D Uniwersidäät Gämf

Universidäät Gämf; Université de Genève
Gründig	1559 as Académie de Genève; sit 1873 Université de Genève
Drägerschaft	staatlig (kantonal)
Ort	Gämf, Schwiz
Räkter	Jean-Dominique Vassalli
Studänt*ene	13'379 (2008)
Mitarbeiter*ne	5'250 (2008)
drvo Profässer*ne	762
Netzwärch	Coimbra-Gruppe, LERU, Triangle Azur
Website	www.unige.ch

D Uniwersidäät Gämf (franzöösisch Université de Genève) isch e Volluniwersidäät und isch 1559 vom Johannes Calvin as theologischi und humanistischi Académie de Genève gründet worde. Wo ane 1873 ä medizinischi Fakultäät iigrichdet worde isch, het d Hochschuel dr Status und Naame von ere Uniwersidäät überchoo. D Uniwersidäät Gämf het ä bräits Studium- und Forschigsaagebot.

Gschicht

Am Aafang het mä an dr Académie de Genève vor allem Theologii und humanistischi Fächer gleert. Im 16. und 17. Joorhundert het si e groossi internazionali Usstraalig ghaa; zu sällere Zit het Gämf as «protestantischs Rom» gulte. Im 18. Joorhundert si nöiji Fächer drzuechoo, bsundrigs Naturwüsseschafte. 1873 isch d Akademii formell zun ere Uniwersidäät worde.

D Organisazion

D Uniwersidäät Gämf isch organisiert in siibe Fakultäate (Naturwüsseschafte, Medizin, Rächtswüsseschafte, Gäisteswüsseschafte, Wirtschafts- und Sozialwüsseschafte, Psüchologii und Erziejigswüsseschafte, Protestantischi Theologii), und si het en Übersetzigschuel, en Instidut für Öiropawüsseschafte (Institut Européen de l’Université de Genève, IEUG) und anderi autonomi Instidut: S Gämfer Hochschuelinstidut für internazionali Studie (IUHEI), s Instidut für d Studie vo der Entwicklig Institut universitaire d’études du développement (IUED) und s Instidut für Ökumenischi Theologii Institut Oecuménique de Bossey.

E Sekzion, spööter en äigeständigs Instidut für Archidektur het s sit 1942 gee. Zletscht het mä dört noch em (externe) Grundstudium s Hauptstudium chönne absolviere. Bis s Instidut 2007 abgwigglet worde isch, isch s – näbe de Hochschuele Lausanne, Züüri und Mendrisio – äine vo vier Standort vo dr uniwersitäre Archidekturleer in dr Schwiz gsi.^[1]

Partneruniwersidääte

D Uniwersidäät Gäf bietet gmäinsami Masterstudiegäng mit dene Schwizer Uniwersidääte:

Uniwersidäät Lausanne (Université de Lausanne [UNIL])
Uniwersidäät Baasel (Université de Bâle)
Uniwersidäät Nöieburg (Université de Neuchâtel [UniNE])

Usserdäm wird e gmäinsame MBA-Studiegang mit dr Georgetown University in Washington, D.C. i de Veräinigti Staate aabote.

Statistik

Im Summersemester 2014 het d Uniwersidäät 16'400 Studänte gha (61 Brozänt Fraue, 34 Brozänt Usländer), 4295 Aagstellti (11 Brozänt Brofässer und 53 Brozänt anderi Mitarbäiter, wo in dr Leer und Forschig beschäftigt si.)

Ranking

S renommierte amerikanische Magazin Newsweek het d Unieersidäät 2006 in ihrem Ranking as drittbesti kontinentalöiropäischi «Global University» iigstueft (Blatz 28 wältwit), hinder de Äidgenössische Hochschuele Züüri (Blatz 18) und Lausanne (Blatz 23).

Noch de Times Higher World University Rankings vo 2014/2015 isch d Uniwersidäät Gämf uf Blatz 107 vo alne Hochschuele in dr ganze Wält gsi.

Weblinggs

Commons: Uniwersidäät Gämf – Sammlig vo Multimediadateie

Fuessnoote

↑ Martin Boesch, Alain Léveillé: Adieu Institut d’Architecture. In: Hochparterre: Zeitschrift für Architektur und Design. Band 20, Nr. 10, 2007, S. 38 f., doi:10.5169/seals-123273.

Hochschuele i de Schwyz


Staatlichi Universitete	Universitet Baasel • Universitet Bärn • Universitet Fryburg • Universitet Gämf • Università della Svizzera italiana • Universitet Lausanne • Universitet Lozärn • Universitet Nöieburg • Universitet Sanggale • Universitet Züri
Technische Hochschulen	École polytechnique fédérale de Lausanne • ETH Züri
Fachhochschuele	Bärner Fachhochschuel • Fachhochschuel Graubünde • Fachhochschuel Les Roches-Gruyère • Hochschuel Lozärn • Fachhochschuel Nordweschtwyz • Fachhochschuel Oschtschwyz • Scuola universitaria professionale della Svizzera italiana • Fachhochschuel Weschtschwyz • Zürcher Fachhochschuel • Kalaidos Fachhochschuel
Pedagogischi Hochschuele	HEP BEJUNE • PH Bärn • PH Fryburg • PH Graubünde • SUPSI DFA • PH Lozärn • FH Nordweschtschyz PH • SHL Rorschach • PH Schaffuuse • PH Schwyz • PH Sanggale • PH Thurgau • HEP Vaud • PH Wallis • PH Zug • HfH • PH Züri

Dä Artikel basiert uff ere fräie Übersetzig vum Artikel „Universität_Genf“ vu de dütsche Wikipedia. E Liste vu de Autore un Versione isch do z finde.

46.1988866.144485Koordinate: 46° 11′ 56″ N, 6° 8′ 40,1″ O; CH1903: 500105 / 117206

[1] Martin Boesch, Alain Léveillé: Adieu Institut d’Architecture. In: Hochparterre: Zeitschrift für Architektur und Design. Band 20, Nr. 10, 2007, S. 38 f., doi:10.5169/seals-123273.

[1]