Sidweschtrundfunk

Us der alemannische Wikipedia, der freie Dialäkt-Enzyklopedy
(Witergleitet vun SWR)
Zur Navigation springen Zur Suche springen


SWR-Logo

 Landesrundfunkaastalt vu de ARD
Kart vu de 9 LRA

Dr Sidweschtrundfunk (offiziäll: Südwestrundfunk, kurz: SWR) isch d Landesrundfunkaastalt fir d Länder Bade-Wirttebärg un Rhinland-Pfalz. Sinni Hauptsitz sin z Bade-Bade, Stueget un Mainz. Si isch 1998 grint worre un isch hitt d zweitgreeschdi Landesrundfunkaastalt z Dytschland.

Gschicht[ändere | Quälltäxt bearbeite]

Dr SWR isch am 1. Jänner 1998 grint worre un hett am 30. Ouguscht 1998 de Sendebetrieb vu de alte Sender SDR un SWF iwernomme. De Staatsvertra fir de SWR isch awa scho zum 31. März 1997 underzeichnet worre. De Intendant vum SWR isch de Alde vum SWF, de Peter Voß, worre un sidm 1. Mai 2007 isch de Peter Boudgoust de Intendant.

De Waaj zu de Fusion[ändere | Quälltäxt bearbeite]

Durch d Fusion isch de sidweschtdytsche Rundfunk-Sonderfall bendet worre. Bis 1998 hett Bade-Wirttebärg als einzigs dytsches Bundesland zwei verschiedeni Landesrundfunkaastalten fir de nerdlichen und sidlichen Teil vum Land – wu eini devu zusätzlich fir e andres Bundesland zuständig wor. De Sonderfall hett e historischer Grund g'hett: De SWF war noch m Zweite Weltchrieg als de Sender fir d franzesische Bsatzigszon mit de Länder Bade, Wirttebärg-Hohezollere un Rhinland-Pfalz grindet worre, der SDR für s Land Wirttebärg-Bade z de amerikanische Bsatzigszon. 1952 hän sich d Länder Bade, Wirttebärg-Hohezollere und Wirttebärg-Bade zum naije Bundesland Bade-Wirttebärg zsammegschlosse, ohne dass se dobii d Rundfunkzuständigkit verändert henn.

Wäärend beidi Aastalte (un de SR) bim Farnsehe un ab 1968 [1] au bi de Kultur-Heerfunkprogramme (SWF 2, SDR 2, SR 2) vo Aafang aa eng zsamme gschafft henn, hett sich d Kooperation vum iibrige Heerfunk uf einzelni Gmeinschaftssendunge spezialisiirt. Unterschiidliche Untanäämenskulture un Programmphilosophie un au de Umstand, dass in emme Großtail vu Bade-Wirttebärg sowool d Programm vum SWF als au die vum SDR empfangbar ware un gnutzt worre sin, hett zu einem Konkurrenzverhältnis zwische de beide Anstalte gfiirt. Bsonders usgeprägt ischs Konkurrenzverhältnis zwische de Macher un Heerer vu de beide Popwelle SWF3 un SDR 3 gsi.

Scho sit de 1970er Joor isch iwer verschiideni Szenarie fir e Naijordnung vom Rundfunk im Sidweschten diskutiirt worre. Dobii sin vor allem zwei Modell im Vordergrund gschtande, zum eine d Fusion vum SDR, SWF un SR zu rar Dreiländeraastalt nachm Vorbild vum Nordditsche Rundfunk, zum andere d Ufleesung vum Sidweschtfunk mit de Erwiderung vu de SDR-Zuständigkit uf ganz Bade-Wirttebärg un der vum SR uf Rhinland-Pfalz. Wil s gaije beidi Modell starke Widerständ genn hett, hett mas so glonn wiis im Moment gsinn isch. 1988 hett de domolige bade-wirttebärgische Minischterpräsident Lothar Späth e erschte Initiativ ze de Fusion vu SDR un SWF ohni Beteiligung vum Saarland gstartet. Des isch zwar gschitert, hett aber de SDR un SWF 1991 zu de Fusion vu ihre beide Kulturprogramm (us SDR 2 un SWF 2 isch so S2 Kultur worre) un zu de Grindung vu me gmeinsame vierte Heerfunkprogramm fir Bade-Wirttebärg (S4 Baden-Württemberg) verpflichtet. D Kooperation mit m SR im Heerfunk isch eisitig ufgkündigt worre, aber im Fernsehbrich fortgsetzt. 1997 isch s gmeinsam veranschtaltete, zunächscht aber nur im Digitalradio DAB verbreitete Jugendradioprogramm DASDING grint worre.

Nooch de Landtagswahle 1996 hänn beidi Intendante (Peter Voß, Hermann Fünfgeld) un d beide Ministerpräsidente (Erwin Teufel, Kurt Beck) e naiji Fusionsinitiativ gschtartet, wo 1997 in de Stootsvertra iwer de Sidweschtrundfunk gmindet isch. Bsonders im SDR-Sendegebiet un im SDR selbscht isch de Stootsvertra vielfältig kritisiert worre, wil ma ne als e feindlichi Iwernoom vum SDR durich de SWF interprätiert hätt. Tatsächlich sin nooch de Fusion d meiste Zentroolinrichtunge vu de Aastalt in de ehemalige SWF-Zentrale in Bade-Bade konzentriert, d meischte Leitungsposchte mit ehemaligem SWF-Personal bsetzt worre. D naije Heerfunkprogramm vum SWR hänn sich ditlich stärker aa de ehemalige vum SWF orientiert.

Nooch de Fusion[ändere | Quälltäxt bearbeite]

Durch d Fusion hätt ma zwei Landessender im SWR mit witrichende Befugnisse un eigene Strukture ingrichtet. Fachredaktione, vor allem vum SDR, sin abgebaut worre, doofir zoolrichi Korrespondentebiros im Sendegebiet nai ereffnet. Also sin sowohl im Heerfunk wie im Fernsehe themespezifischi Fachsendunge verringert un d regional Berichterstattung verstärkt worre.

Im Joor 2000 hätt de SWR UKW-Frequenze fir sin Jugendprogramm DASDING in Betrieb nämme derfe, was im bis dohin undersogt gsi isch. 2002 hätt de SWR sin Informationsprogramm SWR cont.ra gstartet. 2005 hätt de SWR vum RBB d Zuständigkit fir s digitale Fernsehprogramm EinsPlus iwernumme. Zwische 2006 un 2008 hätt de SWR de terrestrische Fernsehsendebetrieb vu de alte Analognorm PAL zum naije Digitalstondard DVB-T umgstellt. 2011 hätt de SWR d Usstrahlung vu sine Heerfunkprogramm im Digitolstandard DAB+ gstartet. Am 9. Jänner 2012 isch SWR cont.ra vu SWRinfo ersetzt worre.

Sit em 30. April 2012 isch s SWR Fernsehe im hochuflesende HDTV iwer Sotellit empfangbar, s analoge Satellitesignal isch abgschaltet worre.

Standort[ändere | Quälltäxt bearbeite]

Zentrool z Stueget
SWR Gebäud z Bade-Bade

De SWR hätt Studios z de folgende Städt:

Regionali Biros vum SWR sin z de folgende Städt:

Z Bade-Wirttebärg gibts usserdäm „Korrespondentenbüro“ vum SWR z Oole, Albstadt, Bibrach, Buche, Konschtanz, Mosbach, Pforze, Ravensburg, Schwäbisch Hall, Tauberbischofsheim un Waldshuet-Düenge.

Lueg au[ändere | Quälltäxt bearbeite]

Noochwis[ändere | Quälltäxt bearbeite]

  1. Chronik der ARD, abgerufen am 20. April 2015.