Kiribati

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Kiribati (gilbertes.)
Republic of Kiribati (ängl.)
Republik Kiribati
Fahne vo Kiribati
Wappe vo Kiribati
Fahne Wappe
Wahlspruch: „te mauri, te raoi ao te tabomoa“, «Gsundheit, Friiden und Wohlstand»
Amtspraach Gilbertesisch und Änglisch
Hauptschtadt South Tarawa
Schtaatsform Präsidialrepublik
Staatsoberhaupt, und Regierigschef Presidänt Taneti Maamau
Flächi 811 km²
Iiwohnerzahl 112.850 (Schetzig: 2009)

  92.533 (Stand: 2005)

Bevölkerigsdichti 136,1 (Schetzig: 2009) Iiwohner pro km²
Bruttoinlandsprodukt nominal (2007)[1] 67 Mio. US$ (181.)
Bruttoinlandbrodukt 686 US$ (148.)
Währig Kiribati-Dollar und Australische Dollar
Unabhängigkeit 12. Juli 1979
Nationalhymne Teirake Kaini Kiribati
Zitzone UTC+12, +13, +14
Kfz-Kennzeiche KIR
Internet-TLD .ki
Vorwahl +686
Kiribati map LOC.jpg
Bonriki International Airportwelcomejpg.jpg

Kiribati [kiri:ba:s] isch en Inselstaat im Pazifik. Zum Staatsterritorium ghören e Hufe Insle in Mikronesie und Polynesie, wo verstreut über e wiits Gebiet nördlig und südlig vom Äquator lige.

Dr Nationalfiierdig isch dr 12. Juli, dr Johresdag vo dr Unabhängigkeit 1979.

Geographii[ändere | Quälltäxt bearbeite]

Usdehnig[ändere | Quälltäxt bearbeite]

S Territorium het e West-Ost-Usdehnig vo öbbe 4.835 km (Luftlinie vo dr westligste Insle Banaba bis zur östligste Insle im Caroline-Atoll) und e Nord-Süd-Usdehnig vo öbbe 1.973 km (Luftlinie vo dr nördligste Insle Teraina (Washington Island) bis zur südligste Insle Flint Island) in eme Meeresgebiet vo rund 5,2 Mio. km².

Lag[ändere | Quälltäxt bearbeite]

S Staatsgebiet lit – ganz allgemein gsait – halbwägs zwüsche Hawaii und Australie in dr Mikronesische Region vom Südpazifik. Zwüsche de Gilbert- und Phoenixinsle verläuft dr 180. Längegrad und drmit, bis Ändi 1994, die internationali Datumgränze. So dass mä im ganze Staatsgebiet s gliiche Datum gha het, isch am 1. Januar 1995 d Datumsgränze so gänderet worde, dass ganz Kiribati westlig drvo lit. Die östligsti vo de Line Islands, Caroline Island, heisst sit em 1. Januar 2000 Millennium Island, wil uf dere Insle dr ersti Sunnenufgang vom Johr 2000 beobachtet worden isch.

Inselgruppe[ändere | Quälltäxt bearbeite]

Dr Inselstaat bestoht us 32 Atoll, wo mä cha in drei Inselgruppen zsämmefasse, und d Insle Banaba:

Charte Gilbertinsle 16 Atoll
282 km²
Charte Phoenixinsle 8 Atoll
27,7 km²
Charte Line Islands 8 vo im Ganze 11 Atoll
495 km²

Dr Grossdeil vom Land befindet sich weniger as zwei Meter über em Meeresspiegel. En Usnahm isch d Vulkaninsle Banaba, wo mit 81 m über NN die höggsti Erhebig im Inselstaat isch. Lut eme Bricht vo de Vereinte Natione us em Johr 1989 wird Kiribati eins vo de erste Länder si, wo im 21. Johrhundert as Folg vom Klimawandel zum Grossdeil überfluetet wurd. Middi 1999 isch bekannt gee worde, ass zwei unbewohnti Koralleriff überfluetet worde si.

Übersicht über die wichtigste Insle und Atoll
Kiritimati (Wiehnachtsinsle) vo dr ISS us fotigrafiert Kiritimati
(Christmas Island
Wiehnachtsinsle)
375 km² 5.200 Iiwohner Kiritimati het vo allne Koralleninsle uf dr Wält die grössti Landflechi.
NASA-Astronautebild vo dr Fanninginsle (Tabuaeran) im Pazifischen Ozean Tabuaeran
(Fanning Island)
33,7 km² ca. 2.500 Iiwohner Dr änglisch Name vo däm Atoll chunnt vom US-amerikanische Entdecker Edmund Fanning.
NASA-Astronautebild vo dr Insle Teraina, Kiribati, im Pazifischen Ozean Teraina
(Washington Island)
14,2 km² 1.150 Iiwohner Das Atoll isch au vom Fanning entdeckt worde, won es noch em US-Presidänt George Washington benennt het.
Satellitebild vo Banaba Banaba
(Ocean Island)
6 km² 301 Iiwohner Im Johr 1900 het mä entdeckt, ass alle Felse us versteineretem Vogeldräck (Guano) bestoht. Banaba isch näbe Nauru die zweiti Insle im Westpazifik, wo grossi Phosphatlager het.
Satellitebild Tarawa 32 km² ca. 50.000 Iiwohner Das Atoll isch s Hauptatoll vo dr ehemolige britische Kolonii vo de Gilbertinsle gsi und isch hüte s Hauptatoll vo dr Republik Kiribati.
Satellitebild vo Kanton Abariringa
(Canton Island)
9 km² 41 Iiwohner Dr änglischi Name vom Atoll wird druf zruggfüehrt, ass 1854 dr Walfänger Canton vor dr Insle uf Grund gloffen isch.

Bevölkerig[ändere | Quälltäxt bearbeite]

D Bevölkerig vo Kiribati isch ethnisch sehr homogen. Fast 99 % si Mikronesier. Usserdäm läben 0,8 % Polynesier und 0,2 % Europäer uf Kiribati.

D Iiwohner nenne sich im Singular wie im Plural I-Kiribati. S Adjektiv vo dr Nationalitet und dr Landessprooch wird as Kiribati ohni Prefix 'I' bezeichnet.

Weblingg[ändere | Quälltäxt bearbeite]

 Commons: Kiribati – Sammlig vo Multimediadateie
Wikiatlas Wikimedia-Atlas: Kiribati – geographischi un historischi Charte

Fuessnote[ändere | Quälltäxt bearbeite]

  1. International Monetary Fund, World Economic Outlook Database, April 2008.

-3.3666666666667-168.73333333333Koordinaten: 3° S, 169° W