Hoochschuel für Gstaltig und Kunst

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Vorlage:Infobox Hochschule/Mitarbeiter fehltVorlage:Infobox Hochschule/Professoren fehlt
Hoochschuel für Gstaltig und Kunst (HGK)
Logo
Gründig 1796
Drägerschaft staatlig
Ort Baasel, Schwiz
Leitig Kirsten Langkilde
Studänte 600
Websiite www.fhnw.ch/hgk
Dialäkt: Baseldütsch

D Hoochschuel für Gstaltig und Kunst (HGK) bietet in dr Nordwestschwiz z Baasel und z Aarau künstlerischi und gstalterischi Usbildige aa.

D Hoochschuel beschäftigt (Stand 2012) öbbe 200 Persone, doodrvo si 130 Dozierendi, 45 schaffe im akademische Middelbau und 25 im technische und administrative Beriich. Für Brojekt und Wörkschops wärde zuesätzlig Referänte vo uswärts brocht. Öbbe 600 Studierendi si an dr HGK immatrikuliert.[1]

Gschicht[ändere | Quälltäxt bearbeite]

D Gschicht vo dr hütige Hoochschuel für Gstaltig und Kunst het im Joor 1796 aagfange, wo d Zäichnigs- und Modellierschuel, die spööteri Gwärbschuel, gründet worde isch. Im Joor 1886 isch e Moolklass ufdoo worde, 1917 au äini für Bildhauerei. 1893 isch d Kunstgwärbschuele mit Museum am Petersgraabe z Baasel eröffnet worde. In de Joor 1917 bis 1979 het d Kunstgwärbeschuel Fachklasse und Vorkürs aabote, vo 1968 d Witerbildigsklass für Grafik under dr Läitig vom Armin Hofmann und spööter vom Emil Ruder, wo internazional under em Naame Basel School of Design bekannt worde isch. 1980 isch d Schuel für Gstaltig gründet worde. 5 Joor spööter isch dr Studiegang für Audiovisuelli Kunst gstartet worde. In dere Zit het u. a. d Pipilotti Rist Audiovisuelli Kommunikazion z Baasel studiert. Sit 1999 git s an dr Hoochschuel dr Disäin-Studiegang HyperWerk. An dr Fachhoochschuel Aargau si im gliiche Joor die bäide Studiegäng Industrial Design und Mediekunst as Departemänt Gstaltig und Kunst gstartet worde. E Joor spööter isch d HGK zum e Departemänt vo dr Fachhoochschuel vo bäide Baasel worde. D HGK vo dr Fachhoochschuel Nordwestschwiz FHNW isch im Joor 2006 entstande, wo dr Fachberiich Gstaltig und Kunst vo dr Fachhoochschuel Aargau FHA, dr Studiegang HyperWerk und d HGK Baasel zämmegschlosse worde si. Sit 2008 git s d Masterstudiegäng Master of Arts in Disäin – Masterstudio Disäin, Master of Fine Arts und Kooperazionsmaster Leerbruef für Gstaltig und Kunst /Hööchers Leeramt.

Studiegäng[ändere | Quälltäxt bearbeite]

Bätscheler-Studiegäng[ändere | Quälltäxt bearbeite]

Es git d Bätscheler-Studiegäng Wisuelli Kommunikazion, Industrial Design, Mode-Disäin, HyperWerk, Innenarchidektur und Szenografii, Kunst und Leerbruef für Gstaltig und Kunst.

Master-Studiegäng[ändere | Quälltäxt bearbeite]

D Master-Studiegänge si Master of Arts in Disäin – Masterstudio Disäin, Master in Visual Communication and Iconic Research, Master of Fine Arts, Kooperazionsmaster Leerbruef für Gstaltig und Kunst/Hööchers Leeramt.

Instidut vo dr HGK[ändere | Quälltäxt bearbeite]

Es git Instidut für Wisuelli Kommunikazion, Innenarchidektur und Szenografii, Mode-Disäin, Industrial Design, Kunst, Leerbruef für Gstaltig und Kunst, HyperWerk, Integrativi Gstaltig, Esthetischi Braxis und Theorii und Experimentelli Disäin- und Mediekulture.

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. Auf einen Blick: Hochschule für Gestaltung und Kunst HGK. (PDF) Fachhochschule Nordwestschweiz, Mai 2012, archiviert vom Original am 22. Februar 2014; abgerufen am 11. Februar 2014.

47.4845438.207129Koordinate 47° 29′ 4″ N, 8° 12′ 26″ O; CH1903: 657921 / 259592