Manuela Schwesig

Us der alemannische Wikipedia, der freie Dialäkt-Enzyklopedy
Hops zue: Navigation, Suech
d Manuela Schwesig, 2013
d Schwesig mit der SPD-Familiebolitikeri Kerstin Griese

D Manuela Schwesig (* 23. Mai 1974 z Frankfurt an dr Oder as Manuela Frenzel) isch e dytschi Bolitikeri (SPD) un un syt em 4. Juli 2017 Minischterbresidänti vu Mecklenburg-Vorpommern. Vu Dezämber 2013 bis Juni 2017 Bundesminischteri fir Familie, Seniore, Frauen un Juged gsii un vu 2008 bis 2013 isch si Minischteri fir Arbet, Glychstellig un Sozials z Mecklenburg-Vorpommern. Syt em 2. Juli 2017 isch si Landesvorsitzeri vu dr SPD Mecklenburg-Vorpommern un syt em 13. Novämber 2009 aini vu dr fimf stelllverdrättende Bundesvorsitzerne vu dr SPD.

Familie, Uusbildig un Beruef[ändere | Quälltäxt bearbeite]

D Schwesig isch im oschtbrandenburgische Seelow ufgwachse, ihre Vater isch e Schlosser gsii, ihri Mueter e Statischtikeri. Noch em Abitur 1992 am Gymnasium uf dr Seelower Hechine het si ne Studium vum Ghobene Dienscht in dr Styyrverwaltig vum Land Brandeburg absolviert. Anne 1995 het si des as Diplom-Finanzwirti (FH) an dr Fachhochschuel fir Finanze z Königs Wusterhausen abgschlosse.

Derno isch d Schwesig an s Finanzamt z Schwerin gwächslet, wu si as Styyrfahndigsbrieferi gschafft het.[1] Ab Mai 2002 het si im Finanzminischterium vum Land Mecklenburg-Vorpommern gschafft,[2], wu si sich im Referat 320[3] as Styyramtsreeeti fir d Styyrverwaltig mit Frooge vu dr Effetligkaitsarbet un dr Organsisation bscheftigt het.

D Schwesig isch Mitglid im Dytsche Chinderschutzbund.[2]

Si isch syt 2000 ghyrote mit em chaufmännische Laiter Stefan Schwesig un het mit ihm e Suhn (Julian, * 2007) un e Dochter (Julia, * 2016).[1] Am 31. Juli 2010 het si d vorhär konfessionslos Schwesig zämme mit ihrem Mann un ihrem Suhn daife loo[4] un isch mit ihre Familie in di Evangelisch-Lutherisch Landeschilche vu Mecklenburg yydrätte.

Bolitik[ändere | Quälltäxt bearbeite]

Mit 29 Johr isch d Schwesig in d SPD yydrätte.[1] Si ghert em Vorstand vum SPD-Chraisverband Schwerin un em Landesvorstand vu dr SPD aa. Syter anne 2004 isch si Mitglid vu dr SPD-Fraktion in dr Schweriner Stadtverdrättig gsii, wu si syt 2004 stellverdrättendi Fraktionsvorsitzeri un vu Oktober 2007 bis Oktober 2008 Fraktionsvorsitzeri gsii isch.[1][5]

Am 6. Oktober 2008 isch si zue dr Minischteri fir Sozials un Gsundhait im Kabinett vum Erwin Sellering ernännt wore.[6] Ab em 30. Juli 2009 isch d Manuela Schwesig Mitglid im Kompetenzteam vum SPD-Chanzlerkandidat Frank-Walter Steinmeier zue dr Bundesdagswahl 2009 gsii, wu si verantwortli gsii isch fir d Berych Familie un Soziales.[7] Am 25. Oktober 2011 isch si zue dr Minischteri fir Arbet, Glychstellig un Sozials iim Kabinett Sellering II ernännt wore. Vum Oktober 2011 bis Jänner 2014 het si au em Landdag vu Mecklenburg-Vorpommern aaghert.

Am 27. Mai 2013 isch d Schwesig fir dr Wahlkampf zue dr Bundesdagswahl 2013 in s Kompetenzteam vum SPD-Chanzlerkandidat Peer Steinbrück beruefe wore. Si isch dert zueständig gsii fir d Themene Fraue, Familie, Ufböu Oscht, Demografi un Inklusion.[8]

Vum 17. Dezämber 2013 bis zum 2. Juni 2017 isch d Manuela Schwesig Bundesminischteri fir Familie, Seniore, Frauen un Juged gsii.

Wu dr Erwin Sellering sy Ruggzug us dr Bolitik us gsundhaitlige Grind aagchindet het, isch si as Noofolgeri vorgschlaa wore. Am 4. Juli 2017 isch si as erschti Frau zur Minischterbresidänti vu Mecklenburg-Vorpommern gwehlt wore.

Weblink[ändere | Quälltäxt bearbeite]

 Commons: Manuela Schwesig – Sammlig vo Multimediadateie

Fueßnote[ändere | Quälltäxt bearbeite]

  1. 1,0 1,1 1,2 1,3 Die Senkrechtstarterin. Manuela Schwesig wird Sozialministerin In: Schweriner Volkszeitung. 2. Oktober 2008, Syte 5
  2. 2,0 2,1 Kampf um das Stadthaus beginnt In: Schweriner Volkszeitung, 29. April 2008, Syte 15.
  3. vgl. dr Organisationsblan vum Finanzminischterium Archivlink (Memento vom 14. Jänner 2014 im Internet Archive)
  4. SPD-Parteivize Manuela Schwesig lässt sich taufen. In: Hamburger Abendblatt. 2010-08-25. Abgrüeft am 2011-02-21.
  5. Daniel Meslien neuer Chef der SPD-Fraktion In: Schweriner Volkszeitung, 8. Oktober 2008
  6. NDR Nordmagazin am 6. Oktober 2008
  7. Grüne gehen auf Distanz zur SPD. In: Spiegel Online, 31. Juli 2009.
  8. Kompetenzteam der SPD (Site cha nüme abgrüeft wärde; Suche im Webarchiv)[1] [2] Vorlage:Toter Link/peer-steinbrueck.de bi: spd.de 27. Mai 2013


Information icon.svg Dä Artikel basiert uff ere fräie Übersetzig vu dere Version vum Artikel „Manuela_Schwesig“ vu de dütsche Wikipedia.

E Liste vu de Autore un Versione isch do z finde.