Alvaneu
| Alvaneu | |
|---|---|
 | |
| Basisdatä | |
| Staat: | Schwiiz |
| Kanton: | Graubünde (GR) |
| Region: | Albula |
| Kreis: | Belfort |
| Gmeind | Albula/Alvra |
| PLZ | 7492 |
| Koordinate: | 769170 / 172248 |
| Höchi: | 1181 m ü. M. |
| Flächi: | 35,63 km² |
| Iiwohner: | 400 (31. Dezember 2014)[1] |
| Website | http://www.albula-alvra.ch |
 Alvaneu Dorf | |
| Charte | |
| BEMERKUNG_KARTE= | |
Alvaneu (bündnerdütschi Ussprooch: [alvɐˈnœɪ̯]; rätoromanisch Alvagni [alvɐˈɲi])[2] isch en ehmolegi politeschi Gmaind im Schwizer Kanton Graubünda und isch Tail vo da Region Surmeir.
Gschicht[ändere | Quälltäxt bearbeite]
Bis am 31. Dezember 2014 isch Alvaneu an aigni politeschi Gmaind gsi und hät zum Kreis Belfort vom Bezirk Albula ghört. Am 1. Januar 2015 hät si mit da Gmainden Alvaschein, Brienz/Brinzauls, Mon, Stierva, Surava und Tüüfakaschta zur neue Gmaind Albula/Alvra fusioniert und hät dodemit in Kreis Alvaschein gwächslet.
Dr Name vo Alvaneu isch ane 1244 s erschte Mol in ere Urkunde erwäänt.
Sid em 13. Joorhundert händ Walser uf emene Deil vom Gmeindpiet gwoont.
Geografii[ändere | Quälltäxt bearbeite]
Uf em Gebiet vo da ehmoliga Gmaind gits zwai Dörfer; Alvaneu Dorf, wo uf knap 1'200 m ü. M. a da Stross uf Davos liit und Alvaneu Bad, wo uf guet 950 m une a da Albula und a da Bahn- und Strosseverbindig uf Filisur liit. Bi Alvaneu Bad isch dr Baanhof vo dr Albulabaan.
Zu Alvaneu ghört ännet de Bärge ganz oben im Schanfigg no d Alp Ramoz mid em Wälschtobel, wo uf Rätoromanisch Igl Cuolm heisst. Det hi goot vo Alvaneu us en Fuesswäg durs Guerttaal und über d Furcletta (2572 m.ü.M.). D Fluernäme im Wälschtobel sind deils gmischt dütsch und romanisch: Schaftälli entspricht em rätoromanische Cuolm digl Stoffel und s Totetäli heisst uf romanisch Val Mierta.
Alvaneu-Bad[ändere | Quälltäxt bearbeite]
s Bsundrige vo Alvaneu-Bad sind d Schwefelquelle, wo worschindli scho d Römer zur Hailig gnutzt händ, wa me us Münzfund schlüüsse chan. S Schwefelbad isch ano 1474 s erscht Mol beschribe worde und gilt wäg de Temperatur als Mineralhailbad.
Weblink[ändere | Quälltäxt bearbeite]
Commons: Alvaneu – Sammlig vo Multimediadateie- Alvaneu under Gschicht uf de Website vo da Gmaind Albula/Alvra
- Gion Peder Thöni: Alvaneu. In: Historisches Lexikon vo dr Schwiiz.
- Gion Peder Thöni: Alvaneu Bad. In: Historisches Lexikon vo dr Schwiiz.
Fuessnote[ändere | Quälltäxt bearbeite]
- ↑ Bilanz der ständigen Wohnbevölkerung nach Bezirken und Gemeinden uf bfs.admin.ch (Bundesamt för Statistik)
- ↑ Gunhild Hoyer/Andres Kristol: Alvaneu / Alvagni GR (Albula) in: Dictionnaire toponymique des communes suisses – Lexikon vo da schwizerische Gmaindsnäme – Dizionario toponomastico dei comuni svizzeri (DTS|LSG). Centre de dialectologie, Université de Neuchâtel, Verlag Huber, Frauenfeld/Stuttgart/Wien 2005, ISBN 3-7193-1308-5 und Éditions Payot, Lausanne 2005, ISBN 2-601-03336-3, p. 87.
