Stai SG
| S SG im Lemma isch s offiziell Chürzel vom Kanton Sanggalle und wird bruucht, zum Verwächslige mit Yträäg vom Name Stein vermyde, wo öppis anders meined. |
| Stein | |
|---|---|
 | |
| Basisdatä | |
| Staat: | Schwiiz |
| Kanton: | St. Galle (SG) |
| Wahlchrais: | Toggeborg |
| Gmeind | Nesslau SG |
| PLZ | 9655 Stein SG |
| Koordinate: | 735978 / 229228 |
| Höchi: | 838 m ü. M. |
| Flächi: | 12,24 km² |
| Iiwohner: | 374 (31. Dezämber 2011)[1] |
 D Cherche im Dorf a de Thur | |
| Charte | |
 | |
Stai (vo 1951 bis 1994 häts offiziell Stein (Toggenburg) ghaisse) isch es Dorf im Toggeborg im Kanton Sanggalle i de Schwiz.
Bis Endi 2012 isch Stai e sälbständigi politischi Gmaind gsi. Uf de 1. Januar 2013 hät Stai mit de Gmaind Nesslau-Chrummenau zur nöije Gmaind Nesslau fusioniert.
Geografii
[ändere | Quälltäxt bearbeite]
S Gebiet vo de ehemolige Gmaind hät e Flächi vo 12,24 km² und 374 Iiwohner (per 31. Dezember 2011) gha. Durs Dorf füüsst d Thur, wo e chli underhalb vom Dorf d Wissthur uufninnt. Aine vo de högschte Bärg isch de Neueralpspitz (1'815 m) uf de Gränze zu Alt St. Johann, im Sunnehalb vom Dorf gläge.
D Hoptstrooss 16 (Wattwil-Wildhuus) dorquärt s Gebiet vo Norde noch Süde und wägslet zmitzt im Dorf uf di ander Site vo de Thur. Uf däre Strecki fahrt regelmässig s Postauto. S nögscht Dorf flussufwärts isch Starchebach, abwärts chunnt Nesslau.
Gschicht
[ändere | Quälltäxt bearbeite]Näbscht de Gmaindsfusion uf Aafang 2013 isch de Dorfbrand Endi März 1947 e iischnidens Eraigniss gsi. Dozmol sind wägem trochne Früeligswätter und em Föhn, wo bloose hät, mängs Huus und mänge Stall abeprännt. Mänsche send zom Glück käni umchoo, aber nöd alli Tier hät me me rächtzitig usi loo chöne.
Sport
[ändere | Quälltäxt bearbeite]Bis im Winter 2000/01 häts en Schilift bim Eggli gha, südlich vom Dorf (Geissboden bis Stigenrain). Me cha aber immer no Schiituure im Gebiet mache. Beliebt för da isch de Stockberg (1'782 m) im Norde vom Dorf.
Im Sommer gits verschidnigi Wanderwäg uf diwärsi Bärg ufi. De Thur entlang füert gmüetlich de Thurwanderweg vo Wildhuus bis uf Wil abi.
Weblink
[ändere | Quälltäxt bearbeite]
Commons: Stai – Sammlig vo Multimediadateie- Hans Büchler: Stein (SG). In: Historisches Lexikon vo dr Schwiiz.
- Bilder vom Dorfbrand im März 1947
