Niderländischi Fuessballnationalmannschaft

Us der alemannische Wikipedia, der freie Dialäkt-Enzyklopedy
Niederlande
Nederland
S Logo vom Niederländische Fuessballverband
Spitznäme Oranje
Verband Koninklijke Nederlandse Voetbal Bond
Konföderation UEFA
Technische Sponsor Nike
Trainer Louis van Gaal
Co-Trainer Danny Blind, Patrick Kluivert
Kapitän Robin van Persie
Rekordtorschütz Robin van Persie (36)
Rekordspiiler Edwin van der Sar (130)
FIFA-Code NED
FIFA-Rang 14. (1604 Pünkt)
(Stand: 11. Juni 2020)[1]
Erstes Trikot
Zweites Trikot
Bilanz
689 Spiil
338 Siig
155 Unentschiide
196 Niiderlage
Statistik
Erschts Länderspiil
BelgienBelgien Belgie Belgie 1:4 Niederlande NiederlandeNiederlande Niiderlande
(Antwerpe, Belgie; 30. April 1905)
Höchste Siig
NiederlandeNiederlande Niiderlande Niederlande 9:0 Norwäge Flagge NorwegensNOR
(Rotterdam, Niederlande; 1. November 1972)
Höchsti Niiderlag
NiederlandeNiederlande Niiderlande Niederlande 2:12 England (Amateure) EnglandEngland Ängland
(Den Haag, Niederlande; 1. April 1907)
Erfolg bi Turnier
Weltmeisterschaft
Endrundenteilnahmen 9 (Ersti: 1934)
Besti Ergebnis Zweiter Platz 1974, 1978
Europameisterschaft
Endrundeteilnahme 8 (Erste: 1976)
Besti Ergebnis Europameister 1988
Olympischi Spiil

Bronze 1908
Bronze 1912
Bronze 1920
(Stand: 18. Juni 2014)

Di niderländischi Fuessballnationalmannschaft (ndl.: Nederlands Elftal) isch d Uswahl vo de niderländische Spiler, wo für irs Land bi Länderspiil aaträte. De erschti Match het di Mannschaft im 1905i gäge Belgie gha und wird vom niderländische Tschuttiverband organissirt, em Koninklijke Nederlandse Voetbal Bond, was uf alemannisch Königlich Niderländische Fuessballbund heisst. Di gröschte Erfolg vo de Mannschaft sind de Europameischtetitel im 1988 und di drei Vizewältmeischtertschafte im 1974, 1978 und im 2010 gsi. Au het d Mannschaft drü Mol d Bronzemedaille bi olymische Spiil gwunne, im 1908, im 1912 und im 1920. Sit em 1907 tschuttet di niderländischi Nationalmannschaft in orangne Libli und wil au s niderländischi Königshuus Oranie-Nassau di Farb im Name het, heisst d Mannschaft au Oranje elftal oder kurz Oranje gnennt.

Gschicht[ändere | Quälltäxt bearbeite]

Vor em Erschte Wältchrieg[ändere | Quälltäxt bearbeite]

Aafäng vo internationale Fuessballbezihige[ändere | Quälltäxt bearbeite]

Am Aafang hei d Niderländer bsunder „Bruederduell“ mit de Belgier gschpilt. Scho im 1890 het's erschti Kontäkt gäh. Am 30. März het s erschti mol en belgischi Mannschaft, de FC Antwerpe, wo vo Änglener gründt worde-n-isch und au fascht numme änglischi Spiler het gha, gäge e niderländischi Mannschaft gschpilt. Des isch Concordia Rotterdam gsi und de Match het z Rotterdam schtatgfunde. Im 1891 hets es Rückspiil gäh, wo de spöteri niderländischi Inne- und Landwirtschaftsminischter, de Jan Kan mitgschpilt het. VO ihm isch es Zitat überliifert wo zeigt, dass d Gsälligkeit in dere Zit no vil wichtiger gsi isch, wi de Match sälber:

„Wo mir am Morge am Spiilort aacho sind, do isch scho es Ehrebiir parat gsi. Dann het's en oppulente Lunch gäh, wider mit e Huufe Biir. Erscht gäge di 3 het de Match aagfange und mir numme no 9 Mann uf s Fäld brocht. Mir hei es Unentschide erreicht - vermuetlich numme, wil di gägnerische Spiler no me Gerschtesaft trunke hei wi mir.[2]

S het dann witeri Match zwüsche belgische und niderländische Mannschafte gäh, aber au gäge britischi. Bsunders Sparta Rotterdam het do wichtigi Pioniirarbet gleischtet. Scho im 1889i isch de Niderländischi Fuessbalverband gründt worde. Scho füf Johr schpöter hets dann erschti internationali Match gäh, meischt gäge änglischi Teams, au gäge Dorfclüb wi Saxmundham, wo gäge di niderländischi Uswahl 9:2 gwunne het.

Ersti offizielli Länderschpiil[ändere | Quälltäxt bearbeite]

Di erschti niderländischi Nationalmannschaft vo 1905i vor em Match gäge Belgie

Bi de Gründig vo de FIFA im 1904i het de niderländisch Verband zu de Gründer ghört. Am 30. Aprile 1905 het d Mannschaft dann ihre erschte offizielle Match gha. Gäge Belgie hets d Uswahl z Antwerpe 1:4 n.V. gwunne Im 1905 und im 1906 hets dann noch drei witeri Spiil gäge Belgie gäh und dann am 1. Aprile 1907 de erschti Match gäge s „Muetterland“ vom Fuessball, gäge Ängland, den d Niderländer höch verlore hei. D Mannschaft het dann noch zweimol gäge Begie verlore, bevor es am 21. Dezember 1907 z Darlingtin e Revanche gäge Ängland gäh het. Bi dem Match hei d Niderländer s erschti mol „oranje“ trait. Obwohl de Match 2:12 genndet het, isch oranje d Farb vo de Trikot blibe.

Entwickligshilf vo de Ängländer[ändere | Quälltäxt bearbeite]

D Verband het nach dere Niderlag glueget, dass d Usbildig vo de Spiler verbesseret wird. Me het versuecht s änglischi Trainigssyschtem iizfüüre und het en ehemolige änglische Bruefsschpiler, de Edgar Chadwick, zum Nationaltrainer gmacht. Mit em Chadwick hei d Niderländer im 1908 bi de Olympische Spiil z London d Bronzemedaille gwunne und sind di beschti kontinentaleuopäischi Mannschaft gsi. Im 1910 und im 1912 hets dann au di erschte drü Match gäge di dütschi Nationalmannschaft gäh. Di erschte zwei Match hei d Niderländer gwunne, im dritte het's es Remis gäh. Bi de Olympiade im 1912 z Schwede isch di niderländisch Mannschaft wider dritte worde. Mit em Chadwick als Trainer hei d Niderlande dann erschtmols gäge Ängland chönne gwünne. Am 24. März 1913 het's z Den Haag en 2:1-Siig gäh. Mit em Beginn vom erschte Wältchrieg im 1914 het de internationali Niderländischi Fuessball e füfjährigi Pause müesse mache.

Di erfolgriche 1970er Johr[ändere | Quälltäxt bearbeite]

Di niderländischi Nationalmannschaft vo em WM-Final im 1974

Di beschti Ziite het de niderländisch Fuessball in de 1970er Johr gha. Ajax Amsterdam und Feyenoord Rotterdam sind im Fuessball-Europapokal erfolgriich gsi und des het au Uswirkige uf d Nationalmannschaft gha. Bi de WM z Dütschland im 1974 isch di Mannschaft di spiilschtärkschti gsi und isch au in de Final iizoge, het aber derte gäge Dütschland 2:1 verloore. Au z Argentinie im 1978 hets d Mannschaft bis in de Final gschafft, aber derte gäge de Gaschtgäber 3:1 n.V. verloore.

De einzig Titel: Europameischter im 1988[ändere | Quälltäxt bearbeite]

Nach de „goldige 70er“ isch d Nationalmannschaft im Mittelmaas versunke und het sich für di folgende Wältmeischterschaft nöd chönne qualifiziire. Erscht im 1988i, bi de Europamischterschaft z Dütschland hei d Niderländer wider öppis erreicht: De Titel. Sither het sich d Mannschaft immer für di grosse Turniir chönne qualifiziire, mit de Usnahm vo de WM 2002. Immer wider het s Team zu de Favorite ghört, isch aber e paar Mol bim Penalty-Schüsse usgschide: Bi de EM 1992 im Halbfinal gäge Dänemark, bi de EM 1996 im Viertelfinal gäge Frankriich, bi de WM 1998 im Halbfinal gäge Brasilie und bi de EM 2000 im Halbfinal gegen Italie. Erscht bi de EM 2004 isch d Niderlande ohni es Penalty-Schüsse usgschide, im Halbfinal gäge Portugal. Bi de WM 2006 isch dann im Achtelfinal wider gäge Portugal Schluss gsi. Au bi de EM 2008 het di niderländisch Nationalmannschaft di höche Erwartige enttüscht, wo si im Virtelfinal gäge Russland nach Verlängerig 1:3 verlore het. Bi de WM z Südafrika het d Niderlande zum dritte Mol en Final vo ere WM erreicht. Mit 0:1 hei si sich aber in de Verlängerig müesse Schpanie gschlage gäh und sind dodermit zum dritte Mol Vizewältmeischter worde.

Teilnahme vo de Niderlande an de Fuessball-Weltmeischterschafte[ändere | Quälltäxt bearbeite]

1930 z Uruguay nöd mitgmacht
1934 z Italie Achtelfinal
1938 z Frankriich Achtelfinal
1950 z Brasilie nöd mitgmacht
1954 in de Schwiiz nöd mitgmacht
1958 z Schwede nöd qualifiziirt
1962 z Chile nöd qualifiziirt
1966 z Ängland nöd qualifiziirt
1970 z Mexiko nöd qualifiziirt
1974 z Dütschland Vize-Wältmeischter
1978 z Argentinie Vize-Wältmeischter
1982 z Schpanie nöd qualifiziirt
1986 z Mexiko nöd qualifiziirt
1990 z Italie Achtelfinal
1994 in de USA Viertelfinal
1998 z Frankriich Vierter
2002 z Südkorea/Japan nöd qualifiziirt
2006 z Dütschland Achtelfinal
2010 z Südafrika Vize-Wältmeischter
2014 z Brasilie Dritter
2018 z Russland nöd qualifiziirt

Teilnahm vo de Niderlande an de Fuessball-Europameischterschafte[ändere | Quälltäxt bearbeite]

1960 z Frankriich nöd mitgmacht
1964 z Schpanie nöd qualifiziirt
1968 z Italie nöd qualifiziirt
1972 z Belgie nöd qualifiziirt
1976 z Jugoslawie 3. Platz
1980 z Italie Vorrundi
1984 z Frankriich nöd qualifiziirt
1988 z Dütschland Europameischter
1992 z Schwede Halbfinal
1996 z Ängland Viertelfinal
2000 z Belgie und in de Niderlande Halbfinal
2004 z Portugal Halbfinal
2008 z Öschtriich und in de Schwiiz Viertelfinal
2012 z Pole und i de Ukraine no de Vorrundi uusgschide
2016 z Frankriich nöd qualifiziirt
2021 z Europa Achtelfinal

Rekordschpiler[ändere | Quälltäxt bearbeite]

Iisätz und Goal bi offizielle Match vo de Elftal

Di meischte Iisätz
  1. 130: Edwin van der Sar (1995–2008)
  2. 112: Frank de Boer (1990–2004)
  3. 106: Giovanni van Bronckhorst (1996–2010)
  4. 101: Phillip Cocu (1996–2006)
  5. 089: Rafael van der Vaart (2001–2011*)
  6. 087: Clarence Seedorf (1994–2008)
  7. 086: Marc Overmars (1993-2004)
  8. 084: Aron Winter (1987–2000)
  9. 083: Ruud Krol (1969–1983)
  10. 079: Dennis Bergkamp (1990–2000)
  11. 079: Patrick Kluivert (1994–2004)
  12. 078: Ronald Koeman (1983–1994)
  13. 078: Dirk Kuijt (2004–2011*)
Di meiste Goal
  1. 40: Patrick Kluivert (1994–2004)
  2. 37: Dennis Bergkamp (1990–2000)
  3. 35: Faas Wilkes (1946–1961)
  4. 35: Ruud van Nistelrooy (1998–2011*)
  5. 33: Abe Lenstra (1940–1959)
  6. 33: Johan Cruyff (1966–1977)
  7. 28: Beb Bakhuys (1928–1937)
  8. 26: Kick Smit (1934–1946)
  9. 26: Klaas-Jan Huntelaar (2006–2011*)
  10. 24: Marco van Basten (1983–1992)
  11. 22: Dirk Kuijt (2004–2011*)
  12. 21: Robin van Persie (2005–2011*)
  13. 21: Wesley Sneijder (2003–2011*)

Stand: 8. Juni 2011
*) Spiler ghört zum aktuelle Kader

D Trainer vo de Nationalmannschaft[ändere | Quälltäxt bearbeite]

  • Edgar Chadwick 1908–1914
  • Fred Warburton 1912–1923
  • William Townley 1924
  • Bob Glendenning 1924–1940
  • Karel Kaufman und Otto Bonsema 1940 – 1947
  • Jesse Carver 1. Februar 1947 – 31. August 1948
  • Tom Sneddon 15. Oktober 1948 – 19. Januar 1949
  • Karel Kaufman 19. Januar 1949 – 31. März 1949
  • Jaap van der Leck 1. April 1949 – 30. Juni 1954
  • Karel Kaufman 1. Juli 1954 – 31. Oktober 1954
  • Friedrich Donenfeld 1. November 1954–31. Juli 1955
  • Max Merkel 1. April 1955 – 31. August 1956
  • Friedrich Donenfeld 1. September 1956 – 13. Januar 1957
  • George Hardwick 14. Januar 1957 – 15. Juni 1957
  • Elek Schwartz 16. Juni 1957 – 30. Juni 1964
  • Dennis Neville 1. Juli 1964 – 1. Dezember 1965
  • Georg Kessler 1. Dezember 1965 – 30. Juni 1970
  • Frantisek Fadrhonc 1. Juli 1970 – 1. August 1974
    • Rinus Michels Supervisor zu de WM 1974
  • Georg Knobel 1. Juli 1974 – 10. Juni 1976
  • Jan Zwartkruis 1. Juli 1976 – 12. Januar 1981
    • Ernst Happel Supervisor zu de WM 1978
  • Rob Baan Interimscoach für zwei Spil 1981
  • Kees Rijvers 1. Juli 1981 – 1. November 1984
  • Rinus Michels (zeerscht Technischer Direktor) 1. Juli 1984 – 1. Juli 1985
  • Leo Beenhakker 1. Juli 1985 – 1. Juli 1986
  • Rinus Michels 4. April 1986 – 1. Juli 1988
  • Thijs Libregts 1. Juli 1988 – 1989
  • Leo Beenhakker 1990
  • Rinus Michels 1990–1992
  • Dick Advocaat 1992–1994
  • Guus Hiddink 1994–1998
  • Frank Rijkaard 1998–2000
  • Louis van Gaal 2000–2001
  • Dick Advocaat 2002–2004
  • Marco van Basten 2004–2008
  • Bert van Marwijk 2008–2012
  • Louis van Gaal 2012–2014
  • Guus Hiddink 2014–2015
  • Danny Blind 2015–2017
  • Fred Grim 2017
  • Dick Advocaat 2017
  • Ronald Koeman sit em 23. März 2018

Literatur[ändere | Quälltäxt bearbeite]

  • Johan Derksen et al.: Het Nederlands Elftal 1905–1989. De historie van Oranje. Weekbladpers BV/Voetbal International, Amsterdam 1989, ISBN 90-236-7211-9.

Weblink[ändere | Quälltäxt bearbeite]

Einzelnochwis[ändere | Quälltäxt bearbeite]

  1. Die FIFA/Coca-Cola-Weltrangliste. In: fifa.com. 11. Juni 2020, abgruefen am 14. Juni 2020.
  2. Johan Derksen et al., Het Nederlands Elftal 1905–1989. De historie van Oranje, Weekbladpers BV/Voetbal International, Amsterdam 1989, ISBN 90-236-7211-9, S. 8f.