Schwizerisches Bundesarchiv

Us der alemannische Wikipedia, der freie Dialäkt-Enzyklopedy
Schweizerisches Bundesarchiv

s Hauptgebäude vom Schwizerische Bundesarchiv
s Hauptgebäude vom Schwizerische Bundesarchiv
Archivtyp Staatliches Archiv
Koordinate 46° 56′ 26″ N, 7° 26′ 47″ OKoordinate: 46° 56′ 26″ N, 7° 26′ 47″ O; CH1903: 600591 / 198830
Ort Bern
Bsuecheradrässe Archivstrasse 24, 3006 Bern
Gründig 1798
Umfang ca. 60 km analogi und 15 Terabyte digitali Underlage
ISIL CH-000018-2
Drääger Schwizerischi Eidgenosseschaft
Organisationsform Behörde
Website www.bar.admin.ch

S Schwizerische Bundesarchiv (BAR) (franzöösisch Archives fédérales suisses (AFS), italienisch Archivio federale svizzero (AFS), rätoromanisch Archiv federal svizzer (AFS)) z Bärn het di gsetzlichi Ufgaab, archivwürdigi Underlage vo de schwizererische Bundesversammlig, vom Bundesrat, de Bundesverwaltig und de Schwizer Verträttige im Ussland z sichere, z erschliesse, z vermittle und uszwärte. Es leistet dademit gmäss Bundesgsetz über d Archivierig[1] e Bytrag zur Rächtssicherheit, zur kontinuierliche und rationelle Verwaltigsfüehrig und macht staatlichs Handle nachvollziehbar. Es isch verwaltigstechnisch em Eidgenössische Departement vom Innere (EDI) aaglideret. Direktor vom Bundesarchiv isch syt 2018 de Philippe Künzler.

Gschicht und Beständ[ändere | Quälltäxt bearbeite]

Di ältiste Beständ vom Archiv gönd uf s Zentralarchiv vo de Helvetische Republik zrugg, wo am 18. Dezämber 1798 ggründet worden isch. Nach dem chömet s Archiv vo de Mediationszyt (1803 bis 1813), de Tagsatzigsperiode (1814 bis 1848) und em Bundesstaat (syt 1848). Au diversi Privatarchiv vo Persone vo gsamtschwizerische Bedüütig lagered im Bundesarchiv. Di meiste vo dene Underlage sind fry zuegänglich. Für Underlage us jüngerer Zyt gilted i de meiste Fäll e Schutzfrist vo 30 Jahr. Zum no gschützti Underlage chönnen aaluege, cha es Yysichtsgsuech as Bundesarchiv gstellt wärde. Für d Bewilligung isch denn meistens die Stell zueständig, wo d Underlagen erstellt het.

Aktuell hets im Bundesarchiv ca. 60‘000 Laufmeter analogi und über 15 Terabyte digitali Underlage. Wäge der Umstellig vo de Bundesverwaltig uf di digitali Gschäftsverwaltig (GEVER) wärded zuekünftig fast nume no Underlage i digitaler Form archiviert. Analogi Beständ, wo bsunders gfragt sind, wärded teilwys digitalisiert und online zur Verfüegig gstellt.

S Archiv isch im ene Archiv- und Bibliotheksgebüü a de Archivstrasse 24 im Bärner Chiuchefäudquartier underbracht, wo vo 1896 bis 1899 under em Theodor Gohl puue worden isch. Bis 1931 het s Archiv syni Rüüm mit de Schwizerische Nationalbibliothek teilt. 1980 bis 1985 isch s Gebüü vollständig renoviert und um ne underirdische Magazintrakt erwyteret worde, wo hüt de wytuus gröschti Teil vo de Beständ drin lageret.

Leiter vom Bundesarchiv und syne Vorgängerinstitutione[ändere | Quälltäxt bearbeite]

Liste vo de Leiter[2]
Amtszyt Name
1799 Philipp Christoph Reibelt
1799 Josef Mariä Businger (1764–1836)
1799–1803 Marc Louis Vinet (1770–1828)
1803–1848 Karl Samuel Wild (1765–1848)
1849–1861 Johann Jakob Meyer (1798–1869)
1856–1867 Karl Joseph Krütli (1815–1867)
1868–1913 Jakob Kaiser (1833–1918)
1914–1932 Heinrich Türler (1861–1933)
1933–1954 Léon Kern (1897–1971)
1954–1973 Leonhard Haas (1908–2000)
1974–1990 Oscar Gauye (1928–1990)
1990–2004 Christoph Graf (* 1944)
2004–2017 Andreas Kellerhals (* 1954)
syt 2018 Philippe Künzler (* 1969)[3][4]

Literatur[ändere | Quälltäxt bearbeite]

Weblink[ändere | Quälltäxt bearbeite]

 Commons: Schwizerisches Bundesarchiv – Sammlig vo Multimediadateie

Einzelnachwys[ändere | Quälltäxt bearbeite]

  1. Bundesgesetz über die Archivierung vom 26. Juni 1998 (Archivierungsgesetz, BGA)
  2. Catherine Santschi: Bundesarchiv. In: Historisches Lexikon vo dr Schwiiz.
  3. Schweizerisches Bundesarchiv BAR: Direktor des Bundesarchivs tritt zurück und wird Beauftragter Open Government Data. Abgruefen am 19. Januar 2018.
  4. Bundesrat ernennt Philippe Künzler zum neuen Direktor des Bundesarchivs. Abgruefen am 28. Februar 2019.
Dä Artikel basiert uff ere fräie Übersetzig vum Artikel „Schweizerisches_Bundesarchiv“ vu de dee Wikipedia. E Liste vu de Autore un Versione isch do z finde.