S Schloss Wildestäi z Buebedorf

Us der alemannische Wikipedia, der freie Dialäkt-Enzyklopedy
Schloss Wildestäi
S Schloss Wildestäi 1758, Stich vom David Herrliberger
S Schloss Wildestäi 1758, Stich vom David Herrliberger

S Schloss Wildestäi 1758, Stich vom David Herrliberger

Entstehigsziit: um 1200
Burgetyp: Höchiburg
Erhaltigszuestand: erhalte
Ort: Buebedorf
Geografischi Lag: 47° 25′ 54″ N, 7° 44′ 9″ OKoordinate: 47° 25′ 54″ N, 7° 44′ 9″ O; CH1903: 622423 / 253472
Schloss Wildenstein (Schweiz)
Schloss Wildenstein (Schweiz)
Schloss Wildenstein
Schloss Wildenstein
Dialäkt: Baseldütsch

S Schloss Wildestäi isch die äinzigi erhalteni Höchiburg im Baselbiet. Si lit südlig vo Buebedorf im ene Sitedaal vo dr Hindere Fränke und isch bis vor churzem no bewoont gsi.

Gschicht[ändere | Quälltäxt bearbeite]

1293 het dr Heinrich vo Eptige dr Naame „vo Wildestäi“ aagnoo. Under sim Soon Gottfrid häi d Bärner und Soledurner d Wildestäi wägen eme Landfriidensbruch vo sim Bsitzer 1334 gstürmt. Wie fest si denn und e chli spööter im Groosse Basler Ärdbeebe vo 1356 beschäädigt worden isch, isch nid bekannt. 1380 het dr Henmann vo Eptige d Burg an d Geschwüster Elsi, Götzmann und Markwart vo Baade verchauft. Spööter het si denn non e baar Mol dr Bsitzer gwächslet. In dr Nööchi vo dr Burg isch 1594 dr „Basler Rappechrieg“ güetlig biigläit worde.

1995 het dr Kanton Basel-Landschaft d Wildestäi kauft, und hüte finde doo regelmäässig kulturelli Veraastaltige statt.

2011 isch uusechoo, ass dr Kanton s Schloss welli verchaufe, für zum sini Schulde und Chöste verchliinere. Allerdings het s groosse Widerstand in dr Bevölkerig gee und mä het Underschrifte afo sammle drgeege.

Litratur[ändere | Quälltäxt bearbeite]

  • Hans-Rudolf Heyer: Schweizerische Kunstführer GSK, Band 615: Schloss Wildenstein, Bern 1997, ISBN 3-85782-615-0

Weblingg[ändere | Quälltäxt bearbeite]

 Commons: Wildenstein – Sammlig vo Multimediadateie
Dä Artikel basiert uff ere fräie Übersetzig vum Artikel „Schloss_Wildenstein_(Bubendorf)“ vu de dütsche Wikipedia. E Liste vu de Autore un Versione isch do z finde.