Gemeindeverwaltungsverband

E Gmeiverwaltigsverband (GVV) isch in Dütschland e freiwillige Zämmeschluss vu mehrere Gmeindene us em gliiche Landkreis. De Gmeindene übertrage däm Verwaltigsverband verschiedeni Ufgabe. Es chönne zum Biispiel d'Verwaltige zämmeglegt werde, damit mr Geld spare cha. Für d'Bürger us däne Gmeindene sieht des dann so us, daß sie ihri Müllgebührebscheid nümmi usm Rothuus, sondern us de Verbandsverwaltig kriege. D'Gmeiverwaltigsverbänd sin Körperschafte vum öffentliche Recht (aber keini Gebietskörperschafte). Vornedra stoht de Verbandsvorsitzende. D'Mitgliedsgmeindene bhalte aber ihri rechtlichi Selbständigkeit.

In Bade-Württeberg gits no "vereinbarti Verwaltigsgemeinschafte" (VVG). Do duet e Stadt oder e Gmei (erfüllendi Gmei) d'Ufgabe vume GVV überneh. D'Verwaltigsgemeinschaft het kei eigeni Rechtspersönlichkeit. In § 61 vu de Bade-Württebergische Gmeiordnig wird de Umfang vu däne VVG vorgeh, es git aber zwische VGG un GVV keini grundsätzliche Unterschied.

Wo gits sie?

Gmeiverwaltigsverbänd gits in Bade-Württeberg, in Saxe un Saxe-Aahalt, aber in Saxe heisse si "Verwaltigsverbänd" un in Saxe-Aahalt "Verwaltigsgemeinschafte".

Als Biispiel: Verwaltigsgemeinschafte (VVG) un Gemeindeverwaltungsverbänd (GVV) im Landkreis Lörrach

VVG vu de Stadt Chandere mit de Gemeind Malschburg-Marzell
VVG vu de Stadt Lörrach mit de Gemeind Inzlige
VVG vu de Stadt Rhyfelde(Baden) mit de Gemeind Schwörstadt
VVG vu de Gemeind Schlienge mit de Gemeind Bad Bellige
VVG vu de Stadt Schopfheim mit de Gemeindene Hasel, Huuse im Wiesental und Muulburg
VVG vu de Stadt Zell im Wiesetal mit de Gemeind Häg-Ehrsberg
GVV Schönau im Schwarzwald mit Sitz in Schönau im Schwarzwald; Mitgliedsgmeindene: Stadt Schönau im Schwarzwald un d'Gemeinde Aitere, Bölle, Fröhnd, Schöneberg, Tunau, Utzefeld, Wembach un Wieden
GVV Vorderes Chandertal mit Sitz in Binze; Mitgliedsgmeindene: Binze, Eimeldinge, Fischige, Rümmige, Schallbach un Wittlige

Lueg au

Gmei in Dütschland
Gebietskörperschafte: Verbandsgmeinde
Körperschafte vum öffentliche Recht: Amt, Verwaltigsgmeinschaft, Samtgmei

Dä Artikel basiert uff ere fräie Übersetzig vum Artikel „Gemeindeverwaltungsverband“ vu de dütsche Wikipedia. E Liste vu de Autore un Versione isch do z finde.