Ruine Waldhuuse
| Ruine Waldhuuse | ||
|---|---|---|
 Gedenkstei vo de 900-Johrfiir | ||
| Burgetyp: | Höheburg | |
| Erhaltigszuestand: | Burgstall | |
| Ort: | Fisibach-Waldhuuse | |
| Geografischi Lag: | 47° 32′ 25″ N, 8° 24′ 20″ O | |
| ||
D Ruine Waldhuuse isch en abgangeni mittelalterlichi Höheburg. Es git vo ihr kei sichtbari Überrescht. Waldhuuse ligd hüt ganz uf em Gmeindbann vo Fisibach im Kanton Aargau.
Lag
[ändere | Quälltäxt bearbeite]De Burgstall isch südlich vom Wiler Waldhuuse, oberhalb vom Bachsertal. Gege Süde und Oschte isch d Burg durch stotzigi Häng gsichered gsi, Richtig Norde und Weschte dur Gräbe. D Kantonsgränze zwüschem Aargau und Züri isch früehner zmitts durch d Ruine gange. Sit ere Gränzkorrektur im 1982 ligd de Burgstall ganz im Aargau.
Gschicht
[ändere | Quälltäxt bearbeite]Über d Burg weiss me ned viel. Zum erschte Mol isch si im 1113 innere Urkund gnennd worde, wo di «Freie vo Waldhuuse» d Propstei Wislikofe, wo si selber gründ gha hend, mit em Grundbsitz vo de Propstei em Chloschter St. Blasie im Schwarzwald gschenkt hend. In dere Urkund, wo uf de 27. Dezember datiert isch, sind au d Dörfer Böbike, Mellike, Rümike, Schneisige und Siglistorf zum erschte Mol erwähnt worde, wil d Propstei dete Grundbsitz gha het. D Burg isch im 1440 ufgeh worde und scho im 1470 isch si e Ruine gsi, wi e Gränzbeschribig vo 1470 zeiged.
Weblink
[ändere | Quälltäxt bearbeite]
Commons: Ruine Waldhausen – Sammlig vo Multimediadateie
