Aarbärg
| Aarberg | |
|---|---|
 | |
| Basisdate | |
| Staat: | Schwiiz |
| Kanton: | Bärn (BE) |
| Verwautigschreis: | Seeland |
| BFS-Nr.: | 0301 |
| Poschtleitzahl: | 3270 |
| UN/LOCODE: | CH ABG |
| Koordinate: | 587672 / 210547 |
| Höchi: | 455 m ü. M. |
| Flächi: | 7,93 km² |
| Iiwohner: | 4600 (31. Dezämber 2021)[1] |
| Website: | www.aarberg.ch |
 Aarberg: Schloss | |
| Charte | |
 | |
Aarbärg isch äs chlisäs Stedtli u ä Ywohnergemeind im Seeland. Es ligt zwüschä Biel und Bärn.
Überblick[ändere | Quälltäxt bearbeite]
Aarbärg het öppä 4000 Iwohner. Ds Stadt- und Märiträcht het Aarbärg no usäm Mittuauter. Wägä dr Brügg über d Aarä isch äs früächer ä wichtigä Vercherspunkt gsi, nämläch dr einzig Aaräübergang zwüschä Bärn und Bürä. No hüt steit eini vo dä beidä autä Houzbrüggä. Diä angeri isch einisch iigschtürzt, wo äs dschwärs Sauzfuärwärk drübergfahrä isch. Vor dr Juragwässerkorrektion isch Aarbärg no ä Inslä ir Aarä gsi. Hüt fliässt numä no ds Autä Äärli unger dr Houzbrügg dürä. Im Summer 2005 isch dä Flusslouf renaturiert wordä.
Ds Aarbärg steit ou no d Zuckerfabrik und ä schöni Badi. Ds Wasserchraftwärk Aarbärg liferet Strom für d Region.
Mit äm Zug oder äm Poschi isch mä i 30 Minutä in Bärn oder Biel.
D Nachbergmeinde si Barge, Chappele, Lyss, Seedorf und Radelfinge. Zu Aarbärg ghört no dr chly Wiler Spins.
Ywohnerentwicklig[ändere | Quälltäxt bearbeite]
| Johr | Iwohner |
|---|---|
| 1764 | 440 |
| 1850 | 993 |
| 1900 | 1372 |
| 1950 | 2126 |
| 1990 | 3414 |
| 2002 | 3910 |
| 2004 | 3946 |
| 2005 | 4026 |
Politik[ändere | Quälltäxt bearbeite]
Bi dä Nationalratswahlä 2019 het Aarbärg so abstummä:[2] SVP 33,7 %, SP 14,8 %, BDP 12,2 %, FDP 9,9 %, glp 9,9 %, GPS 10,5 %, EVP 3,8 %, EDU 1,3 %, CVP 0,8 %.
Gmeindpräsidänt isch dr Adrian Hügli (SVP) (Stang 2021)
Persönlichkeite[ändere | Quälltäxt bearbeite]
- Theodor Gohl, Architekt
- Kurt Wüthrich, Chemiker, Professor fer Biophysik
- Martin Laciga, Beachvolleyballspiiler
Weblink[ändere | Quälltäxt bearbeite]
Commons: Aarbärg – Sammlig vo Multimediadateie- Offizielle Internet-Uftritt vu dr Gmeind Aarberg
- Anne-Marie Dubler: Aarberg In: Historisches Lexikon vo dr Schwiiz.
Fuessnote[ändere | Quälltäxt bearbeite]
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 17. November 2022
- ↑ Resultate der Gemeinde Aarberg. Staatskanzlei des Kantons Bern, 20. Oktober 2019
Aarberg derf ner nit verwexsle mit dr dytschen Stadt Aarberge.
