Bovernier

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Bovernier
Wappe vo Bovernier
Basisdate
Staat: Schwiiz
Kanton: Wallis (VS)
Bezirk: Martignyw
BFS-Nr.: 6131i1f3f4
Poschtleitzahl: 1932
Koordinate: 572719 / 10333846.0817.086613Koordinaten: 46° 4′ 52″ N, 7° 5′ 10″ O; CH1903: 572719 / 103338
Höchi: 613 m ü. M.
Flächi: 12.9 km²
Iiwohner: 911 (31. Dezämber 2017)[1]
Website: www.bovernier.ch
Charte
Lac de SalanfeLac d’ÉmossonLac du Vieux ÉmossonLac de ChampexLac de FullyLac InférieurLac des VauxLac de CleusonLac du Grand DésertLac de LouvieFrankriichFrankriichKanton WaadtBezirk ContheyBezirk EntremontBezirk MontheyBezirk Saint-MauriceBezirk SidersBezirk SitteBovernierCharratFullyIsérablesLeytronMartinachMartigny-CombeRiddesSaillonSaillonSaxon VSTrient VSCharte vo Bovernier
Iber des Bild
ww

Birnier, offiziell uf Französisch Bovernier (fp. [a bwɛrˈɲe]), isch e Munizipalgmeind vom Bezirk Martinach im Wallis.

Geografii[ändere | Quälltäxt bearbeite]

D Gmeind mid de beide Dörfer Bovernier und Les Valettes lyt südlech vo Martinach im Taal vo dr Dranse und am Afang vom Entremont. Dur d Ortschaft goot d Strooss ufe Gross Sankt Bernhard.

Uf beide Syte vom änge, stotzige Taal sind steili Bärghäng. Im Norde goots vom Dorfzäntrum, wo uf 613 Meter über Meer isch, 500 Meter obsi bis as Dorf Chemin-Dessus, wo zu Martinach ghört, im Südoschte 1800 Meter bis zum Nordgrat vom Catogne, und gäge Süde durs Taal vom Bärgbach Durnand ufe zum Bärgmassiiv mid em Six Carro (2826 m).

D Nochbergmeinde vo Bovernier sind Martinach, Vollèges, Sembrancher, Ursere und Martigny-Combe.

Gschicht[ändere | Quälltäxt bearbeite]

Dr Name vom Dorf isch s erschte Mol in ere gschichtleche Kwelle us em Joor 1228 i dr latynische Form «Burgus Warnerius» erwäänt.

Sid em 15. Joorhundert het Bovernier e Chappelle mit em Patrozinium vom heilige Theodul gha.

Ane 1910 isch d Ysebaan, wo is Bangistaal ine goot, uf Bovernier cho.

Iwoner[ändere | Quälltäxt bearbeite]

Quella: Bundesamt für Statistik 2005[2]

Jaar 1850 1860 1870 1880 1888 1900 1910 1920
Iwoner 300 373 386 410 423 476 482 493
Jaar 1930 1941 1950 1960 1970 1980 1990 2000
Iwoner 500 540 557 599 616 607 720 733

Dr Üsländeraateil ischt 2010 bi 7,6 % glägu.[3]

Religion[ändere | Quälltäxt bearbeite]

92,4 % vannu Iwonru sint im Jaar 2000 remisch-katholischi gsii, 2,9 % evangelisch-reformierti.[3]

Politik[ändere | Quälltäxt bearbeite]

Dr Ggmeindspresident va Bovernier ischt dr Marcel Gay (Stant Oktober 2017).

Spraach und Tialäkt[ändere | Quälltäxt bearbeite]

Bi dr Volchszellig 2000 heint vannu 733 Iwonru 98 % Franzeesisch als Höiptspraach aagigää, 0,3 % Titsch, 0,1 % Talienisch und 1,6 % anneri Spraache.[3]

Dr tradizionäll Tialäkt va Bovernier gcheert zum Frankoprovenzalisch.

Literatüür[ändere | Quälltäxt bearbeite]

  • Michel Détraz: Bovernier. Au fil du temps. Cronique historique. Comune de Bovernier, Bovernier 2009. 263 S. Ill.

Weblink[ändere | Quälltäxt bearbeite]

 Commons: Bovernier – Sammlig vo Multimediadateie

Fuessnoote[ändere | Quälltäxt bearbeite]

  1. Ständige und nichtständige Wohnbevölkerung nach Jahr, Kanton, Bezirk, Gemeinde, Bevölkerungstyp und Geschlecht (Ständige Wohnbevölkerung). In: bfs.admin.ch. Bundesamt für Statistik (BFS), 2018-08-31. Abgrüeft am 2018-09-30.
  2. Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch, Date im Aahang)
  3. 3,0 3,1 3,2 Bundesamt für Statistik: Regionalporträts 2012: Kennzahlen aller Gemeinden, Mai 2012