Fußball-Weltmeisterschaft
Us der alemannische Wikipedia, der freie Dialäkt-Enzyklopedy
D' Fuessball-Weltmeischterschaft isch e Fuessballturnier, wo alli vier Johr stattfindet un vo de FIFA organisiert wird. Es ghört zu de wichtigschte Sportereignis uf de Welt. Die letschti WM isch in Südafrika uustrage worde, gwunne hät Spanie.
Di erschti Fuessball-WM isch 1930 in Uruguay uustrage worde, un s domolige Gaschtgeberland hätt au gli de erschte Titel gwunne. Sither isch s Turnier (mit Uusnahm vo 1942 un 1946, wägen nem Zwote Weltkrieg) alli vier Johr ustrage worde. Rekordtitelträger isch Brasilie, wo fünf Mol gwunne hät, gfolgt vo Italie mit vier Titel.
D' Schwiiz isch eimol, 1954, Usrichter vonere WM gsi, Dütschland isch 2006 s' zweite Mol dra gsi (s' erscht Mol 1974).
Bisherigi Fuessballweltmeischterschafte [ändere]
| Johr | Gaschtgeber | Weltmeischter |
|---|---|---|
| 1930 | Uruguay | Uruguay |
| 1934 | Italie | Italie |
| 1938 | Frankriich | Italie |
| 1950 | Brasilie | Uruguay |
| 1954 | Schwiiz | Dütschland |
| 1958 | Schwede | Brasilie |
| 1962 | Chile | Brasilie |
| 1966 | England | England |
| 1970 | Mexiko | Brasilie |
| 1974 | Dütschland | Dütschland |
| 1978 | Argentinie | Argentinie |
| 1982 | Spanie | Italie |
| 1986 | Mexiko | Argentinie |
| 1990 | Italie | Dütschland |
| 1994 | USA | Brasilie |
| 1998 | Frankriich | Frankriich |
| 2002 | Japan un Südkorea | Brasilie |
| 2006 | Dütschland | Italie |
| 2010 | Südafrika | Spanie |
