Diözese

Us der alemannische Wikipedia, der freie Dialäkt-Enzyklopedy

E Diözese, me sait au Bistum, isch es begränzts Gebiet, wo vome Bischof und sine Lüt glaited werd.

D Gebiet vo de ehemolige Diözesene Konstanz, Strossburg, Spayer, Worms usw.

Begriff[ändere | Quälltäxt bearbeite]

S Wort Diözese chunt us de Zyt vo de Römer. S Römische Riich isch i verschidnigi Gebiet uuftailt gsii, wo Dioecesis ghaisse händ. S Wort Bistum, wo vorallem im dütschsproochige Gebiet bruucht werd, verwyst uf de Laiter vo dem Gebiet hii, em Bischof. En alti Bezaichnig z Dütschland för e Diözese isch Sprengel oder Kirch(en)sprengel[1].

Struktur[ändere | Quälltäxt bearbeite]

Die Form vo de Gebietsuuftailig wird nöd nu i de Römisch-katholische Cherche bruucht. Me kännt die Strukture au i de Orthodoxe Cherchene, i de anglikanische Cherche, i de methodistische Cherche, bi de Altkatholike und bime Tail vo de Lutheraner. D Gränze vonere Diözese halted sich a di politische Strukture. So bestoot zum Bischpil e Bistum i de Schwiz us aim oder us merere Kantön. Wänn sich di politisch Struktur änderet, cha sich au e Diözese uflööse oder uftaile.

Römisch-katholischi Cherche[ändere | Quälltäxt bearbeite]

Jedi Diözese isch en Tail vo de ganze römisch-katholische Wältcherche. För d Errichtig vonere nöie Diözese isch de Papst zueständig. Maischtens sind e paar Diözesene uns de Region zunere Chercheprovinz zämegfasst. De Vorsteher vomene söttige Verbund isch en Erzbischof, wo sälber enere Diözese vorstoot, em Erzbistum. Es git aber au Diözesene, wo diräkt em Apostolische Stuel, em Papst understönd. Alli Diözesene i de Schwiz, s Erzbistum Vaduz und s Erzbistum Strossburg sind sogenannti exempti oder immediati Diözesene.

Jedi Diözese muess i Pfarreie undertail sii. Die widerum chönd i Seelsorgeainhaite zämeschaffe und sind mängmol i Dekanat zämegfasst.

De Name vom Bistum isch immer (mit Uusnam vom Bistum Basel) d Stadt, wo de (Wohn-) Sitz vom Bischof isch. De Hauptcherche i däre Stadt sait me dänn Kathedrale (vom latinische Wort cathedra för Sitz). Wänns i grosse Diözesene näbed em Bischof no en Waibischof hät und de säb inere andere Stadt wohnt, so git das em Bistum en Doppelname.

Diözesene (Uuswaal)[ändere | Quälltäxt bearbeite]

Im Alemannische Ruum und Umgebig gits folgendi Diözesene:

Fuessnoote[ändere | Quälltäxt bearbeite]

  1. Kirchsprengel. Deutsches Wörterbuch vom Jacob Grimm und em Wilhelm Grimm. Band 11, Spalte 826. abgruefe am 22. Februar 2013