Schloss Bottmige
| Schloss Bottmige | ||
|---|---|---|
 S Schloss Bottmige | ||
| Entstehigsziit: | 13. Johrhundert | |
| Burgetyp: | Wasserburg | |
| Erhaltigszuestand: | Erhalte oder wäsentligi Deil drvo | |
| Ort: | Bottmige | |
| Geografischi Lag: | 47° 31′ 25″ N, 7° 34′ 13″ O | |
| ||
| Dialäkt: Baseldütsch |
S Schloss Bottmige isch e Wasserschloss in der Baselbieter Gmeind Bottmige, südlig vo Basel. S Schloss isch us em 13. Johrhundert und ghört zu de wenige erhaltene Wasserschlösser in der Schwiiz. Wo s 1363 zum erste Mol erwähnt worden isch, het s de Kämmerer, eme bischöflige Dienstadelsgschlächt, ghört.
Drotz dr Barockisierig vom Schloss isch si mittelalterlig Charakter vor allem am Grundriss z erkenne. Im Gegesatz zu de Wasserschlösser Hallwyl oder Hagewil fehlt em Schloss e Bärgfriid. So isch s verwandt mit em burgundisch-savoyische Burgetypus mit eme durmbewehrte Vieregg. Dr Johannes Deucher het 1720 s Schloss Bottmige in e Landsitz im Stil vom französische Früehbarock verwandlet, wo fast ganz erhalte bliiben isch. Näbe dr Ussenarchitektur zügt au s Stägehuus vo däm Baustil. Under em Martin Wenk het sich 1780 s Rokoko duregsetzt, was me am chostbare Stuck im Steisaal cha gseh. Dr Wenk het au dr Südostegge bis uf s Niveau vom Hof lo abbräche. Er dient hüte as Gardeterrasse.
Hüt wird s Schloss Bottmige as Restaurant und für Bankett, Hochziite und anderi festligi Aaläss bruucht.
Weblingg
[ändere | Quälltäxt bearbeite]
|
Dä Artikel basiert uff ere fräie Übersetzig vum Artikel „Schloss_Bottmingen“ vu de dütsche Wikipedia. E Liste vu de Autore un Versione isch do z finde. |