Aalen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Wappe Dütschlandcharte
Wappe vo dr Stadt Aalen Koordinate fehle
Hilfe zu Kartenp1
Basisdate
Bundesland: Baden-Württemberg
Regierigsbezirk: Stuegert
Landkreis: Oschtalbkrois
Höchi: 430 m ü. NN
Flächi: 146,5 km²
Iiwohner: 66.503 (31. Dez. 2008)[1].
Bevölkerigsdichti: 454 Iiwohner je km²
Poschtleitzahle: 73430–73434
Vorwahlen: 07361, 07366, 07367
Kfz-Chennzeiche: AA
Gmeischlüssel|Gmeischlüssel: 08 1 36 088
LOCODE: DE AAL
NUTS: DE11D
Stadtgliderig: Chärnstadt un 7 Stadtbezirk
Adress vo dr
Stadtverwaltig:		 Marktplatz 30
73430 Aalen
Webpräsenz: www.aalen.de
Oberburgermeischter: Martin Gerlach (parteilos)
Historisch Rothuus mit Märtbrunne

Oole (dt. Aalen) isch e Stadt im Oschte vu Bade-Wirttebärg rund 70 km eschtli vu Stuegert un 50 km nerdli vu Ulm. Si isch d Kreisstadt un di grescht Stadt vum Oschtalbkrois un vu dr ganze Region Oschtwirttebärg, wu si ne Mittelzäntrum dervu bildet.

Syt em 1. April 1956 isch Oole Großi Kreisstadt. Mit dr Gmeine Essenge un Hittlenge het d Stadt Oole ne Verwaltigsgmeinschaft veryybart.

Inhaltsverzeichnis

Geografii [ändere]

Geografischi Lag [ändere]

Luftufnahm vum Stadtbezirk Unterkoche (deilwyys verdeckt im Hintergrund d Chärnstadt) mit dr Oolener Bucht (hinte)

Oole lyt im Dal vum obere Kocher noch em Uusdritt us dr eschtlige Schwebische Alb, wu sich sidlig un sideschtli vu Oole im Aaschluss an d sognännt Oolener Bucht uusbreitet. Im Stadtzäntrum mindet dr Fluss Ool in dr Kocher.

Nerdli vu dr Stadt schließt sich d Landschaft vu dr Ellwanger Bärg aa. Dr Kocher chunnt vu Oberkoche här im Side in s Stadtgebiet, durchfließt derno Richtig Norde dr Stadtbezirk Onterkoche, derno d Chärnstadt un dr Stadtbezirk Wasseralfenge un verlosst d Stadt im Norde Richtig Hittlenge. In dr Nechi vu Oole entspringe au d Fliss Rems (bi Essenge, weschtli vu Oole) un d Jagscht (bi Õnderschnoede, eschtli vu Oole), wu bedi, wie dr Kocher au, Näbefliss vum Necker sin.

Dr Märtplatz in dr Innestadt lyt uf 430 m i. NHN. Dr diefscht Punkt im Stadtgebiet isch dr Kocher uf 378 m i. NHN, dr hescth Punkt isch dr Gipfelvum Grẽänberg bi Onterkoche uf ere Hechi vu 733 m i. NHN.

Nochbergmeine [ändere]

Die Stedt un Gmeine gränzen an d Stadt Oole. Si wären im Uhrzeigersinn vu Side uus ufzellt, in dr Chlammere stoht d Entfärnig vum jewylige Stadtchärn zum Oolener Stadtchärn (Luftlinie):

Oberkoche (6 km), Essenge (6 km), Megglenge (10 km), Heichlenge (11 km), Abtschgmẽnd (9 km), Nuiler (10 km), Hittlenge (6 km), Raenao (10 km), Weschthouse (9 km), Looche (12 km), Bopfeng (20 km) un Nääres (20 km) (alli Oschtalbkrois), derzue Hoedna (18 km) un Kengisbronn (10 km) (beidi Landkrois Hoedna).

Stadtgliderig [ändere]

Charte vu dr einzelne Stadtbezirk

S Stadtgebiet vu Oole bstoht us dr Chärnstadt, dr 1938 yygliderete Gmei Onterrombach un dr Gmeine, wu im Ramme vu dr Gebietsreform in dr 1970er Johr yygmeindet wore sin: Dewange, Ebnat, Fachsefeld, Onterkoche, Waldhouse, derzue isch au d Stadt Wasseralfenge yygmeindet wore, wu scho anne 1972 d Gmei Hofe derzue yygmeindet woren isch. D Gmeine, wu erscht bi dr Gebietsreform yyglideret wore sin, wäre au „Stadtbezirk“ gnännt un sin au Ortschafte im Sinn vu dr bade-wirttebärgische Gmeindsornig, des heißt si hän e eigene Ortschaftsrot, wu bi dr Kommunalwahle gwehlt wird, mit eme Ortsvorsteher as Vorsitz.

Zue dr Chärnstadt vu Oole un zue dr yygliderete Gmeine ghere ne Huffe Deilortschafte, wu zem Deil au vum Ruum här abdrännt sin. Vili vu däne hän e langi eigeständigi Gschicht. Anderi sin as neji Böugebiet aagleit wore un hän ei eigene Namme iberchuu, vilmol aber keini feschtgleite Gränze.

Zue dr Stadt Oole ghere die Deilort:[2]

Teilort Yywohner[3] Wohnplätz
Chärnstadt 25.680[4] Hãmerstadt, Hofherrnweiler, Mädl, Mãntelhof, Nessle, Oberrõmbach, Õnderrõmbach (au „Weschtstadt“ gnännt)
Stadtbezirk Däwãng 3.196[5] Aushof, Bernardsdorf, Brõnneheisle, Dägehof, Dãnnehof, Drääerhof, Drieberereide, Foulhäre, Fraedehefle, Glõẽdelzerhof, Gobihl, Groeßdelzerhof, Haldehous, Hittehef, Kohlhefle, Lãngehalde, Luschthof, Neihof, Roubure, Reichebach, Rigelhof, Rodamsderfle, Roedsol, Schofhof, Schultheißehefle, Streithefle
Stadtbezirk Ebnet 3.344[6] Affalterwãng, Diebertsbuech, Nuisitz
Stadtbezirk Fagsefeld 3.668[7] Bodebach, Hãngendbuech, Hẽmmlingsweiler, Mihlheisle, Scherremihl, Woeblenge
Stadtbezirk Hofe 2.077[8] Firsitz, Goldshef, Hõẽmatsmihl, Oberalfenge, Odehofe, Wogerõẽn
Stadtbezirk Onterkoche 5.002[9] Birkhof, Glashitte, Neikoche, Neiziegelhitt, Steffensweilermihle
Stadtbezirk Waldhouse 2.330[10] Arlesberg, Beire, Berloe, Braschtelburg, Geiselwãng, Hooeberg, Neibou, Simmesweiler
Stadtbezirk Wasseralfingen 11.811[11] Affeldried, Braoseried, Birgle, Dräppach, Erzheisle, Hoeseberg, Mäderhof, Onatsfeld, Reädeberg, Reäderd, Salchehof, Weidefeld


Ruumblanig [ändere]

Oole bildet e Mittelzäntrum in dr Region Oschtwirttebärg. Zum Mittelberyych Oole ghere d Stedt un Gmeine im zäntrale un eschtlige Deil vum Oschtalbkrois: Abtschgmẽnd, Bopfeng, Essenge, Hittlenge, Kirchen, Looche, Nääres, Oberkoche, Riesbirg un Weschthouse. Verflächtige git s mit em rund 30 Kilometer eschtli glägene, Nochbermittelzäntrum Nearle z Bayern.

Gmeinderot [ändere]

Zämmesetzig vum Gmeinderot
Partäi Wahle vu 2009 Wahle vu 2004
SPD 13 Sitz 12 Sitz
CDU 21 Sitz 22 Sitz
Bündnis 90/Di Griene 9 Sitz 6 Sitz
Wehlervereinigunge 2 Sitz 4 Sitz
Anderi Partäie 2 Sitz
–
Gmeinsami Wehlervereinigunge 7 Sitz 4 Sitz
Gsamt 54 Sitz 48 Sitz
Quälle: Statisdischs Landesamt vu Bade-Württebärg

Literatur [ändere]

  • Erich Keyser (Hrsg.): Württembergisches Städtebuch; Band IV Teilband Baden-Württemberg Band 2 aus „Deutsches Städtebuch. Handbuch städtischer Geschichte – Im Auftrage der Arbeitsgemeinschaft der historischen Kommissionen und mit Unterstützung des Deutschen Städtetages, des Deutschen Städtebundes und des Deutschen Gemeindetages“, Stuttgart 1961.
  • Eugen Hafner: Aalen. Der Stadtführer. Süddeutsche Verlagsgesellschaft, Ulm 2001, ISBN 3-88294-310-6.
  • Landratsamt Ostalbkreis (Hrsg.): Museen im Ostalbkreis. Ausgabe 2/2005.

Fueßnote [ändere]

  1. ↑ Statistisches Landesamt Baden-Württemberg: Bevölkerungsstand
  2. ↑ Teilorte von Aalen, Stadt Aalen
  3. ↑ Stand: 1. Juni 2009
  4. ↑ Quälle: Stadt Oole – abgruefen am 12. Juni 2009
  5. ↑ Quälle: Stadt Oole – abgruefen am 12. Juni 2009
  6. ↑ Quälle: Stadt Oole – abgruefen am 12. Juni 2009
  7. ↑ Quälle: Stadt Oole – abgruefen am 12. Juni 2009
  8. ↑ Quälle: Stadt Oole – abgruefen am 12. Juni 2009
  9. ↑ Quälle: Stadt Oole – abgruefen am 12. Juni 2009
  10. ↑ Quälle: Stadt Oole – abgruefen am 12. Juni 2009
  11. ↑ Quälle: Stadt Oole – abgruefen am 12. Juni 2009

Weblink [ändere]

 Allmänd (Commons): Aalen – Sammlig vo witere Multimediadateie

Wikisource S dütschsprochig Wikisource hät Originaltegscht zum Thema „Aalen“.


Dä Artikel basiert uff ere fräie Übbersetzig vu dere Version vum Artikel „Aalen“ vu de dütsche Wikipedia.

E Liste vu de Autore un Versione isch do z finde.

Vun "http://als.wikipedia.org/w/index.php?title=Aalen&oldid=510117"