Bremen (Land)

Us der alemannische Wikipedia, der freie Dialäkt-Enzyklopedy

Hops zue: Navigation, Suech
Breme
Bremen
{{{ARTIKEL-FLAGGE}}}
Karte Berlin Bremen Bremen Hamburg Niedersachsen Bayern Saarland Schleswig-Holstein Schleswig-Holstein Land Brandenburg Sachsen Thüringen Sachsen-Anhalt Mecklenburg-Vorpommern Baden-Württemberg Hessen Nordrhein-Westfalen Rheinland-Pfalz
Iber des Bild

{{{ARTIKEL-WAPPEN}}}
Landeshauptstadt Breme
Flechi 404,28 km² km²
Iiwohnerzahl 662.244 (1. April 2008)
Bevölkerigsdichti 1642 Iiwohner pro km²
Arbetslosequote 12,2 % (Abril 2009)
Schulde 13,4 Mrd. € (31. Dezember 2006)
ISO 3166-2 DE-HB
Kontakt:
Offizielli Websiite: www.sachsen.de
Politik:
Ministerpräsident: Jens Böhrnsen (SPD)
Regierendi Parteie: SPD und Bündnis90/Di Griene
Sitzverteilig im Landtag: SPD 33
CDU 23
Bündnis 90/Di Griene 14
Di Linki 7
FDP 5
parteilos 1
Letsti Wahl: 13. Mai 2007
Parlamentarischi Vertretig:
Stimme im Bundesroot: 3

Brema isch a klenns norddütsches Bundesland un bestoht us der Hansestadt Breme und Bremerhave.

S Rathaus vun Breme


Inhaltsverzeichnis

[ändere] Geografy

[ändere] Lag

S Land Breme bstoht uss zwei Deil, nämlig uss de Städt Breme und Bremerhave. Die beide Teil lyge 53 Kilometer ussenand, nämme insgsamt e Flächi vo 404,28 km² y und stelle dodémit s sechzähntgröschte Land vo Dütschland dar. D Stadt Bremerhave litt diräkt an de Nordsee, d Stadt Breme witer im Innere vom Land.

D Stadt Breme ligt, vo Nydersachse umschlosse, 100 Kilometer westlich vo Hamburg und 120 Kilometer nordwestlich vo Hannover. Bremerhave ligt 115 Kilometer vo Hamburg und 170 vo Hannover eweg.

[ändere] Erhebige

De höchste Berg vom Bundesland Breme isch de Friedehorstpark z Breme-Burglesum. Sy Gipfel isch uff 32,5 Meter über NN. Höcher wie die isch numme de Berg vo de Mülldeponie z Breme mit 49,5 Meter yber NN.

[ändere] Klima

Breme ligt in de gmäßigte Zone. S Meer hät e ziemlíg große Yfluss uff s Klima. S rägnet über s ganze Johr verteilt; pro Johr keit öppe 693,9 Millimeter Nyderschlag. Des isch meistens Räge sehr sälte Schnee. Datsächlig hät s z Breme durchschnittlich an nur 5 Dag pro Johr Schnee. S Bremer Klima ghört zu de schneeärmste vo Dýtschland.

[ändere] Verchehr

[ändere] Schiffsverchehr

Wemm mer Breme und Bremerhaffe zsamme nimmt, no ischs de zweitgröschte Seehaffe vu Dütschland. S werret vor allem Autos, Container un Fisch in Bremerhave und au im Neustädter Hafe vun Breme verladde.

[ändere] Ysebahn

Zwische Breme und Bremerhaffe gitts Eisebahnverchehr uff ener Hauptverbindig, wo elektrifiziert isch. Vum Bremer Hauptbahnhof gitts Verbindunge uff Hamburg, Hannover, ins Ruhrgebiet und in d norddütschi Umgebung und in de Schtadtteil Vegesack. Von Bremerhaven Hauptbahnhof aus ganget Ysebahnverbindunge uf Cuxhaven und uf Bremervörde/Hamburg.

[ändere] Schtroß

D'beide Landesteil sin verbunde durch d' Autobahn A27. D' A1 krüüzt d' A27 und goht an de Schdadt Breme vorbei. Im Schtadtgebiet vu Breme schaffet se etzet aan d' A281.

In Breme gitts no Schtroßebahne und mer mueß uff die uffpasse, wenn mer über d'Schtroß goht.

Für d'Fueßgänger gitts im Schtadtzentrum Wegweiser-Täfele. So isch au de Weg vum Hauptbahnhof ind Inneschdadt guet bschildert.

[ändere] Flughaffe

Im Südde, in Bremen-Neuenland, gitts de Flughafen Bremen. In Bremerhaven-Luneort isch direkt im Süde vum Fischereihaffe hinterm Weser-Deich en kleiner Flughaffe fir Flüg nach Helgoland, zu de ostfriesiche Insele und fir d Polarflugzeug.

[ändere] D Weserfähre

D Weserfähre transportiert Persone und Fahrzeug vu Bremerhaffe uff Nordenham-Blexen.

[ändere] Induschtrie

[ändere] Breme

[ändere] Bremerhave

[ändere] D Schtruktur ändert sich

Durch en Strukturwandel sind d Hochseefischerei, d Werftinduschtrie und de Autoexport wegbroche. Devor isch d Linieschiffahrt nach Amerika durch en Flugverkehr abglöst worre.

[ändere] Windkraftanlagge fir s Meer (offshore)

In Bremerhave hond sich zwei Anlaggebauer vu Windkraftanlagge uffm Meer aagsiedelt (Repower, Multibrid) und en Hersteller vu Rotorblätter fir Windkraftanlagge (Powerblades). Es werret Maschinehäuser für Windturbine us Bauteile zsammebaut. Wisse defir liefert au es Inschtitut fir Windenergie und Energiesystemtechnik vu de Fraunhofer Gsellschaft. [1]

[ändere] Politik

De Roland vu Breme

Uffm Platz vor em Rothuus in Breme isch e Roland-Statue uffgrichtet. Die isch seit alte Zeite en Beweis fir d Unabhängigkeit vu Bremen. Es Rothuus kaa mer au bsichtige, dett tagt de Senat und do isch au de Dienschtsitz vum Birgemoschter. Im Ratskeller gitts us alle Gegende vu Deutschland ibber 1000 verschiddene Weine. [2]

[ändere] Kunschtwerk und Gebäude

[ändere] Sehenwürdigkeite in Breme

D Bremer Schtadtmusikante
Eingang vun de Böttcherschtroß

Do isch znächst der Roland vun Breme z nenne. Dees isch die gröschte Roland-Statue vun 26 Roland-Figure in Deutschland. Er schtoht seit 1404 am Marktplatz vun Breme und isch 5,55 m hoch. De Abstand zwische de Stachele an de Knie isch 55 Zentimeter, des isch es Maß fir e Elle vu de Tuchschneider. [3]

Denn sind do au no an de Weschtseite vum Rathaus die Bremer Schtadtmusikante überenand und us Metall us em Johr 1951 vun em Bildhauer Gerhard Marcks.

In de Böttcherstroß (vu Böttcher, dees isch en Küfer) hot mer frieher Fässer fir Wein, Bier und Fisch hergstellt. Seit em Aafang vum 20. Johrhundert hot de Kaufmann Roselius d Böttcherstroß zu em bsundre Winkel umbaut. De Eingang zu de Stroß isch vergoldet. [4]

S Schnoorviertel isch en Künschtlerviertel im älteschte Teil vu Breme.

[ändere] Bsondere Musee

[ändere] Musee in Breme

Die Kunschthalle Bremen hot Gmälde und Schkulpture us mehrere Johrhunderte. Bsunders aber au vun Delacroix, Liebermann, Corinth, Modersohn-Becker und Beckmann.

S Gerhard-Marcks-Haus bherbergt gegeschtändliche Schkulpture vunnem Bildhauer Marcks. Do gibts glungene Plaschtike vun Tiere.

[ändere] Musee in Bremerhave

In Bremerhave isch es Deutsche Auswandererhaus Bremerhaven, wo d Europäer und ihre Verwandte us de Überseeländer schaue könnet, wie im 19. und 20. Johrhundert d arme oder d verfolgte Leut hond a neue Heimat sueche müsse. Ibber 7 Millione Mensche hond vu 1834 bis 1972 ibber Bremerhaffe uswandere müsse. S Museum isch dett errichtet worre, wo d Uswandrerschiff abglegt hond. S kummet au Gäscht us de USA uff de Spuresuech nach ihrene Vorfahre. [5]

Es Deutsche Schiffahrtsmuseum zeigt d Entwicklung vu de Hansekogge ibber s Dampfschiff bis zum U-Boot. Es isch zur gleiche Zeit en Forschungsinschtitut. Dezu ghört au en Museumshaffe mit 11 Bötle. [6]

Im Klimahaus am alte Haffe kaa mer d Klimabdingunge uffm 8. Längegrad (Wescht) und uff d Rückseit vu de Erde uffm 171. Längegrad (Oscht) durch Wanderunge zwische d Museumsräum spüre. Do wird au e Schweizer Alm in Isenthal in de Schwiz zeigt. De belaschtendste Ibbergang isch zwische de Hitz vu Kamerun und de Kälte vu de Antarktis. Bremerhave liggt uff 8°34' Oscht und isch de Ausgang vu sellem stressige Streifzug um d Weltkuggel. [7]

De Zoo am Meer.

[ändere] Regelmäßige Veranstaltunge

D Musikschau vu de Natione bringt Blosmusik vu Regimenter us de ganze Welt.

[ändere] Quelle

  1. ↑ Olaf Preuß: Bremerhaven bekommt Rückenwind. In: Hamburger Abendblatt vum 4. Juli 2009, S. 25
  2. ↑ Bernd Schiller: Zu Gast bei den Weser-Hanseaten. In: Hamburger Abendblatt vum 16. Mai 2009, Teil Tourischtik, S. 3
  3. ↑ Bernd Schiller: Zu Gast bei den Weser-Hanseaten. In: Hamburger Abendblatt vum 16. Mai 2009, Teil Tourischtik, S. 3
  4. ↑ Bernd Schiller: Zu Gast bei den Weser-Hanseaten. In: Hamburger Abendblatt vum 16. Mai 2009, Teil Tourischtik, S. 3
  5. ↑ BIS Bremerhaven Touristik: Bremerhaven, Zukunft am Meer. Broschüre vu ca 2008, S. 19
  6. ↑ BIS Bremerhaven Touristik: Bremerhaven, Zukunft am Meer. Broschüre vu ca 2008, S. 15
  7. ↑ Elisabeth Jessen: Durch Wind und Wetter. In: Hamburger Abendblatt vum 23. Juni 2009, S. 3

[ändere] Allmänd

Commons
 Allmänd (Commons): Bremen (Land) — Witeri Mulitimediadateie zum Artikel

[ändere] Netzgleicher (Ekschterni Syte)


Vun "http://als.wikipedia.org/wiki/Bremen_(Land)"
Persönlichi Wärkzüg
Buech aalege