Sankt Brancher

Dialäkt: Wallisertitsch

Sankt Brancher
Wappe vo Sankt Brancher
Basisdate
Staat:	Schwiiz
Kanton:	Wallis (VS)
Bezirk:	Entremontw
BFS-Nr.:	6035i1f3f4
Poschtleitzahl:	1933
Koordinate:	577769 / 10300546.078197.15129717
Höchi:	717 m ü. M.
Flächi:	17.7 km²
Iiwohner:	1050 (31. Dezämber 2022)
Website:	www.sembrancher.ch
Charte
Charte vo Sankt Brancher w

Sankt Brancher (frz. offiziell Sembrancher; fp. [a sabrɛ̃ˈtsə, sabrɛ̃ˈtʃyə]) isch en Munizipaalgmei im Bizirk Entremont im Kanton Wallis, Schwiz.

Geografii

Di Gmei liggut ufer lingg Sita vam Fluss Dranse, wa üsum Bangistaal chunnt. Dr Bach macht di Gränza ufer Noordsita ufera Lengi va sibu Kilometer. Ufer rächt Sita vam Bach liggut di Gmei Vollèges und ds Taal Entremont feri im Süüdu di Gmei Orsières.

Da, wa d Entremont-Dranse in ds Taal embri chunnt und va linggs ini Dranse mündut, liggut ufera Aaheechi ds aalt Doorf Sankt Brancher. Da faat öi di Bäärgstraass ufu Grooss Sankt Bernhard a. Ei Kilometer witer feri im Taal isch dr Willer La Garde.

Va Martinach chunnt en Iisubaanlingja ds Taal feremüf und verzwigt schi bi Sankt Brancher zenu Streckine uf Le Châble im Bangistaal und uf Orsières.

Gschicht

Sankt Brancher isch zum eerschtu Mal im Jaar 1177 als Sancti Pancratii de Branchi erwäänts cho. Ds Doorf isch sit dum Mittelaalter dr Höiptoort vam Entremont.

Iwoner

Quälla: Bundesamt fer Statistik 2005

Jaar	1850	1860	1870	1880	1888	1900	1910	1920
Iwoner	739	737	769	780	780	716	675	641
Jaar	1930	1941	1950	1960	1970	1980	1990	2000
Iwoner	709	681	664	710	712	671	750	792

Dr Üsländerateil isch 2010 bi 11,7 % glägu.

Religioo

89 % vanu Iwoner sind im Jaar 2000 römisch-katholisch gsi, 3,8 % evangelisch-reformiert.

Politik

Dr Gmeipresidänt va Sembrancher isch dr Bernard Giovanola (Stand Oktoober 2017).

Spraach und Dialäkt

Bi dr Volchszellig 2000 heint vanu 792 Iwoner 98,2 % Französisch als Höiptspraach agigä, 0,8 % Titsch, 0,5 % Italienisch und 0,5 % annri Spraache.

Dr tradizionell Dialäkt va Sembrancher gcheert zum Frankoprovenzalischu.

Weblink

 Commons: Sembrancher – Sammlig vo Multimediadateie

• Website vaner Gmei Sankt Brancher
• David Rey: Sembrancher. In: Historisches Lexikon vo dr Schwiiz.