Rhybrugg Koblänz-Waldshuèt

Us der alemannische Wikipedia, der freie Dialäkt-Enzyklopedy

Koordinate: 47° 36′ 31″ N, 8° 13′ 58″ O; CH1903: 659715 / 273406

Rhybrugg Koblänz–Waldshuèt
Rhybrugg Koblänz–Waldshuèt
Rhybrugg Koblänz–Waldshuèt
D Strõßèbrugg Waldshuèt-Koblänz im Januar 2014 vom Rhyufer i dè Schmittènau uus. Im Hintergrund faart èn SBB-Zug übber d Ysebaabrugg
Brucht as Strõßèbrugg
Goot über Rhy, km 102,07
Ort Waldshuèt, Choblez
Konstrukzioon Staalbalchèbrugg
Gsamtlengi 128,1 m
Bräiti 10,4 m
Grössti Stützwiti 54,9 m
Aafang vom Baue 1931
Fertig worde 1932
Lage
Rheinbrücke Koblenz–Waldshut (Schweiz)
Rheinbrücke Koblenz–Waldshut (Schweiz)
Rheinbrücke Koblenz–Waldshut
Rheinbrücke Koblenz–Waldshut


D Rhybrugg Koblänz–Waldshuèt isch è Strõßèbrugg, wo zwǜschè m Waldshuèter Stadtdeil Schmittènau un Koblänz, dört zwǜschè m Dorf un Baanhof, dè Hochrhy sowiè d dütsch-schwizer Gränz übberbrüggt.

s Bauwärk[ändere | Quälltäxt bearbeite]

S Bauwärch lyt öppè 100 m unterhalb vo dè aaltè Ysèbaabrugg vo 1859 un öppè 200 m obberhalb vo dè Strõssèbrugg a dè Aarèmündig zwǜschè Koblänz un dè Felsènau, d Rhybrugg isch i dè Johr 1931 bis 1932 baut worrè. Èrschti Blaanigè von èrè feschtè Brugg als Ersatz für è Fäärvobindig sin schu vor èm Èrstè Wältchrièg gmacht worrè. D Strõßèbrugg isch für zwei Fahrbaanè un beidsitigi Trottoir uusglait gsi. Si voknüpft im Strõßènetz diè dütsch B 34 uff am rächtè Rhyufer mit dè linksrheinischen schwizer H 7 uff dè linkè Sitè. Für d Schifffaart exischtyrt i dè mittlerè Öffnig è Passagè mit 6,0 m Höchi bim högschtè schiffbarè Wasserschtand. Diè dütsch Gränzabfertigung un diè schwizer Uusgangsabfertigung vum Warèvokeer findet sit 1978 in èrè gmeinsamè Gränzabfertigungsschtell uff dütschem Gebièt statt.[1] 1981 isch è umfangrychi Inschtandsetzig vo dè Brugg für oppè 1,9 Millionè Schwizer Frankè durrègfüürt worrè.

Vokeersflüss[ändere | Quälltäxt bearbeite]

Dè Vokeersfluss übber d Waödshuèter Rhybrugg isch rächt gross, well s sowoll rhyobsi bis Zurzi un rhyabsi bis Laufèburg kei Strõssèbrugg mee git, wo dè Fèrn- un Lokalvokeer uffnää cha. Witer chunnt dezuè, dass d Dalschtrõss im Unterè Aaredal übber sèlli Brugg vo Baddè odder Brugg gu Waldshuèt un Düèngè sowiè au retour gòt. D Bedütig vo sèllèrè Rhybrugg isch zletscht vo Juli bis Mitti Septembèr 2014 z uff dè Zuèfaartè z spürè gsi, wo d Brugg für zwölf Wochè gschpèrrt gsi isch. Diè starkè Vokeersflüss vo beidè Rhysitè sorgt däglich für langi Staus wegè m Beruèfs- un Schwèrvokeer, wodurrè au dè Vokeer uff dè B 34 un dè H 7 behinderèt wörd. Wôrend s zitwylige Vokeerschaos bis hüt (Stand: Dezembèr 2015) uff dè Waldshuèter nit besitigèt isch, hèt mò durch Änderung vo dè Vokeersfüürig uff dè Koblänzer Sitè è Besserig hèrrèbrocht. Am linkè Rhyufer a dè H 7 git s sit Èndi 2014 èn Chreisvokeer mit Ampelschtüèrig a dè Zuèfaart, übber wellèn au d Linksabbyger vu Waldhuèt hèr uff Zurzi gleitet wörrèd, un è volängerti Abbygeschpur vo Baddè/Brugg/Laufèburg in Richtig Waldshuèt.

Luèg au[ändere | Quälltäxt bearbeite]

Literadur[ändere | Quälltäxt bearbeite]

  • Ernst Woywod, Miodrag Milosavljevic, Branislav Lazic: Überwachung und Unterhalt von Kunstbauten. Im: Schweizer Ingenieur und Architekt, Jg. 100 (1982), Heft 22, S. 474–475, ISSN 0251-0960.

Einzelnõchwys[ändere | Quälltäxt bearbeite]

  1. Voybarig zwǜschè dè Schwizer Eidgnossèschaft un dè Bundesrepublik Dütschland übber dè Bau vo nebbènandligendè Gränzabfertigungsschtellè am Gränzübbergang Koblänz/Waldshuèt-Rhybrugg vo 1978 (PDF; 478 kB)
Dä Artikel basiert uff ere fräie Übersetzig vum Artikel „Rheinbrücke_Koblenz-Waldshut“ vu de dütsche Wikipedia. E Liste vu de Autore un Versione isch do z finde.