Belgrad

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Vorlage:Infobox Ort/Wartung/ISO

Belgrad
Belgrad (Serbien)
Belgrad
Belgrad
Symbol
Wappe
Wappe
Basisdate
Staat Serbien
Republik [[Serbien|]]
Bezirk Belgrad
Höchi 131 m
Flechi 360 km²
Iiwohner 1.233.796 (2015)
Dichti 3.427,2 Iiwooner/km²
ISO 3166-2 RS-00
Webuftritt www.beograd.rs
Belgrad
Belgrad

44.82055555555620.462222222222Koordinaten: 44° 49′ N, 20° 28′ O

Belgrad (kyrillisch Београд, Beograd, uf Dütsch „wyssi Stadt“) isch d Houptstadt vo dr Republik Serbie.

Geografii[ändere | Quälltäxt bearbeite]

Belgrad liit im Norde vo dr Balkanhalbinsle bi dr Mündig vo dr Save i d Donau. D Stadt het uf irem Areaal zää Deilgmeinde (Čukarica, Novi Beograd, Palilula, Rakovica, Savski venac, Stari Grad, Voždovac, Vračar, Zemun, Zvezdara) und sibe Vorstadtgmeinde (Barajevo, Grocka, Lazarevac, Mladenovac, Obrenovac, Sopot, Surčin), wo alli zäme dr Bezirk Belgrad bilde. Uf emene Hügel über dr Donau stoot di alti Feschtig vo Belgrad. Uf dr andere Syte vo dr Donau liit d Stadt Neu-Belgrad (Novi Beograd).

Gschicht[ändere | Quälltäxt bearbeite]

I dr Röömerzyt isch a dr Stell vom hütige Belgrad d Stadt Singidunum gstande.[1]

Dr Name Beograd chunt s erschte Mool ane 878 im ene Brief vor, wo dr Papscht Johannes VIII. em Aafüerer vo de Bulgare gschribe het. Ane 1153 händ d Byzantiner d Stadtmuure wider verbesseret. Dr erscht König vo de Serbe, wo z Belgrad regiert het, isch am Ändi vom 13. Joorhundert dr Stefan Dragutin gsi. Wo d Serbe de Osmane ane 1389 im Kampf uf em Amslefäld underläge sind, isch ires nöi Herrschaftszäntrum mid dr Zyt a d Donau entstande. Dr Stefan Lazarević (1389–1427) het vom byzantinische Kaiser Manuel II. dr Titel Despot übercho und het z Belgrad praktisch unabhängig chönne regiere.

Ane 1521 händ d Osmane Belgrad eroberet. I vilne Chriege uf em Balkan im 17., 18. und 19. Joorhundert het d Stadt e strateegischi Schlüsselrolle gspiilt, und si isch immer wider agriffe und eroberet worde. Ane 1815 het en Volchsuufstand derzue gfüert, aa d Serbe es eigets Fürschetuum händ chönne bilde. Uf dr Burg vo Belgrad isch aber no bis ane 1867 e osmanischi Bsatzig blibe.

Noch em Erschte Wältchrieg isch d Stadt s Zäntrum vom Königrych Jugoslawie und sid 1945 vo der Sozialistische Föderative Republik Jugoslawie gsi. D Jugoslawe händ d Vorherrschaft vo dr Sowjetunion abgleent und wäret em Chalte Chrieg e füerendi Rolle i dr Gruppe vo de blockfreje Schtaate gspiilt. So isch Belgrad e Zyt lang en wältwyt bedütende politische Ort gsi. Ane 1991 isch d Bundesrepublik Jugoslawie bildet worde. Us däre isch noch em Kosovochrieg, wo derzue gfüert het, ass dr Kosovo unabhängig worden isch, ane 1999 d Staateunion vo Serbie und Montenegro useggange, wo au wider Belgrad als Houptstadt gha het; wo sech ane 2006 Montenegro vo däm Gebilde glöst het, isch d Republik vo Serbie entstande; vo dere isch Belgrad hüt d Houptstadt.

Weblink[ändere | Quälltäxt bearbeite]

 Commons: Belgrad – Sammlig vo Multimediadateie

Fueßnote[ändere | Quälltäxt bearbeite]

  1. Pierre Cabanes: Singidunum. In: Der Neue Pauly (DNP). Band 11, Schtuegert 2001, Sp. 583.