BDWM Transport
| BDWM Transport AG | |
|---|---|
| |
| Basisinformatione | |
| Sitz vom Undernähme | Brämgarte |
| Webpräsenz | BDWM Transport AG |
| Bedriibsleitig | Severin Rangosch |
| Verkehrsverbund | Tarifverbund A-Welle |
| Beschäftigti | Bahn: 90, Bus: 140 (Ändi 2009) |
| Umsatz | 13,8 Mio CHF |
| Zahl vo de Fahrzüüg | |
| Driibwäge | 14 (Ändi 2009) |
| Omnibus | 57 (Ändi 2009) |
| Dialäkt: Aargauerdüütsch |
D BDWM Transport AG (kurz BDWM, Abchürzig vo Brämgarte Dietike Wohle Mäisterschwande) isch en Verchehrsbetrib im Kanton Aargau mit Sitz z Brämgarte. Entstande isch si us de Brämgarte–Dietike-Bahn und de Wohle–Mäisterschwande-Bahn, wo die im Johr 2000 fusioniert hend. Si betribt d Schmalschpurstrecki vo Dietike uf Wohle, und es baar Buslinie.
Gschicht
[ändere | Quälltäxt bearbeite]D Brämgarte–Dietike-Bahn isch sit 1920 d Betribsgsellschaft vo de 1916 eröffnete Wohle–Mäischterschwande-Bahn gsi. Sit de Schlüüsig vo dere Normalschpurstrecki 1997 betribt d BD en Buslinie zwüsched Wohle und Mäischterschwande.
2002 hed d BDWM d Uusschribig für es Netz vo sächs Buslinie im Limmattal zwüsched Züri und Spräitebach bechoo. Am 1. Jänner hed drum d Tochtergsellschaft Limmatbus de Betriib uufgnoh.
Im gliiche Johr hed d BDWM au de Zueschlag für elf Buslinie i de Region Wiggertal bi Zofige becho. Eigentlich hetti di neu Tochtergsellschaft Wiggerbus mit em Fahrplanwächsel am 12. Dezämber 2004 sölle de Betriib ufnee, si hed sich aber dur en Beschwerde vo de Postauto Aargau um zwei Johr verzögeret.
D Linie im Aargau sind im Tarifverbund vu de A-Welle.
Strecki
[ändere | Quälltäxt bearbeite]| Streckedate | |
|---|---|
| Streckelängi | 18,8 km |
| devo doppelschpurig | 1,6 km |
| Spurwiiti | 1000 mm |
| Drüüschinegleis | 1435/1000 mm |
| Längi Drüüschinegleis | 6,6 km |
| uf öffentliche Strosse | 0,8 km |
| chlinschte Kurveradius | 25 m |
| Stromsystem | 1200 V = |
| |
D Bahnlinie füehrt vo Dietike im Limmattal dor d Gmeinde Ruedistette-Fredlisbärg, Berike, Wide und Zufike über de Mutschälle is Rüsstal nach Brämgarte und vo det is Bünztal uf Wohle.
Vom SBB-Bahnhof z Dietike füert d Strecki zerscht dors Gebiet vo de Innetstadt, chrüzd d Stross eimal bis zum Halt a de Schöneggstross. Vo det füert si rächts vo de Hauptstross ufwärts zu de Statione Bergfride und Stoffelbach. Nach em Halt in Stoffelbach traversiert si d Hauptstross und blibt denn bis churz vor em nöchschte Halt uf de linke Siite vo de Stross.
Wen si nomol d Hauptstross traversiert hed, erreicht si d Haltstell Reppischhof, die isch i de nöchi vo de Soudronic und werd drumm vor allem vo Pändler am morge und obig brucht. dän chunt si gly uf Rudolfstette. Wiiters gaats uf de linke Strassesite und de nöchsti Halt isch bi Hofacker, wo au no zu Rudolfstette ghört.
Nach dem Halt chunt en erschti 180°-Kurve, bevor mer nocher zu de Station Berike-Wide und uf d Passhöchi vom Mutschälle chunt. Vo det füehrt d Strecki, wiiterhin de Hauptstross folgend, über d Halt Belvedere, Heinrüti Rank und Hammerguet und wiitere drei 180°-Kurve uf Zufike.
Nach ere 90°-Kurve erreicht mer de Halt Bibenlos wo au s Ändi vom Abstig isch. Z Brämgarte isch de Sitz vo de Verwaltig und au s Depot vo de Bahn. De nöchscht Halt isch bim Obertor, direkt vor em Spittelturm und de Rüüsbrogg. Nach der Überquerig vo de Rüüs, em Halt im Iselauf und zwei wiitere Enge Kurve chunt d Baan zum Bahnhof Brämgarte West, ab det isch d Strecki drüügleisig, för de Personevercher schmalschpurig und för de Güetervercher normalspurig. Si füehrt dur de Wald zwüsched Brämgarte und Wohle, haltet det för Uusflügler eimal a de Haltstell Ärdmannlistei i unmittelbarer Nöchi zu dere Steiformation. Nach em Halt Wohle Oberdorf erreicht d Linie de SBB-Bahnhof vo Wohle.
Zuekumpft
[ändere | Quälltäxt bearbeite]Dr Kanton Aargau als Hauptaktionäär wott, ass d BDMW mid de Wyynedaal- und Suhredaalbaan (WSB) zämegoot.[1]
Bilder
[ändere | Quälltäxt bearbeite]-
en Zug uf de Rüüsbrogg z Brämgarte -
s Depot und d Werchstatt näb em Bahnhof Brämgarte
Literatur
[ändere | Quälltäxt bearbeite]- Florian Inäbnit, Jürg Aeschlimann: Bremgarten–Dietikon-Bahn; Von der Überlandstrassenbahn zur S-Bahn. Prellbock Druck & Verlag, 3706 Leissigen, 2002. ISBN 3-907579-22-4
Weblink
[ändere | Quälltäxt bearbeite]Fuessnoote
[ändere | Quälltäxt bearbeite]- ↑ Urs Helbling: Der Zusammenschluss der beiden Aargauer Regionalbahnen ist heikel (Memento vom 17. Juni 2017 im Internet Archive) uf aargauerzeitung.ch vom 8. November 2016
|
Dä Artikel basiert uff ere fräie Übersetzig vum Artikel „BDWM_Transport“ vu de dütsche Wikipedia. E Liste vu de Autore un Versione isch do z finde. |