Riadhausa

Wappa	Deitschlandkart
	47.919.4294444444444631
Basisdata
Bundesland:	Bade-Wirttebärg
Regierongsbezirk:	Dibenga
Landkroes:	Raveschburg
Heh:	631 m i. NHN
Fläch:	8,42 km²
Eiwohner:	799 (31. Dez. 2022)
Bevelkerongsdicht:	95 Eiwohner je km²
Boschtloetzahl:	88377
Vorwahl:	07587
Kfz-Kennzoeche:	RV
Gmoedsschlissel:	08 4 36 067
Adress vo dr Gmoedsverwaltong:	Kirchstraße 1 88377 Riedhausen
Webpräsenz:	http://www.gvv-altshausen.de
Schuldes:	Ekkehard Stettner
Lag vo de Gmoed Riedhausen em Landkroes Raveschburg
Karte

Dialäkt: Schwäbisch

Riadhausa (dt. Riedhausen) isch a Gmoid im Nordweschta vom Landkreis Raveschburg in Bade-Wirttaberg. D Gmoid hot 799 Eiwohner (Stand: 31. Dezember 2022) und isch seit anno 1972 Mitgliad im Gemeindeverwaltungsverband Altshausen wo dr Sitz z'Altshausen hot.

Geografi

D Gmarkong setzt sich zamme ous 73,6 % Landwirtschaftsfleche, 18,3 % Wald, 6,7 % Sidlongsfleche ond 1,4 % sunschtiger Fleche.

Gmoindsgliaderung

D Nochbergmoinde von Riadhausa sind im Uhrzoigersinn, wenn mer im Norde afangt: Kenigseggwald, Waldhausa, Guggahausa und Wilhälmsdorf im Landkrois Raveschburg sowie Oschdrach im Landkreis Sigmaringen.

Gschicht

Friener war des so

Riadhausa isch s erschte mol anno 1083 erwähnt worre - sogar urkundlich. Vo 1179 bis 1380 hots au nochweislich e sognanntes Minischterialegschlecht, d Herre vo Riadhausa, als Ortsadel gäba. 1179 isch nämlich dr Berthold von Riedhausen als Zeige fier den Welfa Welf VI. und au no fier de Herzog vo Schwoba, dr Staufer Friedrich V., innere Urkunde erwähnt.

D Eiwohnerentwicklung

Mit eme Durchschnittsalter von 36,5 (Sechsedreißgehalb) Johr isch Riedhausen 2011 dia jingscht Gmoid z ganz Bade-Wirttaberg gwäsa. 2019 ischs Dörfle erneit mit eme Durchschnittsalter vo 38,3 (achdedreißg komma drei) Johr ganz vorne debei gwäsa.

Religion

D Gmoid isch de Sitz vo de katholische Pfarrei St. Michael, wo zum Dekanat Saulgau gheert.

Dia evangelische Chrischta in dr Gmoid gheeret zur Kirchegmoid Altschhausa im Kirchabezirk Biberach.

Verwaltong

Riadhausa hot sich mit de Gmoinde Altschhausa, Bõms, Äbaweiler, Äbarschbach-Muesbach, Oichschdäga, Floeschwãnga, Guggahausa, Hosskirch, Kenigseggwald ond Waldhausa zum Gmoindeverwaltungsverband Altschhausa mit Sitz z 'Altschhausa zsammegschlosse.

Schuldes

Seit anno 92 war dr Ekkehard Stettner dr Schuldes vo Riadhausa. Seit em 10. Oktober 2021 isch mit 88,37 Prozent vo de Schdimma d Yvonne Heine als sei Nochfolgerin gwählt, wo zu dem Zeitpunkt mit 25ge di jingscht Birgermoischterin vo Bade-Wirttaberg war.

Gmoidrot

Riadhausa isch oine vo de weniga Gmoinde z Bade-Wirttaberg, wo dr Gmoidrot durch d Mehrheitswahl gwählt wird. Bei de Mehrheitswahl gibts koine Lischta oder Gruppierunga. Dr Gmoidrot zellt acht Mitgliader. Dodrunter sind laut dem Ergebnis vo de Kommunalwahl am 26. Mai 2019 zwoi Fraua. Dr Gmoidrot beschtoht aus da gwählta ehreamtlicha Gmoidrät und em Schuldes als Vorsitzender. Dr Schuldes isch im Gmoidrot au stimmberechtigt.

Wappa

S gibt e am 3. Juli 1980 verliehenes Wappa.

D Blasonierung: „In Rot en richtung Flosse rechtsrum krumma aufspringenda silberna (weißa) Fisch.“

S Wappa goht aufs um 1340 in dr Zürcher Wapparolla dargestellte Wappa vo de Herra vo Riadhausa zrugg.

Wahla

Ergäbnis vo de Landdagswahla seit 2006 (zwoitausendsechs):

Johr	CDU	Griene	SPD	FDP	Lenke1	AfD	Sunschtige
2016	52 %	23,3 %	4,3 %	8 %	1,1 %	7,8 %	3,4 %
2011	62,9 %	13,8 %	12 %	4,8 %	1,8 %		4,8 %
2006	68,6 %	3,3 %	10,9 %	9,1 %	2,2 %		5,8 %

¹ 2006: WASG, seid 2011: Die Linke

Dialekt

Dr Dialekt vo Riadhausa ghert zom Schwäbischa.

Weblink

 Commons: Riedhausen – Sammlig vo Multimediadateie

• https://web.archive.org/web/20190827202810/http://gvv-altshausen.de/