Krais Alvaschain
| Alvaschein | |
|---|---|
_wappen.svg)
| |
| Basisdata | |
| Kanton: | Graubünde |
| Bezirk: | Albula |
| Hauptort: | Tüfakaschta |
| Flächi: | 146,10 km² |
| Iiwohner: | 4076 31. Dez. 2013 |
| Bevölkerigsdichti: | 28 Iiw./km² |
| Charta | |
 | |
Da Krais Alvaschain hät bis Endi 2015 zämma mit da Krais Belfort, Bergün und Surses da Bezirk Albula vom Kanton Graubünda i da Schwiz bildat. Da Sitz vom Kraisamt isch z Tüfakaschta gsii. Dur d Bündner Gebiatsreform sind d Krais ufghoba worda.
Gmaind[ändere | Quälltäxt bearbeite]
Da Krais hät sich us da folganda drei Gmainda zämmagsetzt:
| s Wappa | da Nama vo da Gmaind | Iiwohner (Dez. 2013) |
Flächi i km² |
BFS-Nr |
|---|---|---|---|---|
 |
Albula/Alvra | 1347 | 93,63 | 3542 |
 |
Mutten | 75 | 9,96 | 3503 |
 |
Vaz/Obervaz | 2654 | 42,51 | 3506 |
Ändariga im Gmaindsbestand[ändere | Quälltäxt bearbeite]
Uf da 1. Jänner 2015 isch d Gmaind Albula/Alvra gründet worda. Si isch us da ehemoliga Gmainda Alvaschain, Mon, Stierva und Tüfakaschta us am Krais Alvaschain und us Alvaneu, Brienz/Brinzauls und Surava us am Krais Belfort entstanda.
Bevölkerig und Sproocha[ändere | Quälltäxt bearbeite]
Endi Dezember 2013 hät da Krais Alvaschain 4076 Iiwohner kha, Endi 2009 sinds 3320 gsii. Iiwohnermässig isch da Krais dur d Gmaind Vaz/Obervaz mit dära ihrna Frakziona Lenzerhaid und Valbella dominiart worda.
Lut da Volkszellig vo 2000 sind 76,7 % vo da Bevölkerig dütschsproochig und 15,5 % romanischsproochig. Mit Uusnahm vo Mutta händ alli Gmainda rätoromanischi Wurzla. Da Romanischaatail isch i da Gmainda sehr unterschidlich. Stierva und Mon sind mit 66,4 % bzw. 52,3 % no überwiegand romanischsproochig gsii. I da anderna Gmainda überwiegt underdessa d Dütschsproochigkait.
Geografii[ändere | Quälltäxt bearbeite]
Da Krais Alvaschain erstreckt sich über s vordara Albulatal. Dia baida Dörfer Tüfakaschta und Alvaschain liggad im Talkessel. Mon, Stierva und Mutta sind uf da Terrassa am linka Talhang mit Nord-Ost-Laag. Vaz/Obervaz ligt uf am rächta Talhang und dia baida Frakziona Lenzerhaid und Valbella erstreckend sich über es Hochplateau nördlich vo Vaz/Obervaz.
Wirtschaft und Tourismus[ändere | Quälltäxt bearbeite]
Da Krais Alvaschein isch hauptsächlich vom Tourismus prägt. Da bekanntischt Tourismusort isch d Lenzerhaid. Mit rund 220'000 Logiernächt pro Johr ghört dia Feriadestinazion zu da gröschta vo Graubünda.
Vo da rund 2'152 Beschäftigta sind 70,2 % im Dienstlaistigssektor tätig. 20,4 % schaffend im produzierenda Gwärb und nu 9,4 % i da Land- und Forschtwitschaft (Stand Dezember 2005).
Weblink[ändere | Quälltäxt bearbeite]
Commons: Krais Alvaschain – Sammlig vo Multimediadateie- Websita vo da Gmaind Albula/Alvra
- Websita vo Mutta
- Websita vo da Gmaind Vaz/Obervaz
- Offizielli Websita vo da Feriaregion Lenzerhaid
