidi übere is Taal vom Bach Torrent des Places, wo nach Versegères im Bangistaal abe goot. Zoberscht i däm Taal hed Liddes an Alp mid em Naame Les Plans.

Im Oschte louft d Gmeindgränze bis zum Schneefäld am Gipfel vom Petit Combin uf über 3600 Meter. Unden a däm Bärg ligt dr Gletscher Glacier de Boveire. Boveire isch dr Fluernaame vom Alpareal unden am Gletscher.

Visavi vom Dorf Liddes ligt äna am Bach s Dörfli Dranse. Vo dört goot me is Siitetaal Combe de l'Â. I däm chliine Taal mid em Bach Torrent de l'Â isch d Alp Vouasse, und vo dört füert e Fuesswäg über e Col du Névé de la Rousse is Ferrettaal übere. Di ganzi Combe de l'Â isch es grosses Natuurschutzgebiet.

Gschicht[ändere | Quälltäxt bearbeite]

I de Felse oben a dr Alp Boveire d'en haut ligge d Überräschte von ere uralte Muur us troche ufgschichtete Steine und Ruiine von ere Sidlig. Die Schtell hei dr Gschichtsforscher und Dichter Theo Lathion vo Liddes und anderi sid Joorzähnte mängmol beschribe, und sid em 2006i wird si von ere eigene Organisazioon, dr RAMHA, mid dr Hilf vo Universitääte i dr Weschtschwiiz erforscht. Me hed bi Usgrabige Sache gfunde us dr Ziit grad vor dr Eroberig vom Wallis dur d Röömer, und au no vo spööter. Die guet gschützti Aalag wiit oben i de Bärge hed sid langem dr volkstümlech Naame Mur d'Annibal.[3][4]

S Dorf Liddes chunt sid em 12. Joorhundert i Dokumänte vor. Ane 1228 hed es sech vo dr früener grössere Gmeind Orsières glöst, zum ne eigeni Gmeind z bilde. Es hed de Bischöf vo Sitte und noch em Middelalter de Herzög vo Savoie ghört.

D Dorfchille vom Sankt Georg isch im Bsitz vom Hoschpiiz vom Bärnhardsbärg gsi.

Iwoner[ändere | Quälltäxt bearbeite]

Jaar 1850 1860 1870 1880 1888 1900 1910 1920
Iwoner 1347 1308 1237 1267 1189 1076 1079 983
Jaar 1930 1941 1950 1960 1970 1980 1990 2000
Iwoner 832 824 720 713 635 639 620 659

Dr Üsländeraateil ischt 2010 bi 6,9 % glägu.

Religion[ändere | Quälltäxt bearbeite]

90 % vannu Iwonru sint im Jaar 2000 remisch-katholischi gsii, 3,3 % evangelisch-reformierti.

Politik[ändere | Quälltäxt bearbeite]

Dr Ggmeindspresident va Liddes ischt dr Stève Lattion (Stant Oktober 2017).

Gebäu[ändere | Quälltäxt bearbeite]

  • Chapälle vom Sankt Laurenz

Weblink[ändere | Quälltäxt bearbeite]

 Commons: Liddes – Sammlig vo Multimediadateie

Amerkige[ändere | Quälltäxt bearbeite]

  1. Ständige und nichtständige Wohnbevölkerung nach Jahr, Kanton, Bezirk, Gemeinde, Bevölkerungstyp und Geschlecht (Ständige Wohnbevölkerung). In: bfs.admin.ch. Bundesamt für Statistik (BFS), 2018-08-31. Abgrüeft am 2018-09-30.
  2. Website vom Dorfveräin vo Chandonne
  3. Website vo dr Organisazioon, wo d Aalag erforscht.
  4. Romain Andenmatten, Olivier Paccolat: Le mur (dit) d'Hannibal. Un site de haute montagne de la fin de l'Age du Fer. In: Jahrbuch Archäologie Schweiz 95, 2012, S. 77–95.