Moutier

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Moutier
(dt. Münster)
Wappe vo Moutier (dt. Münster)
Basisdate
Staat: Schwiiz
Kanton: Bärn (BE)
Verwautigschreis: Bärner Juraw
BFS-Nr.: 0700i1f3f4
Poschtleitzahl: 2740
UN/LOCODE: CH MTR
Koordinate: 594872 / 23663147.2805537.370847535Koordinate 47° 16′ 50″ N, 7° 22′ 15″ O; CH1903: 594872 / 236631
Höchi: 535 m ü. M.
Flächi: 19,53 km²
Iiwohner: 7477 (31. Dezämber 2017)[1]
Website: www.moutier.ch
Chiuche Saint-Germain

Chiuche Saint-Germain

Charte
BielerseeFrankriichKanton JuraKanton NeueburgKanton SoledurnKanton SoledurnVerwautigs-Chreis Biel/BienneVerwautigs-Chreis SeelandVerwautigs-Chreis EmmetauVerwautigs-Chreis OberaargouBelprahonChampozCorcelles BECorgémontCormoretCortébertCourt BECourtelaryCréminesEschertGrandval BELa Ferrière BELa NeuvevilleLoveresseMont-TramelanMoutierNods BEOrvinPerrefittePéry-La HeuttePetit-ValPlateau de DiesseRebévelierReconvilierMont-TramelanRenan BERoches BERomont BESaicourtSaint-ImierSaugeSaules BESchelteSeehof BESonceboz-SombevalSonvilierSorvilierTavannesTramelanValbirseVilleret BECharte vo Moutier (dt. Münster)
Iber des Bild
w

Moutier (Franc-comtois [moˈtiːə], alem. Münschter, dt. verautet Münster) isch en Ywohnergmeind im Verwautigschreis Bärner Jura vom Schwyzer Kanton Bärn.

Geografi[ändere | Quälltäxt bearbeite]

Moutier ligt im Birstau im Schwizer Jura. Vor Gmeindsflächi sy 31 % langwirtschaftlecher Flächi, 55,8 % Waud, 12,1 % Sidligsflächi u 1,1 % süschtigi Flächi.[2] D Nachburgmeinde sy Perrefitte, Champoz, Court, Eschert, Belprahon u Roches im Kanton Bärn u Châtillon u Soulce im Kanton Jura.

Gschicht[ändere | Quälltäxt bearbeite]

Moutier isch zum erschte Mal gnennt worde im Jahr 1154 aus datum Monasterii, 1181 apud Monasterium. Der Ort het sich im Mittelalter um d Benediktinerabtei Münschter-Granfälde entwicklet und het im 15. Jahrhundert mit ere Reie Stedt Burgrächtabkomme gschlosse – drunder au mit dr Stadt Bärn. Dür d Bschlüss vom Wiener Kongräss isch es 1815 a Kanton Bärn choo.

Bis zum 31. Dezämber 2009 het d Gmeind zum Bezirk Moutier ghört u isch dört Houptort gsy, sider ghört Moutier zum nöi gründete Verwautigschreis Bärner Jura.

1974 het sech Moutier bir Jura-Abstimmig knapp für Bärn entschide. 1982 aber het s Volch e projurassische Stadtpresidänt gwäält, u bin ere wytere Abstimmig 2014 hets sech knapp für der Aaschluss a Kanton Jura uusgsproche.

Am 18. Juni 2017 het s Wahlvolch vo Moutier in ere Abstimmig mit 2067 Stimme (51,7 %) zu 1930 Stimme (48,3 %) dr Wächsel vom Kanton Bärn zum Kanton Jura bschlosse.[3] Die Abstimmig isch aber wäge Uregelmässigkeite am 5. Novämber 2018 vom Regierigsstatthauteramt vom Bärner Jura für ugüutig erchlärt worde.[4]

Ywohner[ändere | Quälltäxt bearbeite]

Quäuue: Bundesamt für Statistik 2005[5]

Jahr 1850 1860 1870 1880 1888 1900 1910 1920
Ywohner 917 1570 1946 2111 2320 3088 4164 4631
Jahr 1930 1941 1950 1960 1970 1980 1990 2000
Ywohner 4704 5165 5916 7472 8794 7959 7860 7701

Dr Uusländeraateil isch 2010 bi 23,4 % gläge.[2]

Religion[ändere | Quälltäxt bearbeite]

33,7 % vo de Ywohner si evangelisch-reformiert, 47,8 % si römisch-katholisch (Stand 2000).

Politik[ändere | Quälltäxt bearbeite]

Bi de Nationauraatswahle 2011 het s das Ergebnis ggää:[2] BDP 2,8 %, CVP 17,7 %, EVP 2,9 %, FDP 6,0 %. GLP 1,3 %, GP 5,4 %, SP 23,7 %, SVP 22,7 %, Suschtigi 17,5 %.

Gmeindspresidänt vo Moutier isch dr Marcel Winistörfer (Stand 2018).

Wirtschaft[ändere | Quälltäxt bearbeite]

D Arbetslosigkeit isch im Jahr 2011 bi 2,7 % gläge.[2]

Sprach u Dialäkt[ändere | Quälltäxt bearbeite]

Bir Vouchszeuuig 2000 hei vo de 7701 Ywohner 86,5 % Wäutsch aus Houptsprach aaggää, 3,9 % Dütsch u 3,6 % Italiänisch.

Dr alt Patois (Franc-comtois) vo Moutier isch wahrschynlech ir erschte Heufti vom 20. Jahrhundert uusgstorbe.

Biuder[ändere | Quälltäxt bearbeite]

Weblink[ändere | Quälltäxt bearbeite]

 Commons: Moutier – Sammlig vo Multimediadateie

Fuessnote[ändere | Quälltäxt bearbeite]

  1. Ständige und nichtständige Wohnbevölkerung nach Jahr, Kanton, Bezirk, Gemeinde, Bevölkerungstyp und Geschlecht (Ständige Wohnbevölkerung). In: bfs.admin.ch. Bundesamt für Statistik (BFS), 31. August 2018, abgerufen am 30. September 2018.
  2. 2,0 2,1 2,2 2,3 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv)[1] [2] Vorlage:Toter Link/www.bfs.admin.ch, Mai 2012
  3. Moutier hat die Jurafrage «abgeschlossen». Artikel im Tagi vom 18. Juni 2017.
  4. Moutier-Abstimmung für ungültig erklärt. Artikel ir Zürizyitg vom 5. November 2018.
  5. Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv)[3] [4] Vorlage:Toter Link/www.bfs.admin.ch, Date im Aahang (Site cha nüme abgrüeft wärde; Suche im Webarchiv)[5] [6] Vorlage:Toter Link/www.bfs.admin.ch)