Ruine Madeln

Us der alemannische Wikipedia, der freie Dialäkt-Enzyklopedy
Ruine Madle
Entstehigsziit: öbbe 1270
Burgetyp: Höheburg
Erhaltigszuestand: Ruine
Ort: Brattele
Geografischi Lag: 47° 30′ 24,5″ N, 7° 41′ 49,3″ OKoordinate: 47° 30′ 24,5″ N, 7° 41′ 49,3″ O; CH1903: 619469 / 261815
Ruine Madeln (Schweiz)
Ruine Madeln (Schweiz)
Ruine Madeln
Ruine Madeln
Dialäkt: Baseldütsch

D Ruine Madle isch e verfalleni Burg bi dr Baselbieter Gmeind Brattele. D Burg isch wohrschiinlig im Johr 1270 vo de Eptiger uf dr höchste Stell vom Adlerbärg baut worde, ere Erhebig zwüsche Fränkedorf und Brattele. Si hai e grossi Befestigungsalag baut, mit eme dopplete Wall und Grabe. Uf dere Flechi hai si e Palas baut.

Der letzt Bsitzer isch wohrschiinlig dr Ritter Werner vo Eptige-Madle gsi, und si Burg isch während em grosse Basler Ärdbebe im Johr 1356 zerstört worde. Im Gegesatz zum benochbarte Schloss Brattele, wo d Eptiger wider ufbaut hai, het me d Burg Madle der Natur überlo. Währed em 16. Johrhundert si vom Palas no vier Stockwärk übrig gsi, im 18. Johrhundert het me nume no wenigi Spure chönne finde. 1939 hai Soldate, wo am Artilleriibeobachtigsbunker Adler Süd gschafft hai, zwei Muure vo der Ruine entdeckt. Druf si bis ins Johr 1940 grossi Deil vo der Ruine freigleit worde, und me het zahlriichi Fundstück gfunde, so zum Bispil zwei guet erhalteni Topfhelm. 1943 isch d Ruine wider mit Ärde zuegschüttet worde, für zum si vor em Verfall z bewahre.

Dr Madlejeger[ändere | Quälltäxt bearbeite]

D Sag vom Madlejeger isch e Variante vo dr wilde Jagd und isch als Vorbot vo Sturmwätter dütet worde. Noch dr Sag haig dr Ritter vo Madle jede vo dr Schaueburg umbrocht, für zum si Frau z raube. Als Strof müess er jetzt mit siim wisse Jagdhund witer im Wald vom Adlerbärg jage.

Weblingg[ändere | Quälltäxt bearbeite]

Literatur[ändere | Quälltäxt bearbeite]

  • Reto Marti/Renata Windler- Die Burg Madeln bei Pratteln/BL: Eine Neubearbeitung der Grabungen 1939/40 - Archäologie und Museum, Heft 12



Dä Artikel basiert uff ere fräie Übersetzig vum Artikel „Ruine_Madeln“ vu de dütsche Wikipedia. E Liste vu de Autore un Versione isch do z finde.