Mogelschberg

Mogelschberg mit de waldige Wilket henedraa

Mogelschberg isch e Dorf i de Gmaind Neggertaal im Toggeburg. S litt öberem Negger ufere Hööchi vo 755 müM. D Südostbaa macht e riisige Raangg um s Dorf ume, de Baahof Mogelschberg litt nordöstlich vom Dorf. Zerschtmool gnennt werd de Ort ane 1152 as Magoldesberch. Vo 1803 bis 2008 isch Mogelschberg en aigni Gmaind im Bezirk Ondertoggeborg gsii und hett sich denn mit Brunnoodere und Peeterzell zo de Gmaind Neggertaal zämegschlosse.. Mogelschberg hett e Sportzentrum miteme Halebaad. D Umgebig isch hügelig bis beergig und nume dünn bisidlet. Im Süüde vom Dorf erhebt sich d Wilket, e Bergzug, wo bis zo 1171 Meter hööch isch.