Pedagogischi Hochschuel Graubünde
| Pädagogische Hochschule Graubünden | |
|---|---|
| |
| Drägerschaft | staatli |
| Ort | Chur |
| Land | Schwyz |
| Räkter | Gian-Paolo Curcio |
| Studänt*ene | 399 |
| Mitarbeiter*ne | 145 |
| Netzwärch | Swissuniversities[1] |
| Website | www.phgr.ch |
Di Pedagoogisch Hoochschuel Graubünde (dt. Pädagogische Hochschule Graubünden, churz PHGR, ital.: Alta scuola pedagogica dei Grigioni, roman.: Scola auta da pedagogia dal Grischun) isch e Hoochschuel fir Lehrpersoone uf dr Stapfle Primaarschuel un Chinderschuel z Kuur. D «Bündner Frauenschule» isch anne 1983 no Blään vum St. Moritzer Architäkt Robert Obrist böue[2] un 2010 vum Pablo Horváth um e Mediothek un Heersääl uusgwytet woore.[3] As ainzigi effetligi Schwyzer Hoochschuel bietet d PHGR Abschliss in dr drei Kantonssprooche: Dytsch, Italieenisch un Rätoromaanisch.
Uusbildig[ändere | Quälltäxt bearbeite]
Di pedagoogisch Grunduusbildig zur Lehrperson fir d Primarschuel un d Chinderschuelk doht drei Johr un schließt mit em Bachelor ab. D Uusbildig an dr PHGR isch stark beruefsbezooge. Im eerschte un dritte Stuudiejohr laischte Studänte*ne Praxisyysetz in Schuelklasse uf verschiidene Zyylstapfle.
Wyterbildig[ändere | Quälltäxt bearbeite]
D Abdailig Wyterbildig bietet fakultatiivi Kiirs fir Lehrpersoonen an. Doderzue gheere Zertifikaats- un Masterstuudiegäng fir Zuesatzqualifikazioone (Schuellaitig, schuelischi Hailpedagoogik) un Sproochkumpetänze. Im Udtraagsverhältnis vu Kanteen oder Gmaine wääre Wyterbildige fir Lehrpersoone un Schuelbeheerdemitgliider realisiert.
Foorschig un Dienschtlaischtige[ändere | Quälltäxt bearbeite]
D Abdailig Foorschig un Entwicklig spezialisiert si uf d Beraich Schuelentwicklig un Meesproochigkait. Zurzyt schafft s an Projäkte zue dr Meesproochigkait un bilinguaalem Unterriicht, Schuelentwicklig in peripheere alpiine Ryym un Bildig fir noohaltigi Entwicklig im Beraich Umwält un Tächnik.
Sproochezäntrum[ändere | Quälltäxt bearbeite]
D Staabsstell Sprooche het linguistischi un Berootigs-Ufgaabe fir d Schuellaitig un Studänte*ne. Si schafft äng mit em Ressort Meesproochigkait zämme.
Gschiicht[ändere | Quälltäxt bearbeite]
D Bündner Frauenschule isch anne 1895 vu dr Gemeinnützigen Gesellschaft des Kantons Graubünden as Chochschuel grindet woore. Anne 1902 het si ire aige Huus as Huushaltigs- un Frauenaarbetsschuel an dr Loëstrasse chenne böue.
D Seminaarabdailig mit dr Lehrerneuusbildig fir Handaarbet isch anne 1917 un diejeenig fir Huuswiirtschaft anne 1921 derzuechuu. Ab 1926 sin Wääbkiirs fir Haimarbaiterne aabote woore, wu vu 1933 bis 1942 z Andeer wytergfiert woore sin. D Lehrwäärchstätt fir Daameschnyyderne isch 1930 entstande un im nämlige Johr isch d Zentralstelle für Heimarbeit aagliideret woore, wu 1939 s «Bündner Heimatwerk» durs fiirigangen isch. Di eerscht Beruefsberootigsstell fir Maidli het 1934 iri Aarbet ufgnuu.
Uf Wunsch vu dr Bündner Hotellerie isch 1935 z Bever un vu 1942 bis 1966 z Khuur e Uusbildig fir Chechene aabote woor. Glyychzytig het me mit Yyfierigskiirs fir dr Huusdienscht aagfange. Di eerscht Huuspfläägerneschuel (doodmool Haimpfläägerneschuel) vu dr Schwyz isch 1946 im Kantoon Graubünden ufgmacht woore. S 1919 grindet, privaat Chindergäärtnerneseminaar z Chlooschter-Aeuja isch anne 1947 zur Fraueschuel chuu, wu s hätt solle zuegmacht wääre.[4]
D Voorschuel fir Beruef im Gsundhaitswääse (doodmool Voorschuel fir Pfläägeberuef) het anne 1968 chenne aagliideret wääre. Im nämlige Johr hat dr Kantoon Graubünde d Bündner Fraueschuel ibernuu. 1980 het s Bündner Volk e Neiböuprojäkt fir d Fraueschuel gnäämigt, wu vum Architäkt Robert Obrist blaant fir 14 bis 16 Klasse an dr Scalärastrasse böue wooren isch.
Anne 1983 sin d Fraueschuel vu dr Loëstrasse, s Chindergäärtnerneseminaar vum Chlooschter, s Seminari da mussadras vu dr Lia Rumantscha un dr nei Uusbildigszuug Magistrale per educatrici di scuola dell’infanzia fir di italieenischsproochige Chindergäärtnerne in s nei Gebei yyzooge. 1994 het me in e Erwyterigsböu mit 23 Klasse chenne yyzie.[5]
Am 24. Septämber 2010 isch e Neiböu mit zwee Voorlääsigssääle un ere Mediothek ufgmacht woore.
Bilder[ändere | Quälltäxt bearbeite]
-
Logo -
Aasiicht vu Nordweschte
Weblink[ändere | Quälltäxt bearbeite]
Commons: Pädagogische Hochschule Graubünden – Sammlig vo MultimediadateieFueßnote[ändere | Quälltäxt bearbeite]
- ↑ Mitglieder. In: www.swissuniversities.ch. swissuniversities, 2019, abgruefen am 31. August 2019.
- ↑ 49 — Bündner Frauenschule, Chur : 52 Beste Bauten Graubünden. Abgruefen am 18. Februar 2021.
- ↑ Neubau Mediothek und Hörsäle, Pädagogische Hochschule Graubünden Horváth Pablo. Abgruefen am 18. Februar 2021 (niderländisch).
- ↑ Christine Zulauf: 50 Jahre Bündner Frauenschule. In: Bündner Jahrbuch, Zeitschrift für Kunst, Kultur und Geschichte Graubündens. Band 2, 1946.
- ↑ Verena Fankhauser, Bruno Peyer: Die Bündner LehrerInnenbildungsstätten. Institutionen mit Tradition und Zukunft. Bündner Schulblatt. 56, 1996-1997
| Staatlichi Universitete |
Universitet Baasel • Universitet Bärn • Universitet Fryburg • Universitet Gämf • Università della Svizzera italiana • Universitet Lausanne • Universitet Lozärn • Universitet Nöieburg • Universitet Sanggale • Universitet Züri |
 |
| Technische Hochschulen | ||
| Fachhochschuele |
Bärner Fachhochschuel • Fachhochschuel Graubünde • Fachhochschuel Les Roches-Gruyère • Hochschuel Lozärn • Fachhochschuel Nordweschtwyz • Fachhochschuel Oschtschwyz • Scuola universitaria professionale della Svizzera italiana • Fachhochschuel Weschtschwyz • Zürcher Fachhochschuel • Kalaidos Fachhochschuel | |
| Pedagogischi Hochschuele |
HEP BEJUNE • PH Bärn • PH Fryburg • PH Graubünde • SUPSI DFA • PH Lozärn • FH Nordweschtschyz PH • SHL Rorschach • PH Schaffuuse • PH Schwyz • PH Sanggale • PH Thurgau • HEP Vaud • PH Wallis • PH Zug • HfH • PH Züri |
|
Dä Artikel basiert uff ere fräie Übersetzig vu dere Version vum Artikel „Pädagogische_Hochschule_Graubünden“ vu de dütsche Wikipedia. E Liste vu de Autore un Versione isch do z finde. |