Troschtburg
D Troschtburg isch es Schloss uf em Gmeindsbann vo Töiffetu im Schwiizer Kanton Aargau. S Schloss ligt uf eme Felsvorsprung öppe 40 Meter über Dorf.
D Burg isch im 12. Johrhundert entschtande und taucht im 1241i s erschti Mol in ere Urkund uf. D Troschtburger sind zerscht Vasalle vo de Kyburger gsi, wo nach em Usschtärbe vo dere Familie im 1264i im Dienscht vo de Habsburger gschtande sind. Au d Troschtburger sind im Mannesschtamm usschtorbe und d Herre vo Rinach, wo ihri Schtammburg z Burg AG hei kha, hei 1346 d Troschtburg übernoh. D Rinacher hei sich es chlises Herrschaftsgebiet mit Dörfer ufbauet, wo si s Nidergricht gha hei. D hütige Gmeinde Töiffetu, Bonischwiu, Äsch, Haubu, Lüüpu und Zezbu hei do derzu ghört. Wo d Bärner im 1415 de Aargau eroberet hei, hei d Rinacher me und me an Bedütig verlore. Im 1486 hei dann d Hallwyler d Troschtburg kauft und im 1616i an d Schtadt Brugg wider verchauft. Wil es aber Bärn en Dorn im Aug gsi isch, dass Brugg sin Herrschaftsberiich usbauet het, hei si d Herrschaftsrächt übernoh und d Troschtburg an Privati verchauft. Au hüt isch s Schloss noch in Privatbsitz.
Weblink
[ändere | Quälltäxt bearbeite]
Commons: Troschtburg – Sammlig vo Multimediadateie
