Fachhochschueu Nordweschtschwiz

Fachhochschule Nordwestschweiz
Gründig	1. Januar 2006
Drägerschaft	Kantön Aargau, Basel-Landschaft, Basel-Stadt, Solothurn
Ort	Basu, Muttenz, Olte, Windisch
Land	Schweiz
Direktionspräsident	Crispino Bergamaschi
Studänt*ene	ca. 14'500
Mitarbeiter*ne	ca. 3'200
drvo Profässer*ne	ca. 500
Netzwärch	swissuniversities
Website	www.fhnw.ch

D' Fachhochschueu Nordweschtschwiz FHNW isch e zentral gfüehrti Fachhochschueu. Si umfasst zeh Hochschuele i de Kantön Aargau, Basu-Land, Basu-Stadt u Solothurn.

Gschicht

D'Gründig vor FHNW isch am 1. Januar 2006 gsi. Si isch entstande durch d'Fusion vor Fachhoschueu Aargau (FHA), dr Fachhoschueu beider Basu (FHBB), dr Fachhochschueu Solothurn (FHSO), dr Pädagogische Hochschueu Solothurn u dr Hochschueu für Pädagogik u Soziali Arbeit beider Basu. Sit em 1. Janauar 2008 ghöre au die beide Musighochschuele vor Musik-Akademie dr Stadt Basu zur FHNW.

Organisation

Träger vor Hochschueu si d'Kantön Aargau, Basu-Land, Basu-Stadt u Solothurn. D'Füehrig vor Hochschueu Nordweschtschwiz wird sichergsteut zwüsche de Trägerkantön u em Fachhochschuelrat, wo d'FHNW strategisch füehrt. Ar FHNW steit e Direktionspräsidänt/in vor.

D'FHNW bstoht us zeh Hochschuele (* = Hauptstandört):

• Hochschueu für Agwändeti Psychologie (Olte)
• Hochschueu für Architektur, Bau und Geomatik (Muttenz)
• Hochschueu für Gstaltig u Kunscht (Basu*)
• Hochschueu für Informatik
• Hochschueu für Life Sciences (Muttenz)
• Musigakademii vo der Stadt Basel (Basel)
• Pädagogischi Hochschueu (Brugg*, Muttenz, Solothurn)
• Hochschueu für Soziali Arbet (Olte*, Muttenz)
• Hochschueu für Technik und Umwäut (Windisch*, Muttenz, Olte)
• Hochschueu für Wirtschaft (Basu, Brugg, Olte*)

D'FHNW hat Hauptstandört i Windisch, Olte, Muttenz und Basu. D'Hochschueu für Musik isch bi dr Musigakademii vo de Stadt Basel sowie bim Jazzcampus im Glaibasel. D'Hochschueu für Gstaltig und Kunscht het ihrn Sitz ufm Dreispitzareal Basu/Münchestei.

Abote wärde Bachelor- u Master-Studiegäng, Nachdiplomstudie, Witerbilidige, awändigsorientierti Forschig u Entwicklig sowie Dienschtleischtige zu gunschte vo Dritte. Gsammthaft zeut d'FHNW rund 14'500 Studierendi.

Weblinks

• Offizielli Website
• Hochschueu für Angewandte Psychologie
• Hochschueu für Architektur, Bau u Geomatik
• Hochschueu für Gestaltig u Kunst
• Hochschueu für Life Sciences
• Hochschueu für Musig
• Pädagogische Hochschueu
• Hochschueu für Soziali Arbeit
• Hochschueu für Technik und Umwäut
• Hochschueu für Wirtschaft

0V Hochschuele i de Schwyz