D Muusig-Akademii vo dr Stadt Basel

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Vorlage:Infobox Hochschule/Logo fehltVorlage:Infobox Hochschule/Studenten fehltVorlage:Infobox Hochschule/Mitarbeiter fehltVorlage:Infobox Hochschule/Professoren fehlt
Musik-Akademie der Stadt Basel
Gründig 8. Februar 1867
Drägerschaft staatlig
Ort Basel, Schwiiz
Räkter André Baltensperger
Websiite www.musik-akademie.ch
Dialäkt: Baseldütsch

D Muusig-Akademii vo dr Stadt Basel, churz MAB, isch e Muusighochschuel, wo us vier Institut bestoht und Deil vo dr Fachhochschuel Nordwestschwiiz isch. Si befindet sich im Vorstedt-Quardier vo dr Stadt Basel.

Am Aafang vo dr MAB isch d Gründig vo dr Allgemeine Muusigschuel am 8. Februar 1867 gstande, won e Initiative vom Basler Waisevaters Johann Jakob Schäublin-Vögtlin und dr Gsellschaft für s Gueteund Gmeinnützige Basel gsi isch.

D Muusig-Akademii vo dr Stadt Basel, d Schuel an dr Lienerdstrooss

Dr erst Diräkter isch dr Selmar Bagge in de Johr 1868 bis 1896 gsi, denn het dr Komponist Hans Huber die Allgemeini Muusigschuel vo 1896 bis 1918 künstlerisch gleitet, und für s Administrative isch dr Heinrich Zickendraht verantwortlig gsi. Dr Hans Hueber het usserdäm im Johr 1905 d Hochschuel für Muusig as Konservatorium gründet, s erste vo siiner Art in dr dütschsproochige Schwiiz.

1903 het dr Fritz Stehlin zämme mit em Emanuel La Roche s Geböid vo dr Muusigschuel an dr Lienerdstrooss 6 baut. Es gältet hüte as e Baasler Kulturguet, wo für d Region vo Bedütig isch.

1954 isch d Schola Cantorum Basiliensis, wo 1933 vom Paul Sacher gründet worden isch, mit dr Allgemeine Muusigschuel und dr Hochschuel für Muusig vereinigt worde. Alli drei Institut bilde sithär zsämme d Muusig-Akademii vo dr Stadt Basel. Im Johr 2001 si die Musikalische Grundkürs as vierts Institut drzuechoo. Sit 2008 ghört d Muusig-Akademii vo dr Stadt Basel zur Fachhochschuel Nordwestschwiiz.


Weblingg[ändere | Quälltäxt bearbeite]

47.5552055555567.5859861111111Koordinaten: 47° 33′ 19″ N, 7° 35′ 10″ O; CH1903: 611092 / 267176